2026         01            28                                                    301/ШШ2026/00103

 

 

 

         Хариуцагчийн зөвшөөрлийг баталж, хэргийг

      хэрэгсэхгүй болгох тухай

 

 

А аймаг дахь сум дундын анхан шатны шүүхийн шүүгч  Д.Орхонтамир би

Нэхэмжлэгч: А аймаг, Э сум, 00 дугаар баг, Б  00 тоотод оршин суух Ж.Б /ИБД:000/-ийн нэхэмжлэлтэй

Хариуцагч: А аймаг, Э  сум, 00 дугаар баг, Б 00 тоотод оршин суух Б.Н /РД:00/-д холбогдох

 

190,000 төгрөг гаргуулах тухай иргэний хэргийг хянаад

 

                                                             ТОДОРХОЙЛОХ нь:

 

Нэхэмжлэгч Ж.Б  шүүхэд гаргасан нэхэмжлэлдээ: ... Б.Н-аас 190,000 төгрөгийг гаргуулж өгнө үү... гэжээ.

 

            Хариуцагч Б.Н шүүхэд ирүүлсэн хариу тайлбартаа: Хариуцагч Н  миний бие Б-ийн нэхэмжлэлийн шаардлага болох 190,000 төгрөгийг төлөхийг хүлээн зөвшөөрч байна. Би уг мөнгийг 2026 оны 02 дугаар сарын 10-ны өдрийн дотор төгрөгийг төлж барагдуулна. Иймд хэргийг хялбаршуулсан журмаар шийдвэрлэж өгнө үү гэжээ.

 

            Нэхэмжлэгч Ж.Б  шүүхэд ирүүлсэн тайлбартаа: Хариуцагч Б.Н-ийн хариу тайлбарыг хүлээн зөвшөөрч байна гэжээ.

           

                                                               ҮНДЭСЛЭХ нь:

 

            Нэхэмжлэгч Ж.Б , хариуцагч Б.Н-д холбогдуулан 190,000 төгрөг гаргуулахаар нэхэмжлэлийн шаардлага гаргажээ.

 

Хэрэг хянан шийдвэрлэх ажиллагааны явцад хариуцагч нь холбогдох хуулийн зохицуулалт, үр дагавар, өөрийн эрх, үүрэгтэй танилцаад 190,000 төгрөг гаргуулах тухай нэхэмжлэлийн шаардлагыг хүлээн зөвшөөрсөн тайлбараа шүүхэд ирүүлсэн байна.

 

Хариуцагч Б.Н  нь нэхэмжлэгч Ж.Б-гийн нэхэмжилсэн 190,000  төгрөгийг 2026 оны 02 дугаар сарын 10-ны өдрийн дотор төлж барагдуулахаар хүлээн зөвшөөрсөн нь хууль зөрчөөгүй, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох нь зүйтэй байна.

Энэхүү захирамжийг хариуцагч Б.Н  нь сайн дураараа биелүүлээгүй бол шүүхийн шийдвэрийн нэгэн адил албадан гүйцэтгэхийг, энэ захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах  эрхгүй болохыг тус тус мэдэгдэж.

 

Нэхэмжлэгчийн улсын тэмдэгтийн хураамжид төлсөн 6,350 төгрөгөөс 3,175 төгрөгийг улсын орлогод хэвээр үлдээж, улсын орлогоос 3,175 төгрөг, хариуцагч Б.Н-гаас 3,175 төгрөгийг тус тус гаргуулж нэхэмжлэгч Ж.Б-д олгохоор шийдвэрлэв. 

           

Иргэний хэрэг шүүхэд хянан шийдвэрлэх тухай хуулийн 75 дугаар зүйл, 123 дугаар зүйлийн 123.1-д заасныг удирдлага болгон 

 

                                                 ЗАХИРАМЖЛАХ нь:

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2-т заасныг баримтлан нэхэмжлэгч Ж.Б-гийн нэхэмжилсэн 190,000 төгрөгийг хариуцагч Б.Н  хүлээн зөвшөөрсөн хариуцагчийн зөвшөөрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1 дэх хэсэгт заасныг баримтлан нэхэмжлэгчийн улсын тэмдэгтийн хураамжид төлсөн 6,350 төгрөгөөс 3,175 төгрөгийг улсын орлогод хэвээр үлдээж, улсын орлогоос 3,175 төгрөг, хариуцагч Б.Н-аас 3,175 төгрөгийг тус тус гаргуулж нэхэмжлэгч Ж.Б-д олгосугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д заасныг баримтлан энэхүү захирамжийг хариуцагч Б.Н  нь сайн дураараа биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т заасныг баримтлан энэ захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах  эрхгүй болохыг дурдсугай.

 

 

 

 

                                      ШҮҮГЧ                                    Д.ОРХОНТАМИР