301/ШШ2026/00082

 

 

 

         Хариуцагчийн зөвшөөрлийг баталж, хэргийг

      хэрэгсэхгүй болгох тухай

 

 

Архангай аймаг дахь сум дундын анхан шатны шүүхийн ерөнхий шүүгч Ч.Жаргалан би

Нэхэмжлэгч: У хот, С дүүрэг, .... дүгээр хороо, П гудамж, А Тауэр, ... давхар, .... тоотод байрлах “П ББСБ ” ХХК /РД:...../-ийн нэхэмжлэлтэй,

Хариуцагч: Архангай аймгийн Ц сумын О, ..... дүгээр багт оршин суух Б овогт овогт Ням-Э-ийн Б /ИБД:............./-д холбогдох

11,905,069.50 төгрөг гаргуулах тухай иргэний хэргийг хянаад:

 

ТОДОРХОЙЛОХ нь:

 

Нэхэмжлэгч “П ББСБ ” ХХК шүүхэд гаргасан нэхэмжлэлдээ: ...Иймд зээлдэгч Н.Б-аас үндсэн зээлийн төлбөрт 8,840,000 төгрөг, үндсэн хүүгийн төлбөрт 2,866,775 төгрөг, нэмэгдүүлсэн хүү 101,393 төгрөг, шимтгэл 88,400 төгрөг, нотариатын зардал 8,500 төгрөг, нийт 11,905,069.50  төгрөгийг гаргуулж өгнө үү гэжээ.

 

Хариуцагч Н.Б шүүхэд гаргасан хариу тайлбартаа: Н-ийн Б миний п ХХК-ийн 11,905,069.50 төгрөг гаргуулах нэхэмжлэлийн шаардлагыг хүлээн авч танилцлаа. Би 11,905,069.50 төгрөгийг төлж барагдуулна. П ББСБ ” ХХК-ийн нэхэмжлэлийн шаардлага болох  11,905,069.50 төгрөг төлөхийг бүхэлд нь хүлээн зөвшөөрч байна. Иймд хэргийг хялбаршуулсан журмаар шийдвэрлэж өгнө үү. Улсын тэмдэгтийн хураамжийг хуульд зааснаар шийдвэрлүүлнэ гэжээ.

 

Шүүх зохигчдын тайлбар болон хавтаст хэрэгт цугларсан бичмэл нотлох баримтуудыг шинжлэн судлаад:

ҮНДЭСЛЭХ нь:

 

Нэхэмжлэгч “П ББСБ ” ХХК нь хариуцагч Н.Б-д  холбогдуулан 11,905,069.50 төгрөг гаргуулах тухай нэхэмжлэлийн шаардлага гаргажээ.

 

Хэрэг хянан шийдвэрлэх ажиллагааны явцад хариуцагч нь холбогдох хуулийн зохицуулалт, үр дагавар, өөрийн эрх, үүрэгтэй танилцаад нэхэмжлэлийн шаардлага болох 11,905,069.50 төгрөг гаргуулах тухай шаардлагыг хүлээн зөвшөөрсөн тайлбараа шүүхэд ирүүлсэн байна.

 

Хариуцагч Н.Б нь нэхэмжлэлийн шаардлагыг хүлээн зөвшөөрсөн нь хууль зөрчөөгүй, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох нь зүйтэй байна.

 

Хариуцагчийн зөвшөөрлийг баталж хэргийг хялбаршуулсан журмаар шийдвэрлэж байгаа тул нэхэмжлэгчийн төлсөн улсын тэмдэгтийн хураамж 205,431 төгрөгийг тал хувиар бууруулан тогтоож, 102,715 төгрөгийг улсын орлогод хэвээр үлдээж, улсын орлогоос улсын тэмдэгтийн хураамж 102,715 төгрөг, хариуцагч Н.Б-аас улсын тэмдэгтийн хураамж 102,715 төгрөг гаргуулж нэхэмжлэгч “П ББСБ ” ХХК-д тус тус олгохоор шийдвэрлэв. 

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйл, 123 дугаар зүйлийн 123.1-д заасныг удирдлага болгон 

 

                                                 ЗАХИРАМЖЛАХ нь:

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2-т заасныг баримтлан нэхэмжлэгч “П ББСБ ” ХХК-ийн нэхэмжилсэн 11,905,069.төгрөгийг хариуцагч Н.Б төлөхийг хүлээн зөвшөөрсөн хариуцагчийн зөвшөөрлийг баталж хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 74 дүгээр зүйлийн 74.5-д заасныг баримтлан нэхэмжлэгчийн төлсөн улсын тэмдэгтийн хураамж 205,431 төгрөгийг тал хувиар бууруулан тогтоож, 102,715 төгрөгийг улсын орлогод хэвээр үлдээж, улсын орлогоос улсын тэмдэгтийн хураамж 102,715 төгрөг, хариуцагч Н.Б-аас улсын тэмдэгтийн хураамж 102,715 төгрөг гаргуулж нэхэмжлэгч “П ББСБ ” ХХК-д олгосугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д заасныг баримтлан энэхүү захирамжийг хариуцагч Н.Б нь сайн дураараа биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т заасныг баримтлан энэ захирамжид зохигч давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах  эрхгүй болохыг дурдсугай.

 

 

 

 

                          ЕРӨНХИЙ ШҮҮГЧ                                  Ч.ЖАРГАЛАН