Хариуцагчийн зөвшөөрлийг баталж,

хэргийг хэрэгсэхгүй болгох тухай

 

 

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч Р.Сарантуяа би,

Нэхэмжлэгч: *******,,,,*******, хувьцаат компанийн итгэмжлэгдсэн төлөөлөгч Х.Идэрбулганы нэхэмжлэлтэй,

Нэхэмжлэгчийн итгэмжлэгдсэн төлөөлөгч: С.Бямбацэцэг,

Хариуцагч: *******,*******,*******,*******,**************,******* *******д холбогдох зээлийн гэрээний үүрэгт нийт 15,832,972 төгрөг гаргуулах тухай нэхэмжлэлийг 2025 оны 12 дугаар сарын 11-ний өдөр хүлээн авч, 2025 оны 12 дугаар сарын 16-ны өдөр иргэний хэрэг үүсгэн хянаад

 

ТОДОРХОЙЛОХ нь:

 

Нэхэмжлэгч ХК-ийн итгэмжлэгдсэн төлөөлөгч Х.Идэрбулган шүүхэд ирүүлсэн нэхэмжлэлдээ: ...Иймд хариуцагчаас зээлийн гэрээний үүрэгт үндсэн зээл 12,404,605 төгрөг, зээлийн хүү 3,271,888 төгрөг, нэмэгдүүлсэн хүү 156,478 төгрөг, нийт 15,832,972 төгрөгийг гаргуулж өгнө үү. гэжээ.

Хариуцагч Г.******* 2025 оны 12 дугаар сарын 22-ны өдөр шүүхэд: ХК-аас нэхэмжилсэн 15,832,972 төгрөгийг тохиролцсон үнийн дүнгийн дагуу төлөхөө хүлээн зөвшөөрч байна. гэх хариу тайлбарыг ирүүлсэн байна.

 

ҮНДЭСЛЭХ нь:

 

Нэхэмжлэгч ХК-ийн итгэмжлэгдсэн төлөөлөгч Х.Идэрбулганы нэхэмжлэлтэй, хариуцагч Г.*******д холбогдох зээлийн гэрээний үүрэгт нийт 15,832,972 төгрөг гаргуулах тухай иргэний хэрэгт хариуцагч нэхэмжлэлийн шаардлагыг бүхэлд нь хүлээн зөвшөөрсөн тухай тайлбараа шүүхэд бичгээр ирүүлжээ.

Хариуцагчийн энэхүү тайлбар нь бусдын эрх, эрх чөлөө хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагчийн зөвшөөрлийг баталж, хэргийг хэрэгсэхгүй болгох нь зүйтэй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д: Хялбаршуулсан журмаар хэрэг хянан шийдвэрлэсэн тохиолдолд улсын тэмдэгтийн хураамжийн хэмжээг тал хувиар бууруулж тогтоох ба түүнийг энэ хуульд заасан журмын дагуу гаргуулна. гэж хуульчилсан тул хариуцагч Х.*******аас 118,557.50 төгрөгийг, улсын орлогоос 118,557.50 төгрөгийг буцаан тус тус гаргуулж, ХК-д олгов.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйл, 75⁸ дугаар зүйлийн 75⁸.1, 123 дугаар зүйлийн 123.1-д заасныг тус тус удирдлага болгон

 

ЗАХИРАМЖЛАХ нь:

 

1.Нэхэмжлэгч ХК-ийн итгэмжлэгдсэн төлөөлөгч Х.Идэрбулганы нэхэмжлэлтэй, хариуцагч Г.*******д холбогдох зээлийн гэрээний үүрэгт нийт 15,832,972 (арван таван сая найман зуун гучин хоёр мянга есөн зуун далан хоёр) төгрөг гаргуулах тухай иргэний хэрэгт хариуцагч нэхэмжлэлийн шаардлагыг бүхэлд нь хүлээн зөвшөөрсөн хариуцагчийн зөвшөөрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн

74.5-д зааснаар хариуцагч Х.*******аас 118,557.50 (нэг зуун арван найман мянга таван зуун тавин долоон мянган төгрөг тавин мөнгө) төгрөгийг, улсын орлогоос 118,557.50 (нэг зуун арван найман мянга таван зуун тавин долоон мянган төгрөг тавин мөнгө) төгрөгийг буцаан тус тус гаргуулж, нэхэмжлэгч ХК-д олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ Р.САРАНТУЯА