МОНГОЛ УЛСЫН НЭРИЙН ӨМНӨӨС                        

 

 

 

ТОГТООХ нь:

 

1.Гэр бүлийн тухай хуулийн 14 дүгээр зүйлийн 14.1 дэх хэсэгт заасныг баримтлан Ж овогт О.С, И овогт Б.Б нарын гэрлэлтийг цуцалсугай.

2.Гэр бүлийн тухай хуулийн 14 дүгээр зүйлийн 14.6 дахь хэсэгт заасныг баримтлан 2019 оны 09 дүгээр сарын 06-ны өдөр төрсөн хүү С.Е, 2022 оны 12 дугаар сарын 07-ны өдөр төрсөн охин С.З нарыг эх нь болох Б.Б-ны асрамжид үлдээсүгэй.

3. Гэр бүлийн тухай хуулийн 38 дугаар зүйлийн 38.1, 40 дүгээр зүйлийн 40.1.1, 40.1.2 дахь хэсэгт заасныг баримтлан О.С нь хүүхдүүдээс тусдаа амьдарсан 2025 оны 03 дугаар сараас 2025 оны 10 дугаар сар хүртэлх 8 сарын хугацаанд төлөх хүүхдийн тэтгэлэг 3,920,000 (гурван сая есөн зуун хорин мянган) төгрөгийг нөхөн төлүүлж, 2019 оны 09 дүгээр сарын 06-ны өдөр төрсөн хүү С.Е, 2022 оны 12 дугаар сарын 07-ны өдөр төрсөн охин С.З нарыг 11 нас хүртэл тухайн бүс нутагт тогтоогдсон амьжиргааны доод түвшингийн 50 хувиар, 11-16 нас /суралцаж байгаа бол 18 нас/ хүртэл тухайн бүс нутагт тогтоогдсон амьжиргааны доод түвшингийн хэмжээгээр сар бүр эцэг нь болох О.С-аар тэжээн тэтгүүлсүгэй.

4.Иргэний хуулийн 128 дугаар зүйлийн 128.1, 128.4 дэх хэсэгт заасныг баримтлан нэхэмжлэгч Б.Б-ны хариуцагч О.С-аас түүний өмнөөс бусдад төлсөн өр 15,000,000 (арван таван сая) төгрөгийг гаргуулах нэхэмжлэлийн шаардлагыг хэрэгсэхгүй болгосугай.

5.Улсын тэмдэгтийн хураамжийн тухай хуулийн 7 дугаар зүйлийн 7.1.2, Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 60 дугаар зүйлийн 60.1 дэх хэсэгт зааснаар нэхэмжлэгчийн улсын тэмдэгтийн хураамжид төлсөн 70200 төгрөгийг улсын орлого болгож, хариуцагч хариуцагч О.С-аас 70200 төгрөгийг гаргуулан нэхэмжлэгч Б.Б-д олгосугай. 5. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.4 дэх хэсэгт зааснаар шийдвэр хүчинтэй болсноос хойш 14 хоногийн дотор бичгийн хэлбэрээр гарах бөгөөд ийнхүү гарснаас хойш шүүх хуралдаанд оролцсон зохигчид 14 хоногийн дотор шүүхэд хүрэлцэн ирж шийдвэрийн хувийг өөрөө гардан авахыг танилцуулсугай.

6. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2 дахь хэсэгт зааснаар зохигчид, тэдгээрийн итгэмжлэгдсэн төлөөлөгч, өмгөөлөгч шийдвэрийг гардан авснаас хойш 14 хоногийн дотор Б аймгийн Эрүү, Иргэний хэргийн давж заалдах шатны шүүхэд давж заалдах гомдол гаргах эрхтэй болохыг дурдсугай.

 

 

 

 

ДАРГАЛАГЧ ШҮҮГЧ Х.МЕЙРАМБЕК