МОНГОЛ УЛСЫН НЭРИЙН ӨМНӨӨС

 Баянзүрх дүүргийн Эрүүгийн хэргийн анхан шатны шүүхийн шүүх хуралдааныг шүүгч Д.Мөнхтуяа даргалж, шүүх хуралдааны нарийн бичгийн дарга Н.Гэрэлтуяа, улсын яллагч А.Сайнбаяр, шүүгдэгч Б.Б нарыг оролцуулан тус шүүхийн хуралдааны танхимд нээлттэй хийсэн шүүх хуралдаанаар:

            Нийслэлийн Баянзүрх дүүргийн прокурорын газраас Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэгт холбогдуулан яллах дүгнэлт үйлдэж ирүүлсэн Б овогт Б.Б-д холбогдох эрүүгийн 18006040960971 дугаартай хэргийг 2018 оны 06 дугаар сарын 06-ны өдөр хүлээн авч, энэ өдөр шүүх хуралдаанаар хянан хэлэлцэв.

Шүүгдэгчийн биеийн байцаалт:

           Монгол Улсын иргэн, 19.. оны 03 дугаар сарын 13-ны өдөр … төрсөн, 30 настай, эрэгтэй, бүрэн дунд боловсролтой, мэргэжилгүй, хувиараа тээврийн жолооч, ам бүл 7, … тоотод/иргэний үнэмлэхний лавлагаанд дурдагдсанаар/ эцэг, эх ах, дүүгийн хамт  оршин суух хаягтай, урьд ял шийтгэлгүй, хэрэг хариуцах чадвартай, Б  овгийн Б.Б  /РД:.. /,

Холбогдсон гэмт хэргийн талаар: /яллах дүгнэлтэд бичсэнээр/

Яллагдагч Б.Б нь 2018 оны 05 дугаар сарын 03-наас 04-нд шилжих шөнө Баянзүрх дүүргийн 14 дүгээр хороо, “Чандмань” зочид буудалд иргэн С.Э-тэй маргалдан улмаар зодож эрүүл мэндэд нь хөнгөн хохирол учруулсан гэмт хэрэгт холбогджээ.

Шүүх талуудын гаргасан хүсэлтээр хавтаст хэрэгт авагдсан нотлох баримтуудыг шүүхийн хэлэлцүүлэгт тал бүрээс нь бүрэн, бодитой шинжлэн судлаад ТОДОРХОЙЛОХ нь:

Шүүхийн хэлэлцүүлэгт дараахь нотлох баримтуудыг шинжлэн судлав. Үүнд:

Шүүгдэгч Б.Б нь шүүхийн хэлэлцүүлэгт мэдүүлэхдээ: “…Би гэм буруугаа ойлгож байна. Нэмж ярих зүйлгүй гэв.

 

Хохирогч С.Э мөрдөн шалгах ажиллагаанд өгсөн: “...Бид хоёр авсан архиа уугаад дууссан учир би машиндаа ороод унтах гэтэл хүйтэн байсан учир Б нарын өрөөнд ороод унтая гэж бодоод ортол У гэх залуугийн хөлд очоод суутал Б надруу юм хэлээд, би өөдөөс нь юм хэлээд маргах маягтай байж байтал Б босоод ирсэн, би өөдөөс нь бостол миний мөрнөөс бариад зогсч байснаа миний нүүрэн тус газар нэг удаа мөргөсөн. Хэсэг манараад газар хэвтэж байсан.Тэгтэл миний ам хамарнаас цус гараад зүүн хацар бас хавдчихсан байсан. Зүүн хацар руу юугаар цохисон талаар би мэдэхгүй. Тэгтэл зочид буудлын хамгаалагч жижүүр орж ирсэн…”гэх мэдүүлэг/хх-ийн 7-8/

Гэрч Б.Б мөрдөн шалгах ажиллагаанд өгсөн: “...Архинаас уугаад Өвөрхангайн жолоочийн урд байсан цэвэр ус авах гээд өндийтөл зүүн хавирга  руу гараараа Э ах цохиод авсан…,өрөөндөө ороод амарч байтал гаднаас Э орж ирээд над руу “чи том болчихжээ гээд дайраад байхаар нь орноосоо боссон чинь боогоод дух болон баруун чамархай руу гараараа нэг нэг удаа цохиод авхаар нь би нүүрэн тус газар нь нэг удаа мөргөсөн..”гэх мэдүүлэг/хх-ийн 10/

5834 дугаартай шинжээчийн дүгнэлтэд:

1.С.Э-н биед зүүн зовхи, хацарт цус хуралт, зөөлөн эдийн няцрал, зүүн нүдний алиманд цус хуралт, уруулд шарх, цус хуралт, зөөлөн эдийн няцрал, хүзүүнд зулгаралт, цус хуралт бүхий гэмтэл тогтоогдлоо.

2.Дээрх гэмтэл нь мохоо зүйлийн нэг бус удаагийн үйлчлэлээр үүсгэгдэнэ.

3.Дээрх гэмтэл нь эрүүл мэндийг түр хугацаагаар сарниулах тул гэмтэлийн зэрэг тогтоох журмын 2.4.1-д зааснаар гэмтлийн хөнгөн зэрэгт хамаарна.

4.Цаашид ерөнхий хөдөлмөрийн чадвар алдалтанд нөлөөлөхгүй.

5.Дээрх гэмтэл нь хэрэг болсон гэх цаг хугацаанд үүсэх боломжтой гэжээ. /хх-ийн 13/

Иргэний үнэмлэхний лавлагаа /хэргийн 26 дугаар хуудас/, урьд ял шийтгэгдсэн эсэхийг шалгах хуудас /хэргийн 25 дүгээр хуудас/ зэрэг нотлох баримтуудыг шинжлэн судлав.

Шүүхийн хэлэлцүүлэгт шинжлэн судалсан дээрх нотлох баримтууд нь энэ хэрэгт хамааралтай, Эрүүгийн хэрэг хянан шийдвэрлэх тухай хуульд заасан үндэслэл журмын дагуу цуглуулж, бэхжүүлсэн, хэрэг хянан шийдвэрлэхэд хангалттай байна гэж шүүх үнэлэв.

Шүүгдэгч Б.Б нь 2018 оны 05 дугаар сарын 03-наас 04-нд шилжих шөнө Баянзүрх дүүргийн 14 дүгээр хороо, “Чандмань” зочид буудалд иргэн С.Э-тэй маргалдан улмаар зодож эрүүл мэндэд нь хөнгөн хохирол учруулсан гэмт хэрэг үйлдсэн гэм буруутай болох нь шүүгдэгч, хохирогч, гэрч нарын мэдүүлэг болон шинжээчийн дүгнэлт, хэрэгт цугларсан болон шүүх хуралдаанаар хэлэлцэгдсэн бичгийн бусад нотлох баримтуудаар нотлогдон тогтоогдлоо..  

Шүүх шүүгдэгч Б.Б-д эрүүгийн хариуцлага хүлээлгэхдээ  тохиолдолын шинжтэй нөхцөл байдлын улмаас анх удаа гэмт хэрэг үйлдсэнийг эрүүгийн хариуцлагын хөнгөрүүлэх нөхцөлд, харин эрүүгийн хариуцлагыг хүндрүүлэх нөхцөл байдал тогтоогдсонгүй гэж үзэв.

Иймд шүүгдэгч Б.Б-г хүний эрүүл мэндэд хөнгөн хохирол учруулах гэмт хэрэг үйлдсэн гэм буруутайд тооцож, Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар түүнд эрүүгийн хариуцлага хүлээлгэх  үндэслэлтэй байна гэж үзэв.

Хохирогч С.Э-д  500.000 төгрөгийг төлсөн тул шүүгдэгч Б.Б-г энэ  шийтгэх тогтоолын хүрээнд бусдад төлөх төлбөргүй гэж шүүх үзэв.

Хэрэгт битүүмжлэгдэн ирсэн хөрөнгөгүй, эд мөрийн баримтаар хураагдаж ирсэн зүйлгүй, шүүгдэгч Б.Б нь цагдан хоригдсон хоноггүй, бусдад төлөх төлбөргүй, шүүгдэгчээс гаргуулах хэрэг хянан шийдвэрлэх ажиллагааны зардалгүй болохыг дурдах нь зүйтэй байна.

МОНГОЛ УЛСЫН НЭРИЙН ӨМНӨӨС

 Баянзүрх дүүргийн Эрүүгийн хэргийн анхан шатны шүүхийн шүүх хуралдааныг шүүгч Д.Мөнхтуяа даргалж, шүүх хуралдааны нарийн бичгийн дарга Н.Гэрэлтуяа, улсын яллагч А.Сайнбаяр, шүүгдэгч Б.Б нарыг оролцуулан тус шүүхийн хуралдааны танхимд нээлттэй хийсэн шүүх хуралдаанаар:

            Нийслэлийн Баянзүрх дүүргийн прокурорын газраас Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэгт холбогдуулан яллах дүгнэлт үйлдэж ирүүлсэн Б овогт Б.Б-д холбогдох эрүүгийн 18006040960971 дугаартай хэргийг 2018 оны 06 дугаар сарын 06-ны өдөр хүлээн авч, энэ өдөр шүүх хуралдаанаар хянан хэлэлцэв.

Шүүгдэгчийн биеийн байцаалт:

           Монгол Улсын иргэн, 19.. оны 03 дугаар сарын 13-ны өдөр … төрсөн, 30 настай, эрэгтэй, бүрэн дунд боловсролтой, мэргэжилгүй, хувиараа тээврийн жолооч, ам бүл 7, … тоотод/иргэний үнэмлэхний лавлагаанд дурдагдсанаар/ эцэг, эх ах, дүүгийн хамт  оршин суух хаягтай, урьд ял шийтгэлгүй, хэрэг хариуцах чадвартай, Б  овгийн Б.Б  /РД:.. /,

Холбогдсон гэмт хэргийн талаар: /яллах дүгнэлтэд бичсэнээр/

Яллагдагч Б.Б нь 2018 оны 05 дугаар сарын 03-наас 04-нд шилжих шөнө Баянзүрх дүүргийн 14 дүгээр хороо, “Чандмань” зочид буудалд иргэн С.Э-тэй маргалдан улмаар зодож эрүүл мэндэд нь хөнгөн хохирол учруулсан гэмт хэрэгт холбогджээ.

Шүүх талуудын гаргасан хүсэлтээр хавтаст хэрэгт авагдсан нотлох баримтуудыг шүүхийн хэлэлцүүлэгт тал бүрээс нь бүрэн, бодитой шинжлэн судлаад ТОДОРХОЙЛОХ нь:

Шүүхийн хэлэлцүүлэгт дараахь нотлох баримтуудыг шинжлэн судлав. Үүнд:

Шүүгдэгч Б.Б нь шүүхийн хэлэлцүүлэгт мэдүүлэхдээ: “…Би гэм буруугаа ойлгож байна. Нэмж ярих зүйлгүй гэв.

 

Хохирогч С.Э мөрдөн шалгах ажиллагаанд өгсөн: “...Бид хоёр авсан архиа уугаад дууссан учир би машиндаа ороод унтах гэтэл хүйтэн байсан учир Б нарын өрөөнд ороод унтая гэж бодоод ортол У гэх залуугийн хөлд очоод суутал Б надруу юм хэлээд, би өөдөөс нь юм хэлээд маргах маягтай байж байтал Б босоод ирсэн, би өөдөөс нь бостол миний мөрнөөс бариад зогсч байснаа миний нүүрэн тус газар нэг удаа мөргөсөн. Хэсэг манараад газар хэвтэж байсан.Тэгтэл миний ам хамарнаас цус гараад зүүн хацар бас хавдчихсан байсан. Зүүн хацар руу юугаар цохисон талаар би мэдэхгүй. Тэгтэл зочид буудлын хамгаалагч жижүүр орж ирсэн…”гэх мэдүүлэг/хх-ийн 7-8/

Гэрч Б.Б мөрдөн шалгах ажиллагаанд өгсөн: “...Архинаас уугаад Өвөрхангайн жолоочийн урд байсан цэвэр ус авах гээд өндийтөл зүүн хавирга  руу гараараа Э ах цохиод авсан…,өрөөндөө ороод амарч байтал гаднаас Э орж ирээд над руу “чи том болчихжээ гээд дайраад байхаар нь орноосоо боссон чинь боогоод дух болон баруун чамархай руу гараараа нэг нэг удаа цохиод авхаар нь би нүүрэн тус газар нь нэг удаа мөргөсөн..”гэх мэдүүлэг/хх-ийн 10/

5834 дугаартай шинжээчийн дүгнэлтэд:

1.С.Э-н биед зүүн зовхи, хацарт цус хуралт, зөөлөн эдийн няцрал, зүүн нүдний алиманд цус хуралт, уруулд шарх, цус хуралт, зөөлөн эдийн няцрал, хүзүүнд зулгаралт, цус хуралт бүхий гэмтэл тогтоогдлоо.

2.Дээрх гэмтэл нь мохоо зүйлийн нэг бус удаагийн үйлчлэлээр үүсгэгдэнэ.

3.Дээрх гэмтэл нь эрүүл мэндийг түр хугацаагаар сарниулах тул гэмтэлийн зэрэг тогтоох журмын 2.4.1-д зааснаар гэмтлийн хөнгөн зэрэгт хамаарна.

4.Цаашид ерөнхий хөдөлмөрийн чадвар алдалтанд нөлөөлөхгүй.

5.Дээрх гэмтэл нь хэрэг болсон гэх цаг хугацаанд үүсэх боломжтой гэжээ. /хх-ийн 13/

Иргэний үнэмлэхний лавлагаа /хэргийн 26 дугаар хуудас/, урьд ял шийтгэгдсэн эсэхийг шалгах хуудас /хэргийн 25 дүгээр хуудас/ зэрэг нотлох баримтуудыг шинжлэн судлав.

Шүүхийн хэлэлцүүлэгт шинжлэн судалсан дээрх нотлох баримтууд нь энэ хэрэгт хамааралтай, Эрүүгийн хэрэг хянан шийдвэрлэх тухай хуульд заасан үндэслэл журмын дагуу цуглуулж, бэхжүүлсэн, хэрэг хянан шийдвэрлэхэд хангалттай байна гэж шүүх үнэлэв.

Шүүгдэгч Б.Б нь 2018 оны 05 дугаар сарын 03-наас 04-нд шилжих шөнө Баянзүрх дүүргийн 14 дүгээр хороо, “Чандмань” зочид буудалд иргэн С.Э-тэй маргалдан улмаар зодож эрүүл мэндэд нь хөнгөн хохирол учруулсан гэмт хэрэг үйлдсэн гэм буруутай болох нь шүүгдэгч, хохирогч, гэрч нарын мэдүүлэг болон шинжээчийн дүгнэлт, хэрэгт цугларсан болон шүүх хуралдаанаар хэлэлцэгдсэн бичгийн бусад нотлох баримтуудаар нотлогдон тогтоогдлоо..  

Шүүх шүүгдэгч Б.Б-д эрүүгийн хариуцлага хүлээлгэхдээ  тохиолдолын шинжтэй нөхцөл байдлын улмаас анх удаа гэмт хэрэг үйлдсэнийг эрүүгийн хариуцлагын хөнгөрүүлэх нөхцөлд, харин эрүүгийн хариуцлагыг хүндрүүлэх нөхцөл байдал тогтоогдсонгүй гэж үзэв.

Иймд шүүгдэгч Б.Б-г хүний эрүүл мэндэд хөнгөн хохирол учруулах гэмт хэрэг үйлдсэн гэм буруутайд тооцож, Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар түүнд эрүүгийн хариуцлага хүлээлгэх  үндэслэлтэй байна гэж үзэв.

Хохирогч С.Э-д  500.000 төгрөгийг төлсөн тул шүүгдэгч Б.Б-г энэ  шийтгэх тогтоолын хүрээнд бусдад төлөх төлбөргүй гэж шүүх үзэв.

Хэрэгт битүүмжлэгдэн ирсэн хөрөнгөгүй, эд мөрийн баримтаар хураагдаж ирсэн зүйлгүй, шүүгдэгч Б.Б нь цагдан хоригдсон хоноггүй, бусдад төлөх төлбөргүй, шүүгдэгчээс гаргуулах хэрэг хянан шийдвэрлэх ажиллагааны зардалгүй болохыг дурдах нь зүйтэй байна.

Монгол Улсын Эрүүгийн хэрэг хянан шийдвэрлэх тухай хуулийн 17.5 дугаар зүйлийн 9, 36.2, 36.6, 36.7, 36.8, 36.10, 38.1 дүгээр зүйлүүдийг тус тус удирдлага болгон ТОГТООХ нь:

1. Б овогт Б.Б хүний эрүүл мэндэд хөнгөн хохирол учруулах гэмт хэрэг үйлдсэн гэм буруутайд тооцсугай.

            2. Монгол Улсын Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар Б.Б 450 нэгж буюу 450.000 /дөрвөн зуун тавин мянга/ төгрөгөөр торгосугай.

            3. Энэ хэрэгт эд мөрийн баримтаар хураагдаж ирсэн зүйлгүй, битүүмжлэгдсэн хөрөнгөгүй, Б.Б нь бусдад төлөх төлбөргүй, шүүгдэгчээс гаргуулах хэрэг хянан шийдвэрлэх ажиллагааны зардалгүй, цагдан хоригдсон хоноггүй болохыг тус тус дурдсугай.

            4. Шүүхийн шийтгэх тогтоолыг улсын яллагч, шүүгдэгч, хохирогч, тэдгээрийн хууль ёсны төлөөлөгч, өмгөөлөгч өөрөө, дээд шатны прокурор нар нь анхан шатны шүүхийн шийдвэрийг гардан авснаас хойш, эсхүл Эрүүгийн хэрэг хянан шийдвэрлэх тухай хуулийн 11.9 дүгээр зүйлд заасны дагуу хүргүүлснээс хойш 14 хоногийн дотор давж заалдах гомдол, эсэргүүцлийг Нийслэлийн Эрүүгийн хэргийн давж заалдах шатны шүүхэд гаргах эрхтэй болохыг дурдсугай.

5. Шийтгэх тогтоол уншиж сонсгосноор хүчинтэй болох ба шийтгэх тогтоолд давж заалдах гомдол, эсэргүүцэл бичсэн тохиолдолд тогтоолын биелэлтийг түдгэлзүүлж, тогтоолыг хуулийн хүчин төгөлдөр болтол Б.Б-д авсан хувийн баталгаа гаргах таслан сэргийлэх арга хэмжээг хэвээр үргэлжлүүлсүгэй.

 

 

                       ДАРГАЛАГЧ, ШҮҮГЧ                                      Д.МӨНХТУЯА