2026        02         16                                                 317/ШШ2026/00386

 

Хариуцагч нэхэмжлэлийн шаардлагыг хүлээн

зөвшөөрснийг баталж, хэргийг

хэрэгсэхгүй болгох тухай

 

Төв аймаг дахь сум дундын анхан шатны шүүхийн шүүгч Б.Марина би,

Нэхэмжлэгч:  М,

Хариуцагч:  Х,

Нэхэмжлэлийн шаардлага: Гэрээний үүрэгт 12,100,000 төгрөг гаргуулах тухай нэхэмжлэлийг 2026 оны 01 дүгээр сарын 26-ны өдөр хүлээн авч, 2026 оны 01 дүгээр сарын 30-ны өдөр иргэний хэрэг үүсгэж, хянаад

ТОДОРХОЙЛОХ нь:

1. Нэхэмжлэгч Р.М нь хариуцагч А.Хад холбогдуулан зээлийн гэрээний үүрэгт 12,100,000 төгрөг гаргуулах тухай нэхэмжлэл гаргажээ.

2. Нэхэмжлэгч Р.М шүүхэд гаргасан нэхэмжлэлдээ: 12,100,000 төгрөгийг А.Хаас гаргуулж өгнө үү гэжээ.

3. Хариуцагч А.Х нь шүүхэд гаргасан хариу тайлбартаа: Нэхэмжилж байгаа 12,100,000 төгрөгийг төлөхөө зөвшөөрч байна. Үүнийг 2026 оны 03 дугаар сарын 15-ны өдөр 2,000,000 төгрөг, 2026 оны 04 дүгээр сарын 15-ны өдөр 2,000,000 төгрөг, 2026 оны 05 дугаар сарын 15-ны өдөр 2,000,000 төгрөг, 2026 оны 06 дугаар сарын 15-ны өдөр 2,000,000 төгрөг, 2026 оны 07 дугаар сарын 15-ны өдөр 2,000,000 төгрөг, 2026 оны 08 сарын 15-ны өдөр 2,100,000 төгрөгийг тус тус төлж барагдуулна. Хэргийг хялбаршуулсан журмаар шийдвэрлэж өгнө үү гэжээ.

4. Нэхэмжлэгчээс шүүхэд улсын тэмдэгтийн хураамж 208,550 төгрөг төлсөн баримтыг, Р.Мын иргэний үнэмлэхийн лавлагаа, Р.Мын Хаан банх ХК дахь 5373088543 тоот депозит дансны дэлгэрэнгүй хуулбарыг, харин хариуцагчаас хариу тайлбар, иргэний үнэмлэхийн хуулбарыг ирүүлсэн байна.

ҮНДЭСЛЭХ нь:

1. Хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох нь зүйтэй гэж үзлээ.

2. Хэрэгт авагдсан нотлох баримт, талуудын гаргасан тайлбараас үзэхэд хариуцагч А.Х нь 2026 оны 01 дүгээр сарын 21-ний өдөр 12,100,000 төгрөгийг Р.Маас авсан үйл баримт тогтоогдож байна.

3. Нэхэмжлэгч Р.М нь хариуцагч А.Хад холбогдуулан 12,100,000 төгрөг гаргуулах тухай нэхэмжлэлийн шаардлагыг шүүхэд гаргасан байх бөгөөд хэрэг хянан шийдвэрлэх ажиллагааны явцад хариуцагч А.Х нь нэхэмжлэлийн шаардлага болох 12,100,000 төгрөгийг 2026 оны 03 дугаар сарын 15-ны өдөр 2,000,000 төгрөг, 2026 оны 04 дүгээр сарын 15-ны өдөр 2,000,000 төгрөг, 2026 оны 05 дугаар сарын 15-ны өдөр 2,000,000 төгрөг, 2026 оны 06 дугаар сарын 15-ны өдөр 2,000,000 төгрөг, 2026 оны 07 дугаар сарын 15-ны өдөр 2,000,000 төгрөг, 2026 оны 08 сарын 15-ны өдөр 2,100,000 төгрөгөөр тус тус нэхэмжлэгчид төлж барагдуулахаар нэхэмжлэлийн шаардлагыг бүхэлд нь хүлээн зөвшөөрч байгаагаа бичгээр илэрхийлжээ.

4. Иргэний хэрэг шүүхэд хянан шийдвэрлэх тухай хуулийн 75¹⁰ дугаар зүйлийн 75¹⁰.1-т нэхэмжлэлийн шаардлагыг бүрэн, эсхүл хэсэгчлэн хангасан бол хариуцагчийн санхүүгийн байдал, харгалзвал зохих бусад зайлшгүй шалтгаанаар, хариуцагчийн хүсэлтэд үндэслэн шийдвэрийг биелүүлэх нэмэлт хугацаа тогтоох, эсхүл хуваарийн дагуу хэсэгчлэн төлөхөөр шүүхийн шийдвэрт зааж болно.

Нэмэлт хугацаа шийдвэрийг гарсан өдрөөс  хойш зургаан сараас илүүгүй байна гэж заасан байдаг тул хариуцагчийн нэхэмжлэлийн шаардлага болох 12,100,000 төгрөгийг 2026 оны 03 дугаар сарын 15-ны өдөр 2,000,000 төгрөг, 2026 оны 04 дүгээр сарын 15-ны өдөр 2,000,000 төгрөг, 2026 оны 05 дугаар сарын 15-ны өдөр 2,000,000 төгрөг, 2026 оны 06 дугаар сарын 15-ны өдөр 2,000,000 төгрөг, 2026 оны 07 дугаар сарын 15-ны өдөр 2,000,000 төгрөг, 2026 оны 08 сарын 15-ны өдөр 2,100,000 төгрөгөөр тус тус төлж барагдуулах тухай хуваарь нь хуульд нийцнэ.

5. Иймд хариуцагчийн зөвшөөрөл нь гуравдагч этгээдийн хуулиар хамгаалагдсан эрх, ашгийг хөндөөгүй байх тул Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгож шийдвэрлэв.

6. Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгч Р.Мын улсын тэмдэгтийн хураамжид төлсөн 208,550 төгрөгийн тал хувь 104,275 төгрөгийг улсын орлогод хэвээр үлдээж, Төрийн сангийн 100140000941 тоот данснаас 104,275 төгрөгийг, хариуцагч А.Хаас 104,275 төгрөгийг тус тус гаргуулж нэхэмжлэгч Р.Мт олгох нь зүйтэй байна.

7. Энэхүү захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, нэхэмжлэгч нь тухайн асуудлаар анхан шатны шүүхэд дахин нэхэмжлэл гаргах эрхгүй болно.

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн 123.1-д заасныг удирдлага болгон ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 75⁸ дугаар зүйлийн 75⁸.1-т зааснаар хариуцагч А.Х нь нэхэмжлэлийн шаардлага болох 12,100,000 төгрөгийг 2026 оны 03 дугаар сарын 15-ны өдөр 2,000,000 төгрөг, 2026 оны 04 дүгээр сарын 15-ны өдөр 2,000,000 төгрөг, 2026 оны 05 дугаар сарын 15-ны өдөр 2,000,000 төгрөг, 2026 оны 06 дугаар сарын 15-ны өдөр 2,000,000 төгрөг, 2026 оны 07 дугаар сарын 15-ны өдөр 2,000,000 төгрөг, 2026 оны 08 сарын 15-ны өдөр 2,100,000 төгрөгийг тус тус нэхэмжлэгч Р.Мт төлж барагдуулахаар хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгч Р.Мын улсын тэмдэгтийн хураамжид төлсөн 208,550 төгрөгийн тал хувь 104,275 төгрөгийг улсын орлогод хэвээр үлдээж, Төрийн сангийн 100140000941 тоот данснаас 104,275 төгрөгийг, хариуцагч А.Хаас 104,275 төгрөгийг тус тус гаргуулж нэхэмжлэгч Р.Мт олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар хариуцагч үүргээ сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, нэхэмжлэгч нь тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

ШҮҮГЧ                                   Б.МАРИНА