2025             12              19    192/ШШ2025/10945

МОНГОЛ УЛСЫН НЭРИЙН ӨМНӨӨС

 

 

Баянгол, Хан-Уул, Сонгинохайрхан дүүргийн Иргэний хэргийн анхан шатны тойргийн шүүхийн шүүгч Ч.Баярсүрэн даргалж, тус шүүхийн шүүх хуралдааны танхимд хийсэн иргэний хэргийн шүүх хуралдаанаар,

Хүсэлт гаргагч: ****************** өөрийн байранд байрлах, БГДПГ /рд:**********/

Иргэний хэрэгт хариуцагчаар оролцвол зохих этгээд болох С.О-ыг эрэн сурвалжлуулах тухай иргэний хэргийг хянан хэлэлцэв.

Шүүх хуралдаанд: шүүх хуралдааны нарийн бичгийн даргаар З.Т оролцов.

ТОДОРХОЙЛОХ нь:

1. Хүсэлт гаргагч шүүхэд гаргасан нэхэмжлэлдээ: Сандагийн О- нь 2018 оны 10 дугаар сарын 23-ны өдөр Баянгол дүүргийн Хөдөлмөр, халамжийн үйлчилгээний хэлтэстэй Хөгжлийн бэрхшээлтэй иргэний ажлын байрыг дэмжих эргэн төлөлттэй санхүүгийн дэмжлэг олгох 03 дугаартай гэрээг байгуулж, нийт 5,000,000 төгрөгийн зээл авсан боловч одоог хүртэл төлж барагдуулаагүй байгаа болох нь Баянгол дүүргийн Хөдөлмөр, халамжийн үйлчилгээний хэлтсээс ирүүлсэн мэдээллээр тогтоогдож байна. Иймд Хөдөлмөр, халамжийн үйлчилгээний хүсэлтийг прокурор хүлээн авч, төр, нийтэд учирсан хохирлыг арилгуулах маргааныг эвлэрүүлэн зуучлах ажиллагааны журмаар шийдвэрлүүлэхээр Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн Эвлэрүүлэн зуулчлалд хандсан боловч эвлэрүүлэн зуучлагчийн 2025 оны 10 дугаар сарын 07-ны өдрийн ******дугаартай тэмдэглэлээр зуучлалд уригдсан тал болох С.О- нь Баянгол дүүргийн 9-р хороо, Давааны 1-10 тоотод бүртгэлгүй бөгөөд оршин суудаггүй болох нь хорооны Засаг даргын тодорхойлолтоор тогтоогдсон үндэслэлээр эвлэрүүлэн зуучлал хэрэглэхээс татгалзаж шийдвэрлэсэн байна. Иймд хариуцагч С.О-ын оршин суух хаягийг тогтоох зорилгоор Иргэний хэрэг шүүхэд хянан шийдвэрлэх тухай хуулийн 133.1 дүгээр зүйлийн 133.1.9 дэх хэсэгт заасныг баримтлан нэхэмжлэл гаргаж байна гэжээ.

 

2.Хүсэлт гаргагчаас нэхэмжлэл /хх 1,2/, итгэмжлэл /хх 3/ Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн 2025 оны 10 дугаар сарын 07-ны өдрийн №******дугаартай Эвлэрүүлэн зуучлах ажиллагаа явуулахаас татгалзсан тухай баримт /хх 4/, Дүүргийн Эрүү, Иргэний хэргийн хялбар ажиллагааны анхан шатны тойргийн шүүхэд гаргасан өргөдөл /хх 5/, Баянгол дүүргийн хөдөлмөр, халамжийн үйлчилгээний хэлтсийн 2025 оны 7 дугаар сарын 29-ний өдрийн 334 дүгээр албан бичгийн хуулбар /хх 6/, гэрээний хугацаа дууссан төлбөрийн үлдэгдэлтэй иргэдийн жагсаалт /хх 7/-ыг тус тус өгсөн байна.

 

Хэрэгт авагдсан болон шүүх хуралдаанаар хэлэлцэгдсэн нотлох баримтуудыг шинжлэн судлаад

ҮНДЭСЛЭХ нь:

Хүсэлт гаргагч БГДПГ нь иргэний хэрэгт хариуцагчаар оролцвол зохих этгээд болох С.О-ыг эрэн сурвалжлуулахаар шүүхэд нэхэмжлэл гаргажээ.  

БГДПГ нь С.О-ад холбогдуулан шүүхэд нэхэмжлэл гаргасан боловч “хариуцагчийн хаяг тодорхойгүй” гэсэн үндэслэлээр Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн 2025 оны 10 дугаар сарын 07-ны өдрийн №******дугаартай баримтаар Эвлэрүүлэн зуучлах ажиллагаа явуулахаас татгалзсан байна.     

БГДПГ-т иргэний хэрэгт хариуцагчаар оролцвол зохих этгээд болох С.О-ыг эрэн сурвалжлуулах шаардлага бий болсон гэж үзэх үндэслэл хэрэгт цугларсан баримтуудаар тогтоогдож байх тул хүсэлтийг хангах нь зүйтэй. 

Иргэний хэрэгт хариуцагчаар оролцвол зохих этгээд болох С.О-ыг эрэн сурвалжилж, оршин байгаа газрыг нь олж тогтоон баримтжуулан, хаягийн талаарх мэдээллийг хүсэлт гаргагч БГДПГ-т мэдэгдэхийг Баянгол дүүргийн Цагдаагийн газрын Хоёрдугаар  хэлтэст даалгав. 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118, 133 дугаар зүйлийн 133.1.9 дэх хэсгүүдэд заасныг удирдлага болгон 

ТОГТООХ нь:

1. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.3-т заасныг баримтлан иргэний хэрэгт хариуцагчаар оролцвол зохих этгээд болох Сандагийн О- /рд: ме77092017/-ыг эрэн сурвалжилсугай. 

2. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.4-т заасныг баримтлан С.О-ыг эрэн сурвалжилж, оршин байгаа газрыг нь тогтоож баримтжуулан, хүсэлт гаргагч БГДПГ-т мэдэгдэхийг Баянгол дүүргийн Цагдаагийн газрын Хоёрдугаар хэлтэст даалгасугай.  

3. Улсын тэмдэгтийн хураамжийн тухай хуулийн 41 дүгээр зүйлийн 41.1.3-д зааснаар нэхэмжлэгч улсын тэмдэгтийн хураамжаас чөлөөлөгдсөн болохыг дурдсугай. 

4. Иргэний хэрэг шүүхэд хянан шийдвэрлэх тухай 120 дугаар зүйлийн 120.2.-т зааснаар шийдвэрийг гардан авснаас хойш 14 хоногийн дотор Нийслэлийн Иргэний хэргийн давж заалдах шатны шүүхэд давж заалдах гомдол гаргах эрхтэйг дурдсугай.

 

 

 

 

 

ДАРГАЛАГЧ, ШҮҮГЧ                                              Ч.БАЯРСҮРЭН