Хялбаршуулсан журмаар хэрэг

хянан шийдвэрлэх тухай

 

 

Багахангай, Налайх дүүргийн Иргэний хэргийн анхан шатны тойргийн шүүхийн шүүгч Л.Энхбилэг би,

 

Нэхэмжлэгч: *******,*******,*******,*******,*******анд байрлах, "" ХК /РД:*******/

 

Хариуцагч: *******,*******,,од оршин суух, овгийн ын /РД:/

 

Зээлийн гэрээний үүргийн биелэлт нийт 19,650,508.2 төгрөг гаргуулах тухай иргэний хэргийг хүлээн авч хянаад

 

ТОДОРХОЙЛОХ нь:

 

Нэхэмжлэгч ХК-ийн шүүхэд гаргасан нэхэмжлэлдээ: Хариуцагч С. 2023 оны 10 дугаар сарын 30-ны өдрийн ЗГ/53456790 тоот онлайн цалингийн зээлийн болон барьцааны гэрээг тус тус байгуулж 3,000,000 төгрөгийг жилийн 19,8 хувийн хүүтэй 15 сарын хугацаатай авсан. Нэмж 23 удаагийн үйлдлээр нийт 14,408,537.31 төгрөгийг жилийн 19,8 хувийн хүүтэй, 30 сарын хугацаатай зээлж авсан.

Хариуцагч гэрээний үүргээ зөрчин 635 хоногийн хугацаа хэтрүүлж нийт 19,650,508.2 төгрөгийн өр төлбөр үүссэн.

Иймд С.аас зээлийн гэрээний үүрэг болох үндсэн зээлийн төлбөр 14,321,098.6 төгрөг, хүү 5,022,083.2 төгрөг, нэмэгдүүлсэн хүү 307,326.4 төгрөг нийт 19,650,508.2 төгрөгийг гаргуулж өгнө үү гэжээ.

 

Хариуцагч С. шүүхэд гаргасан хариу тайлбартаа: Зээлийн гэрээний үүргийн биелэлт нийт 19,650,508.2 төгрөгийг төлөхийг зөвшөөрч байна. Уг мөнгийг 2026 оны 05 дугаар сарын 10-ны өдрөөс эхлэн төлж барагдуулна гэжээ.

 

ҮНДЭСЛЭХ нь:

 

Нэхэмжлэгч ХК хариуцагч С.аас Иргэний хуулийн 451 дүгээр зүйлийн 451.1., 453 дугаар зүйлийн 453.1-д зааснаар зээлийн гэрээний үүрэг 19,650,508.2 төгрөг гаргуулахыг шаардсан.

 

Хариуцагч С. нэхэмжлэлийн шаардлагын үндэслэл, үйл баримт, нэхэмжлэлийн үнийн дүнгийн талаар маргаагүй, үндсэн зээл, хүү, нэмэгдүүлсэн хүү нийт 19,650,508.2 төгрөг төлөхийг зөвшөөрч бичгээр тайлбар ирүүлсэн тул Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д зааснаар хэрэг хянан шийдвэрлэх ажиллагааг хялбаршуулж хариуцагч нэхэмжлэлийн шаардлагыг бүхэлд нь зөвшөөрснийг баталж, хэргийг хэрэгсэхгүй болгож, улсын тэмдэгтийн хураамжийг хуульд зааснаар хуваарилан шийдвэрлэв.

 

Энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгүүлнэ.

 

Хэргийг хялбаршуулсан журмаар хянан шийдвэрлэсэн учраас зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болно.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1., 74.6., 75 дугаар зүйл, 123 дугаар зүйлийн 123.1.-д заасныг удирдлага болгон ЗАХИРАМЖЛАХ нь:

 

1.Хариуцагч ын зээлийн гэрээний үүргийн биелэлт нийт 19,650,508.2 /арван есөн сая зургаан зуун тавин мянга таван зуун найман төгрөг, хоёр мөнгө/ төгрөгийг нэхэмжлэгч ХК-д төлөхийг зөвшөөрсөн зөвшөөрлийг баталж, хэргийг хэрэгсэхгүй болгосугай.

 

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5., Улсын тэмдэгтийн хураамжийн тухай хуулийн 7 дугаар зүйлийн 7.1.1.-д зааснаар нэхэмжлэгчийн улсын тэмдэгтийн хураамжид төлсөн 256,203 /хоёр зуун тавин зургаан мянга хоёр зуун гурав/ төгрөгийг улсын орлогод хэвээр үлдээж, 128,101.5 /нэг зуун хорин найман мянга нэг зуун нэг төгрөг, таван мөнгө/ төгрөгийг хариуцагч С.аас гаргуулж, 128,101.5 /нэг зуун хорин найман мянга нэг зуун нэг төгрөг, таван мөнгө/ төгрөгийг улсын төсвийн данснаас буцааж нэхэмжлэгч ХК -д олгосугай.

 

3.Энэхүү шүүгчийн захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4.-д зааснаар шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

ШҮҮГЧ Л.ЭНХБИЛЭГ