Хариуцагч нэхэмжлэлийн шаардлагыг

хүлээн зөвшөөрснийг баталж, хэргийг

хэрэгсэхгүй болгох тухай

 

Завхан аймгийн Тосонцэнгэл сум дахь сум дундын шүүхийн шүүгч Б.Уртнасан би нэхэмжлэгч ********** ХХК-иас ирүүлсэн, хариуцагч ****** баг хаягаар оршин суудаг М.М холбогдох Зээлийн гэрээний үүрэг 438,466 төгрөг гаргуулах тухай нэхэмжлэлийг 2026 оны 01 дүгээр сарын 06-ны өдөр хүлээн авч хянаад ТОДОРХОЙЛОХ нь:

Нэхэмжлэгч ************* ХХК нь шүүхэд ирүүлсэн нэхэмжлэлдээ: ...Зээлийн гэрээний үүрэг 438,466 төгрөг гаргуулах... гэжээ.

ҮНДЭСЛЭХ нь:

Нэхэмжлэгч **************** ХХК-аас хариуцагч М.М холбогдох Зээлийн гэрээний үүрэг 438,466 төгрөг гаргуулах тухай нэхэмжлэлийг шүүхэд гаргажээ.

Хариуцагч М.М нь шүүхэд ирүүлсэн тайлбартаа ...М.М миний бие ****-аас авсан зээлийн үлдэгдэл нь 438,466 төгрөг байгаа бөгөөд уг зээлийн үлдэгдлийг 2026.01.13-ны өдрөөс эхэлж төлж барагдуулах хүсэлтэй байгааг минь хүлээн авна уу... гэжээ.

 

Хариуцагч М.М нь шүүхэд гаргасан анхны тайлбараараа нэхэмжлэлийн шаардлагыг бүхэлд нь хүлээн зөвшөөрснөө илэрхийлсэн байна.

Хариуцагчийн зөвшөөрөл нь гуравдагч этгээдийн эрх ашгийг хөндөөгүй, хууль зөрчөөгүй байх тул зөвшөөрлийг баталж, хэргийг хэрэгсэхгүй болгож шийдвэрлэх нь зүйтэй гэж шүүх үзлээ.

Иргэний хэрэг шүүхэд хянан шийдвэрлэх тухай 74 дүгээр зүйлийн 74.5 дахь хэсэгт Хялбаршуулсан журмаар хэрэг хянан шийдвэрлэсэн тохиолдолд улсын тэмдэгтийн хураамжийг тал хувиар бууруулж тогтоох ба түүнийг энэ хуульд заасан журмын дагуу гаргуулна гэж заасны дагуу нэхэмжлэгчийн улсын тэмдэгтийн хураамжид төлсөн 15,404 төгрөгийн тал хувь болох 7,702 төгрөгийг улсын орлогоос буцаан гаргуулж, хариуцагчаас 7,702 төгрөгийг гаргуулан нэхэмжлэгч ************ ХХК-д тус тус олгох нь зүйтэй байна.

 

Иргэний хэрэг шүүхэд хянан шийдвэрлэх тухай хуулийн 74, 75 дугаар зүйлүүдэд заасныг тус тус удирдлага болгон ЗАХИРАМЖЛАХ нь:

 

1. Нэхэмжлэгч ************ ХХК-аас хариуцагч М.М холбогдох Зээлийн гэрээний үүрэг 438,466 төгрөг гаргуулах тухай нэхэмжлэлийн шаардлага бүхий иргэний хэрэгт хариуцагчийн зөвшөөрлийг баталж, хэргийг хэрэгсэхгүй болгосугай.

2. Хариуцагч М.М нь Зээлийн гэрээний үүрэг болох 438,466 төгрөгийг хүлээн зөвшөөрсөн болохыг дурдсугай.

3. Иргэний хэрэг шүүхэд хянан шийдвэрлэх тухай 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид төлсөн 15,404 төгрөгийн тал хувь болох 7,702 төгрөгийг улсын орлогоос буцаан гаргуулж, хариуцагчаас 7,702 төгрөгийг гаргуулан нэхэмжлэгч *********** ХХК-д тус тус олгосугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигч захирамжид давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

 

ШҮҮГЧ Б.УРТНАСАН