Хариуцагчийн зөвшөөрлийг баталж, хэргийг

хэрэгсэхгүй болгох тухай 

 

Говьсүмбэр аймаг дахь сум дундын анхан шатны шүүхийн шүүгч Т.Энхмандах би,

Нэхэмжлэгч: *******

Хариуцагч:*******

Нэхэмжлэлийн шаардлага: Тээврийн тооцоо 7,526,000 төгрөг, бинзений зардал 500,000 төгрөг, нийт 8,026,000 төгрөгийг гаргуулах тухай нэхэмжлэлийг 2026 оны 01 дүгээр сарын 07-ны өдөр хүлээн авч хянаад

ТОДОРХОЙЛОХ нь: 

1.Нэхэмжлэгч ******* нь шүүхэд гаргасан нэхэмжлэлдээ:

Г.С-ээс тээврийн тооцоо 7,526,000 төгрөг, ......... аймгаас ........ аймаг хүртэлх бинзений зардал 500,000 төгрөг болно. Иймд*******-ээс 8,026,000 төгрөг гаргуулна гэжээ.

2. Хариуцагч*******-г төлөөлж, итгэмжлэгдсэн төлөөлөгч Х.М шүүхэд гаргасан тайлбартаа:

Г.С-үд ирсэн *******-ийн нэхэмжлэлийн шаардлага болох 8,026,000 төгрөгийг төлөхийг хүлээн зөвшөөрч байна. Ямар нэгэн маргаан байхгүй гэжээ.

ҮНДЭСЛЭХ нь:

1. Хариуцагчийн зөвшөөрлийг баталж, хэргийг хэрэгсэхгүй болгох үндэслэлтэй байна.

2. Нэхэмжлэгч дараах үндэслэлээр шаардах эрхээ тодорхойлсон. Үүнд:

Тээврийн тооцоо 7,526,000 төгрөг, бинзений зардал 500,000 төгрөг, нийт 8,026,000 төгрөгийг хариуцагч*******-ээс гаргуулна гэжээ. 

3. Хариуцагч******* нь нэхэмжлэлийн шаардлагыг маргаангүйгээр, бүхэлд нь хүлээн зөвшөөрснөө илэрхийлж, шүүхэд тайлбар гаргасан.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1. Хэрэг үүсгэснээс хойш шүүх хуралдаан хүртэлх хугацаанд ...хариуцагч нэхэмжлэлийн шаардлагыг хүлээн зөвшөөрсөн, бол хэргийг хялбаршуулсан журмаар хянан шийдвэрлэнэ.,

74.2. Хэргийг хялбаршуулсан журмаар хянан шийдвэрлэх боломжтой гэж үзвэл шүүгч ...хариуцагчийн зөвшөөрөлийг, баталж, хэргийг хэрэгсэхгүй болгосон тухай захирамж гаргана. гэж заасныг үндэслэн хэргийг хэрэгсэхгүй болгож, хялбаршуулсан журмаар хянан шийдвэрлэв.

Учир нь, хариуцагчийн зөвшөөрөл нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй болно.

5. Хуульд зааснаар нэхэмжлэгчийн улсын тэмдэгтийн хураамжид төлсөн 143,366 төгрөгийн тавин хувь болох 71,683 төгрөгийг орон нутгийн төсвийн орлогод хэвээр үлдээж, тавин хувь болох 71,683 төгрөгийг орон нутгийн төсвийн орлогоос буцааж, мөн хариуцагч*******-ээс улсын тэмдэгтийн хураамжид 71,683 төгрөгийг тус тус гаргуулж, нэхэмжлэгч *******-д олгох нь хуульд нийцнэ гэж үзлээ. 

Иргэний хэрэг шүүхэд хянан шийдвэрлэх тухай хуулийн 75⁸ дугаар зүйлийн 75⁸.1, 74 дүгээр зүйлийн 74.1, 74.2, 75 дугаар зүйл, 123 дугаар зүйлийн 123.1 дэх хэсэгт тус тус заасныг удирдлага болгон

ЗАХИРАМЖЛАХ нь:

1. Нэхэмжлэгч *******-ийн нэхэмжлэлийн шаардлага болох тээврийн тооцоо 7,526,000 төгрөг, бинзений зардал 500,000 төгрөг, нийт 8,026,000 төгрөгийг хариуцагч******* нь төлөхийг хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1 дэх хэсэгт тус тус зааснаар нэхэмжлэгчийн улсын тэмдэгтийн хураамжид төлсөн 143,366 төгрөгийн тавин хувь болох 71,683 төгрөгийг орон нутгийн төсвийн орлогод хэвээр үлдээж, тавин хувь болох 71,683 төгрөгийг орон нутгийн төсвийн орлогоос буцааж, мөн хариуцагч*******-ээс улсын тэмдэгтийн хураамжид 71,683 төгрөгийг тус тус гаргуулж, нэхэмжлэгч *******-д олгосугай. 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар шүүгчийн захирамжийг хариуцагч сайн дураар биелүүлээгүй бол нэхэмжлэгч нь шүүхийн шийдвэрийн нэгэн адил албадан гүйцэтгүүлэх эрхтэй болохыг мэдэгдсүгэй.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

ШҮҮГЧ                                Т.ЭНХМАНДАХ