2026          01            20                                          192/ШШ2026/00915      

 

 

Зохигч талуудын эвлэрлийг баталж,

хэргийг хэрэгсэхгүй болгох тухай

 

Баянгол, Хан-Уул, Сонгинохайрхан дүүргийн Иргэний хэргийн анхан шатны тойргийн шүүхийн шүүгч Ш.Оюунтуул даргалж, тус шүүхийн танхимд хийсэн шүүх хуралдаанаар,

 

нэхэмжлэгч: *** нэхэмжлэлтэй,

 

хариуцагч: ***-д холбогдох,

 

зээлээр худалдах, худалдан авах гэрээний үндсэн төлбөрт нийт 38 418 432 төгрөг гаргуулах, үүргийн гүйцэтгэлийг барьцаа хөрөнгөөр хангуулах тухай иргэний хэргийг хянан хэлэлцэв.

 

Шүүх хуралдаанд:

*** оролцож,

шүүх хуралдааны тэмдэглэлийг тус шүүхийн шүүх хуралдааны нарийн бичгийн дарга З.Төвсайхан хөтлөв.

 

ТОДОРХОЙЛОХ нь:

 

 

            Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5, 123 дугаар зүйлийн 123.2 дахь хэсэгт заасныг удирдлага болгон ЗАХИРАМЖЛАХ нь:

 

1. Нэхэмжлэгч ***-аас хариуцагч ***-д холбогдуулан төлбөр барагдуулах гэрээний үүрэгт нийт 38 418 432 төгрөг  гаргуулах тухай иргэний хэрэгт нэхэмжлэгч нэхэмжлэлийн шаардлагын хэмжээг 16 806 144 төгрөгөөр багасгаж 21 612 288 төгрөг болгосон,  хариуцагч 21 612 288 төгрөгийг 6 сарын хугацаанд буюу 2026.02.01-ний өдөр 3 602 048 төгрөг, 2026.03.01-ний өдөр 3 602 048 төгрөг, 2026.04.01-ний өдөр 3 602 048 төгрөг, 2026.05.01-ний өдөр 3 602 048 төгрөг, 2026.06.01-ний өдөр 3 602 048 төгрөг, 2026.7.01-ний өдөр 3 602 048 төгрөгөөр хэсэгчлэн нэхэмжлэгчид төлөх, хуваарийн дагуу төлбөрөө төлөхгүй бол үүргийн гүйцэтгэлийг барьцаа хөрөнгө болох эрхийн улсын бүртгэлийн *** дугаарт бүртгэлтэй, **** талбайтай, авто зогсоолын зориулалттай үл хөдлөх хөрөнгөөр үүргийг хангуулахаар  харилцан тохиролцсон зохигч талуудын эвлэрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.4, 57 дугаар зүйлийн 57.1, 58 дугаар зүйлийн 58.3,106 дугаар зүйлийн 106.6, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгч улсын тэмдэгтийн хураамж төлөхөөс чөлөөлөгдсөн, хариуцагчаас улсын тэмдэгтийн хураамж 168 105 төгрөгийг гаргуулан улсын орлогод оруулсугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар захирамжийг хариуцагч сайн дураар биелүүлээгүй бол шүүхийн шийдвэрийн адил албадан гүйцэтгүүлэхийг дурдсугай.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг мэдэгдсүгэй.

 

 

 

 

ДАРГАЛАГЧ, ШҮҮГЧ                                          Ш.ОЮУНТУУЛ