2026             03         04                                      103/ШШ2026/00276

 

 

 

    Хариуцагч нэхэмжлэлийн шаардлагыг

  зөвшөөрснийг баталж, хэргийг

     хэрэгсэхгүй болгох тухай

 

Багануур дүүргийн Иргэний хэргийн анхан шатны шүүхийн шүүгч Г.Солонго би,

Нэхэмжлэгч: Сүхбаатар дүүргийн  дүгээр хороо, Юнескогийн гудамж, МПМ цогцолборт байрлах, Мобифинанс ББСБ ХХК-ийн нэхэмжлэлтэй,

Хариуцагч: Багануур дүүргийн  дугаар хороо, Залуусын  дүгээр гудамжны  тоотод оршин суух, ******* овогт *******ийн *******д холбогдох зээлийн гэрээний үүрэгт 914.223 төгрөг гаргуулах тухай нэхэмжлэлийг 2026 оны 02 дугаар сарын 03-ны өдөр хүлээн авч хянаад:                     

ҮНДЭСЛЭХ нь:

 

Нэхэмжлэгч Мобифинанс ББСБ ХХК шүүхэд гаргасан нэхэмжлэлийн шаардлагадаа: Мобифинанс ББСБ ХХК нь Б.*******тай 2024 оны 11 сарын 05-ны өдөр 1400001122969 тоот зээлийн гэрээ байгуулсан. Уг гэрээний дагуу өөрийн ** дугаарын Монпэй аппликейшн ашиглан 2024 оны 11 сарын 05-ны өдөр 530.000 төгрөгийг сарын 3.3 хувийн хүүтэй, 2024 оны 11 сарын 11-ний өдөр 70.000 төгрөгийг сарын 3.4 хувийн хүүтэй тус тус зээлж авсан. 2025 оны 12 дугаар сарын 17-ны өдрийн байдлаар Б.*******ын үндсэн зээл 600.000 төгрөг, зээлийн хүү 265.303 төгрөг, нэмэгдүүлсэн хүү 48.920 төгрөг, нийт 914.223 төгрөг байна. Иймд Б.*******аас зээлийн гэрээний үүргийн дагуу нийт 914.223 төгрөгийг гаргуулж өгнө үү гэжээ.

Хариуцагч Б.******* нь шүүхэд ирүүлсэн хариу тайлбартаа: Миний бие *******ийн ******* нь Мобифинанс ББСБ ХХК-иас зээлсэн 914.223 төгрөгийг төлөхөд маргах зүйлгүй гэжээ.

                                                                                                                                                                    

          Хэрэг хянан шийдвэрлэх ажиллагааны явцад хариуцагч Б.******* нь нэхэмжлэлийн шаардлага болох 914.223 төгрөг төлөхийг хүлээн зөвшөөрсөн тайлбарыг шүүхэд бичгээр ирүүлсэн бөгөөд түүний зөвшөөрөл нь Иргэний хуульд харшлаагүй, бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй байх тул хариуцагчийн зөвшөөрлийг батлах нь хуульд нийцнэ.  

 

Хэргийг хялбаршуулсан журмаар шийдвэрлэсэн тул Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар улсын тэмдэгтийн хураамжийг тал хувиар бууруулж тогтоов.

 

Иргэний хэрэг  шүүхэд  хянан шийдвэрлэх  тухай  хуулийн 123 дугаар зүйлийн 123.1, 75⁸ дугаар зүйлийн 75⁸.1 дэх хэсгүүдэд заасныг тус тус  удирдлага  болгон ЗАХИРАМЖЛАХ нь:

 

1. Мобифинанс ББСБ ХХК-ийн нэхэмжлэлтэй, хариуцагч ******* овогт *******ийн *******д холбогдох зээлийн гэрээний үүрэгт 914.223 төгрөг гаргуулах тухай иргэний хэрэгт хариуцагч Б.******* нэхэмжлэлийн шаардлагыг бүхэлд нь хүлээн зөвшөөрснийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид төлсөн 26.491 төгрөгөөс 13.245 төгрөгийг улсын орлогод хэвээр үлдээж, үлдэх 13.245 төгрөгийг улсын төсвөөс, хариуцагч Б.*******аас 13.245 төгрөгийг тус тус гаргуулж, нэхэмжлэгч Мобифинанс ББСБ ХХК-д олгосугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар захирамжийг хариуцагч сайн дураар биелүүлээгүй тохиолдолд шүүхийн шийдвэрийн нэгэн адил албадан гүйцэтгэх журамтайг  тайлбарласугай.

 

           4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар хэргийг хялбаршуулсан журмаар хянан шийдвэрлэсэн тохиолдолд зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.  

 

 

 

 

 

 

ШҮҮГЧ                          Г.СОЛОНГО