2025             12             10                                                                                         2025/ДШМ/1398

 

Б.Б-, Ө.Б- нарт холбогдох

эрүүгийн хэргийн тухай

 

Нийслэлийн Эрүүгийн хэргийн давж заалдах шатны шүүхийн ерөнхий шүүгч Б.Зориг даргалж, шүүгч М.Алдар, шүүгч Б.Батзориг нарын бүрэлдэхүүнтэй тус шүүхийн шүүх хуралдааны танхимд хаалттай хийсэн шүүх хуралдаанд:

прокурор Ц.Сайнхүү,

хохирогч Н.А-, түүний өмгөөлөгч Б.Эрдэнэбаатар,

шүүгдэгч Б.Б-, түүний өмгөөлөгч Б.Ууганбаатар, Х.Наранзул, Б.Өлзийбаяр,

шүүгдэгч Ө.Б-, түүний өмгөөлөгч Т.Хонгор,

нарийн бичгийн дарга Б.Ням-Учрал нарыг оролцуулан,

Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхийн 2025 оны 09 дүгээр сарын 11-ний өдрийн 2025/ШЦТ/2142 дугаар шийтгэх тогтоолыг эс зөвшөөрч шүүгдэгч Б.Б-, түүний өмгөөлөгч Б.Ууганбаатар, Х.Наранзул, Б.Өлзийбаяр, шүүгдэгч Ө.Б-, түүний өмгөөлөгч Т.Хонгор, Б.Мянган нарын гаргасан давж заалдах гомдлуудыг үндэслэн Б.Б-, Ө.Б- нарт холбогдох 2306 04902 1163 дугаартай эрүүгийн хэргийг 2025 оны 11 дүгээр сарын 13-ны өдөр хүлээн авч, шүүгч Б.Батзоригийн илтгэснээр хянан хэлэлцэв.

1. С- овгийн Б-гийн Б-, ........ /РД:Б-/,

- Баянзүрх дүүргийн Эрүүгийн хэргийн анхан шатны шүүхийн 2020 оны 12 дугаар сарын 22-ны өдрийн 2093 дугаартай шийтгэх тогтоолоор Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 500.000 төгрөгөөр торгох ялаар,

- Сүхбаатар дүүргийн Эрүүгийн хэргийн анхан шатны шүүхийн 2024 оны 12 дугаар сарын 24-ний өдрийн 1142 дугаартай шийтгэх тогтоолоор Эрүүгийн хуулийн тусгай ангийн 11.4 дүгээр зүйлийн 2 дахь хэсгийн 2.1-д зааснаар 2900 нэгж буюу 2.900.000 төгрөгөөр торгох ялаар тус тус шийтгүүлж байсан.

2. Т- овгийн Ө-ын Б-, .......... /РД:Ө-/,

Шүүгдэгч Б.Б-, Б.Б- нар нь бүлэглэн 2023 оны 09 дүгээр сарын 23-ны өдрөөс 2023 оны 09 дүгээр сарын 24-нд шилжих шөнө ...................

 

Эрүүгийн хэрэг хянан шийдвэрлэх тухай хуулийн 39.5 дугаар зүйлийн 1 дэх хэсгийн 1.2 дахь заалтыг удирдлага болгон ТОГТООХ нь:

1. Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхийн 2025 оны 09 дүгээр сарын 11-ний өдрийн 2025/ШЦТ/2142 дугаар шийтгэх тогтоолыг хүчингүй болгосугай.

2. Шүүгдэгч Б.Б-, Ө.Б- нарт урьд авсан цагдан хорих таслан сэргийлэх арга хэмжээг тус тус хэвээр үргэлжлүүлсүгэй.

3. Шүүхийн хууль хэрэглээний зөрүүг арилгах, Эрүүгийн хэрэг хянан шийдвэрлэх тухай хуулийг ноцтой зөрчсөн нь шүүхийн шийдвэрт нөлөөлсөн, хуулийг Улсын дээд шүүхийн тогтоол, тайлбараас өөрөөр хэрэглэсэн, эрх зүйн шинэ ойлголт, эсхүл хууль хэрэглээг тогтооход зарчмын хувьд нийтлэг ач холбогдолтой гэж үзвэл энэхүү магадлалыг гардуулсан, эсхүл хүргүүлснээс хойш 14 хоногийн дотор хэргийн оролцогч хяналтын журмаар гомдол, эсэргүүцэл бичих эрхтэй болохыг дурдсугай.

 

 

                         ДАРГАЛАГЧ,

                ЕРӨНХИЙ ШҮҮГЧ                                     Б.ЗОРИГ

 

                                   ШҮҮГЧ                                     М.АЛДАР

 

                                   ШҮҮГЧ                                     Б.БАТЗОРИГ