Хариуцагчийн зөвшөөрлийг баталж,

хэргийг хэрэгсэхгүй болгох тухай

  

Дорнод аймаг дахь сум дундын анхан шатны шүүхийн ерөнхий шүүгч П.Пагма би,

Нэхэмжлэгч: *******гийн ******* нэхэмжлэлтэй,

Хариуцагч: *******ы *******т холбогдох,

Худалдах, худалдан авах гэрээний үүрэгт 5,604,280 төгрөг гаргуулах тухай иргэний хэргийг 2026 оны 02 дугаар сарын 04-ний өдөр хүлээн авч хянаад  

ТОДОРХОЙЛОХ нь:

Нэхэмжлэгч ******* /утас: *******/ шүүхэд гаргасан нэхэмжлэлдээ: Миний бие "Пролайн систем" ХХК-ийн Гүйцэтгэх захирал ба манай компани цахилгаан, холбоо, дохиоллын угсралт, суурилуулалтын ажил гүйцэтгэж, холбогдох зарим нэр төрлийн бараа материалыг худалдан борлуулах үйл ажиллагаа явуулдаг. Н.******* нь Дорнод аймгийн Хэрлэн суманд "ТОУУ" ХХК-аараа барилгын ажил эрхэлдэг ба хаус ашиглалтад оруулж байгаа тул цахилгаан гэрэлтүүлэгт зориулж бараа материал захиалан авч, ...нийт 5,604,280 төгрөгийн төлбөр төлөх ёстой болсон. Гэвч өнөөдрийг хүртэл худалдан авсан бараа материалын төлбөрийг төлөхгүй байгаа бөгөөд утсаар ярих болгонд "Маргааш мөнгө орж ирэхээр өгнө, ирэх долоо хоногт өгнө" гэх зэргээр худал хэлж, хугацаа алдуулж байгаа нь надад маш их хүндрэл, чирэгдэл учруулж байна. Иймд барааны төлбөр болох 5,604,280 төгрөгийг төлж барагдуулахыг Н.*******т даалгаж өгнө үү гэжээ.

Хариуцагч Н.******* /утас: *******/ шүүхэд гаргасан хариу тайлбартаа: Нэхэмжлэлтэй танилцлаа. Зээлээр бараа авсан нь үнэн. Илүү барааг буцаах гэж хугацаа алдсан. Одоо илүү барааг хэрэглэхээр болсон тул нэхэмжлэлийн шаардлагыг хүлээн зөвшөөрч байна. Нэхэмжилсэн 5,604,280 төгрөгийг улирлын чанартай ажилтай тул 2026 оны 06 сарын 30-ны дотор өгөх боломжтой байна гэжээ.

Хэргийн материалыг шүүх хянаад ҮНДЭСЛЭХ нь:

Нэхэмжлэгч ******* нь хариуцагч Н.*******т холбогдуулан худалдах, худалдан авах гэрээний үүрэгт 5,604,280 төгрөг гаргуулах тухай нэхэмжлэлийн шаардлагыг гаргажээ.

Хэрэг хянан шийдвэрлэх ажиллагааны явцад нэхэмжлэгчийн худалдах, худалдан авах гэрээний үүрэгт 5,604,280 төгрөг гаргуулах тухай нэхэмжлэлийн шаардлагыг хариуцагч Н.******* нь бүхэлд нь хүлээн зөвшөөрч, энэ талаарх тайлбарыг шүүхэд бичгээр гаргаж өгсөн байх тул хэргийг хялбаршуулсан журмаар шийдвэрлэх үндэслэлтэй байна.

Хэргийг хялбаршуулсан журмаар шийдвэрлэх нь хуульд харшлахгүй бөгөөд гуравдагч этгээдийн эрх ашиг зөрчигдөөгүй гэж шүүх үзлээ.

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн 123.1, 75⁸ дугаар зүйлийн 75⁸.1, 74, 75 дугаар зүйлүүдийг удирдлага болгон ЗАХИРАМЖЛАХ нь:

1. Хариуцагч Н.******* нь худалдах, худалдан авах гэрээний үүрэгт 5,604,280 төгрөгийг нэхэмжлэгч *******д төлж барагдуулахыг хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 60 дугаар зүйлийн 60.1, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчийн улсын тэмдэгтийн хураамжид төлсөн 104,618 төгрөгийн 50 хувь болох 52,309 төгрөгийг төсвийн орлогод хэвээр үлдээж, Хэрлэн сумын төсвийн орлогоос 52,309 төгрөгийг, хариуцагч Н.*******өөс улсын тэмдэгтийн хураамжид 52,309 төгрөгийг тус тус гаргуулж нэхэмжлэгч ******* /РД: *******/-д олгосугай. 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, уг асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

4. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэсүгэй.

 

 

 

ЕРӨНХИЙ ШҮҮГЧ                     П.ПАГМА