МОНГОЛ УЛСЫН НЭРИЙН ӨМНӨӨС

 

 Сонгинохайрхан дүүргийн Эрүүгийн хэргийн анхан шатны шүүхийн шүүгч Т.Алтантуяа даргалж,

шүүх хуралдааны нарийн бичгийн дарга А.Сэрчмаа,

улсын яллагч М.Амарзаяа,

шүүгдэгч Б.Г-, түүний өмгөөлөгч Л.Батаа /шүүхэд төлөөлөх эрхийн үнэмлэхийн дугаар 1824/ нарыг оролцуулан тус шүүхийн хуралдааны “Б” танхимд нээлттэй явуулсан хуралдаанаар:

 

Сонгинохайрхан дүүргийн прокурорын газраас Эрүүгийн хуулийн тусгай ангийн 17.1 дүгээр зүйлийн 2 дахь хэсгийн 2.1 дэх заалтад зааснаар яллах дүгнэлт үйлдэж ирүүлсэн С овгийн Б-ийн Г-од холбогдох эрүүгийн 00000000000000 дугаартай хэргийг 2018 оны 00 дүгээр сарын 04-ний өдөр хүлээн авч, 2018 оны 0 дүгээр сарын 06-ны өдөр хянан хэлэлцэв.

 

Шүүгдэгчийн биеийн байцаалт.

С овгийн Б-ийн Г- Монгол Улсын иргэн, 1990 оны 07 дугаар сарын 15-ны өдөр Дорнод аймгийн Хэрлэн суманд төрсөн, эрэгтэй, 28 настай, бага боловсролтой, барилгын засал чимэглэлчин мэргэжилтэй, эрхэлсэн ажилгүй, ам бүл 5, эхнэр, 0-5 насны 3 хүүхдийн хамт амьдардаг, Дорнод аймгийн Хэрлэн сумын 000 тоотод оршин суудаг, Улаанбаатар хотод Сонгинохайрхан 0 тоотод ээж Э-ынд түр оршин сууж байгаа гэх, урьд ял шийтгэлгүй /РД:ЖМ90071578/.

 

Прокуророос шүүхэд шилжүүлсэн хэргийн агуулга:

Б.Г- нь согтууруулах ундааны зүйл хэрэглэсэн үедээ 2018 оны 07 дугаар сарын 08-ны өдөр Сонгинохайрхан дүүргийн 0 дүгээр хороо 0000тоотод байрлах нийтийн байрны 0 дугаарын өрөөнд амьдарч байсан иргэн Х.Э-ын эзэмшлийн 43 инчийн “LG” брендийн зурагтыг хүч хэрэглэхгүйгээр, нууцаар, хууль бусаар хулгайлан 960.210 төгрөгийн хохирол учруулсан гэмт хэрэгт холбогджээ.

                                                                                                     

ТОДОРХОЙЛОХ нь:                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                   

 

Нэг.Шүүхийн хэлэлцүүлэгт дараах нотлох баримтуудыг шинжлэн судлав. Үүнд:

 

Шүүхийн хэлэлцүүлэгт шүүгдэгч Б.Г-оос: Би 2018 оны 07 дугаар сарын 07-ны өдөр авто угаалгад найзтайгаа ажиллаж байгаад хоорондоо маргалдаад ажлаасаа гараад явсан. Тэгээд нэг найзтайгаа таараад ганц пиво хувааж уусан. Мөнгөний асуудалтай байсан болохоор сэтгэл санаагаар уначихсан явж байсан. Тэгээд  нийтийн байранд амьдардаг таньдаг А- гэдэг ахынд очсон боловч холбоо бариагүй удчихсан болохоор нүүсэн байсан. Би архи уучихсан халамцуу, мөнгөний асуудалтай байсан болохоор А- ахын амьдарч байсан өрөөнд орсон тэр айлын зурагтыг аваад мөнгө болгох гэж байсан. Тэгээд зарах гэж явж байгаад цагдаад баригдсан гэв.

 

Хоёр. Эрүүгийн 00000000000000  дугаартай хэргээс:

 

1. Хохирогч Х.Э-ын хэрэг бүртгэлтэд 2018 оны 07 дугаар сарын 17-ны өдөр  мэдүүлсэн “...Би гэр бүлийнхээ хамт Сонгинохайрхан дүүргийн 0 дүгээр хороо Баруунбаян Уулын 000 тоотод байрлах нийтийн байрны 00 тоот өрөөнд амьдардаг. Би ажилдаа явахаар 2018 оны 07 дугаар сарын 08-ны өдөр 13 цаг өнгөрөөгөөд гэрээсээ гарсан. Намайг гарахад манай гэрт 4-16 насны 4 хүүхэд маань гэртээ үлдсэн. Харин эхнэр маань өглөө 07 цаг 30 минутын үед ажилдаа явсан. Тэгээд би өдөр ажил дээрээ байж байтал 17 цагийн орчимд манай нийтийн байрны эзэн нь над руу утсаар залгаж танай гэрт хулгай ороод зурагтыг чинь аваад явсан байна гэж хэлсэн. Тэгэхлээр нь би шууд ажлаасаа гараад гэртээ ирсэн. Тэгтэл манай гэрийн 43 инчийн LG брендийн хар өнгийн зурагт алга болсон байсан. Тэр өдрөө цагдаагийн газар очиход манай зурагтыг хулгайлсан хүнийг барьсан, манай зурагтыг буцааж өгсөн. ...2018 оны 06 дугаар сарын 07-ны өдөр 3, 4 дүгээр хороололд байрлах “ВSВ” цахилгаан барааны дэлгүүрээс 1.000.000 төгрөгийн лизингээр худалдан авсан зурагт байсан. ...” гэх мэдүүлэг [1] ,

 

2. Насанд хүрээгүй гэрч Э.Т-ий /13 настай/ хэрэг бүртгэлтэд 2018 оны 08 дугаар сарын 19-ний өдөр мэдүүлсэн “...2018 оны 07 дугаар сарын 08-ны өдөр би гэрээ хараад 4 настай дүү М-тэй үлдсэн. Тэгтэл хажуу айлын эгч намайг гуйж усанд явуулсан. Би худаг руу усанд явчихаад буцаад гэртээ ирсэн. Тэгээд дүүтэйгээ хамт гадаа тоглохоор гэрээсээ гарахдаа гэрийнхээ хаалгыг түгжээгүй гараад явчихсан байсан. Намайг гадаа тоглож байх үед манай гэрийн зурагт алдагдсан байсан. Тэгээд би нийтийн байрны эзний утсаар цагдаад дуудлага өгсөн. Нийтийн байрны эзэн ах манай ээж, аавд хулгай орсон талаар хэлээд, манай аав гэрт ирсэн. Тухайн үед гэрээ цоожилохоо марчихсан байсан. ...” гэх мэдүүлэг [2],

 

3. Гэрч Л.Э-ын мөрдөн байцаалтад 2018 оны 08 дугаар сарын 20-ны өдөр мэдүүлсэн “...Миний хүү Б.Г- нь 1990 оны 07 дугаар сарын 15-ны өдөр Дорнод аймгийн Хэрлэн суманд Б- гэдэг айлын буюу миний бага хүү болж  мэндэлсэн. Дээрээ ах, эгч, доороо нэг эмэгтэй дүүтэй. Дорнод аймагт 1 дүгээр арван жилийн сургуульд сурч байгаад гарчихсан. Мал малладаг байсан. Барилгын засал, өрлөгийн, хааяа мужааны ажил хийдэг юм. Голдуу барилгын ажил хийсээр ирсэн. Тайваны Э- гэдэг эмэгтэйтэй гэр бүл болоод 2-3 жил болж байна. Дундаасаа 1 хүүхэдтэй 2018 оны 07 дугаар сарын 31-ний өдөр төрсөн. Миний хүү Б.Г- сонсгол муутай, хар багын тийм байсан. Хааяа архи уух гээд байдаг. Нэг ажилд орчихвол ажил хийгээд л байдаг. Дорнод аймгийн төв дээр хадмынхаа гэрт оршин сууж байсан. ...” гэх мэдүүлэг [3] ,

 

4. Б.Г-ын мөрдөн байцаалтад 2018 оны 08 дугаар сарын 29-ний өдөр яллагдагчаар мэдүүлсэн “...Дорнод аймгийн 0 дугаар дунд сургуульд элсэн ороод 6 дугаар анги хүртлээ сурсан. Тэрнээс хойш сургуульд сураагүй, хөдөө мал дээр айлын мал хардаг байсан. ...19 настайдаа Байгальмаа гэдэг эмэгтэйтэй гэр бүл болоод 1 жил гаран хугацаанд амьдарч байгаад салсан. Түүнтэй гэрлэлтийн баталгаатай салгуулж чадаагүй байгаа. Дараа нь одоогийн эхнэр болох Э-той гэр бүл болоод дундаасаа 3 хүүхэдтэй болсон. Намайг өөр хүнтэй гэрлэлтийн баталгаатай учир хүүхдүүд маань бүгдээрээ Э-гоор овоглодог. ...Улаанбаатар хотод барилгын ажил байна гэхээр нь ажил хийх гэж ирсэн. 7 хоногийн ажил хурдан хийгээд мөнгөө авчихна гэж ярилцсан. Би нэг барилгын ажил хийж гүйцэтгэчихээд мөнгөө авч чадаагүй, цалингаа өгөөгүй. Тухайн үед манай эхнэр Э-гийн төрөх хугацаа болчихсон байсан учир цалингаа шууд явуулна гэж байсан. Эхнэртээ болсон явдлын талаар хэлэхэд надад итгэхгүй байсан. Урьд нь нэг танил А- гэдэг бүтэн нэрийг нь мэдэхгүй ах надад тусалж байсан. Би тэр хүнээс мөнгө зээлье гэж бодоод нийтийн байр луу очоод өрөөнд нь ороход хаалга нь онгорхой, дотор нь ямар ч хүн байгаагүй. Би архины халуунд гарахдаа тэр айлын зурагтыг аваад гараад явчихсан. Тэгээд зурагтаа тэврээд гудамжаар явж байгаад цагдаад баригдаад саатуулагдсан. Зурагтны маркийг нь мэдэхгүй байна. Хавтгай дэлгэцтэй том хар зурагт л байсан. Би бусадтай хамтраагүй. Ганцаараа байсан. Тухайн үед бага зэрэг пиво уусан байсан. Эхнэр маань төрөх гээд мөнгөний хэрэг гарчихсан байсан.  ...” гэх мэдүүлэг [4] ,

 

5. 2018 оны 7 дугаар сарын 08-ны өдөр хэргийн газарт буюу Сонгинохайрхан дүүргийн 0 дүгээр хороо 0000тоотод байрлах нийтийн байрны 000 тоотод 2018 оны 7 дугаар сарын 08-ны өдөр хулгай орсон гэх хэрэгт “...Баруун баян уулын 3 дугаар гудамжинд ертөнцийн зүгээр зүүн зүг рүү харсан блокон хашаа байх бөгөөд хашаанд 2 давхар сууц байлаа. Сууцны хаалгаар ороод 0 тоот өрөөнд үзлэгийг явуулав. Өрөөний зүүн хойд буланд шургуулагатай шүүгээ байх бөгөөд уг шүүгээн дээр алдагсан зурагт байсан гэх тул 5 гэсэн дугаар байрлуулан гэрэл зургыг авав. Тасалгааны үүдний хаалганы бариулаас 1 ширхэг гарын мөр бэхжүүлэн авав. ... гэсэн тэмдэглэл, гэрэл зургийн үзүүлэлт [5],

 

6. Шүүхийн шинжилгээний үндэсний хүрээлэнгийн кримналистикийн шинжээчийн 2018 оны 08 дугаар сарын 01-ний өдрийн 4638 дугаартай дүгнэлтийн:

1.Шинжилгээнд ирүүлсэн 2018 оны 07 дугаар сарын 08-ны өдөр Сонгинохайрхан дүүргийн 0 дүгээр хороо Баруунбаян уулын 000 тоотод хулгай орж эд зүйл алдагдсан хэргийн газрын үзлэгээр илрүүлж бэхжүүлсэн 1 ширхэг гарын мөр болон харьцуулах загвараар ирүүлсэн Б- овогтой Г-ын гэх гарын хээний дардас нь гарын хээний адилтгалын шинжилгээнд тэнцэнэ.

2.“Шинжилгээнд ирүүлсэн адилтгалын шинжилгээнд тэнцсэн хэргийн газрын үзлэгээр илрүүлж бэхжүүлсэн 1 ширхэг гарын мөр нь харьцуулах загвараар ирүүлсэн Б- овогтой Г-ын гэх баруун гарын ядам хурууны хээний дардастай ерөнхий болон хувийн онцлог шинж тэмдгээр тохирч байна. ...”

3.Шинжилгээнд харьцуулах загвараар ирүүлсэн Б- овогтой Г-ын гэх гарын хээний дардас нь папилон гарын хээний нэгдсэн санд 2015 оны 03 сарын 02-ны өдөр МN0000МБГ00283 дугаараар, 2014 оны 07 сарын 14-ны өдөр МN004110006819 дугаараар, 2013 оны 05 сарын 23-ны өдөр МN000310017673 дугаараар тус тус бүртгэгдсэн байна. /шинжээч Х.Бат-Эрдэнэ/ ...” гэсэн дүгнэлт [6],

 

7. “Д” ХХК-ний 2018 оны 07 дугаар сарын 25-ны өдрийн эд зүйлийн үнэлгээ [7], эд зүйлийн үнэлгээний хөлс төлсөн бэлэн мөнгөний орлогын баримт [8], эд зүйл хураан авсан тэмдэглэл, гэрэл зургийн үзүүлэлт [9], эд зүйл хүлээлгэн өгсөн тухай тэмдэглэл [10]

 

8. Б.Г-ын иргэний үнэмлэхийн лавлагаа [11], урьд ял шийтгэгдсэн эсэхийг шалгах хуудас [12], Б.Г-ын нэр дээр тээврийн хэрэгсэл бүртгэлгүй тухай лавлагаа [13], түүний нэр дээр эд хөрөнгө бүртгэлгүй тухай дүүргийн иргэний бүртгэлийн лавлагаа [14] зэрэг бичгийн нотлох баримтуудыг шинжлэн судалсан болно.

 

Гурав. Прокуророос шүүхэд шилжүүлсэн эрүүгийн хэргийн хүрээнд, шүүгдэгч Б.Г-ын холбогдсон хэрэгт гэм буруу, эрүүгийн хариуцлага хүлээлгэхдээ хууль ёсны, шударга ёсны, гэм буруугийн зарчмыг тус тус баримтлан шүүхийн хэлэлцүүлэгт тогтоогдсон үйл баримт, шинжлэн судалсан болон хэрэгт цугларсан дээрх нотлох баримтуудыг үндэслэн дүгнэхэд:

 

1.Гэм буруугийн талаар:

Шүүгдэгч Б.Г- нь согтууруулах ундааны зүйл хэрэглэсэн үедээ, шунахай сэдэлтээр, амар хялбар аргаар мөнгө олох зорилгоор 2018 оны 07 дугаар сарын 08-ны өдөр Сонгинохайрхан дүүргийн 0 дүгээр хороо 0000тоотод байрлах нийтийн байрны 0 дугаарын өрөөг түрээслэн амьдарч байсан иргэн Х.Э-ын гэрт орж түүний эзэмшлийн 43 инчийн “LG” брендийн зурагтыг хүч хэрэглэхгүйгээр, нууцаар, хууль бусаар хулгайлан авч, 960.210 төгрөгийн хохирол учруулсан гэмт хэргийг үйлдсэн болох нь:

-Хохирогч Х.Э-ын хэрэг бүртгэлтэд мэдүүлсэн “...нийтийн байрны 00 тоот өрөөнд амьдардаг. Би ажилдаа явахаар 2018 оны 07 дугаар сарын 08-ны өдөр 13 цаг өнгөрөөгөөд гэрээсээ гарсан. ...манай гэрт 4-16 насны 4 хүүхэд маань гэртээ үлдсэн. Харин эхнэр маань өглөө 07 цаг 30 минутын үед ажилдаа явсан. ...17 цагийн орчимд манай нийтийн байрны эзэн над руу утсаар яриад танай гэрт хулгай ороод зурагтыг чинь аваад явчихсан байна гэж хэлсэн. ...би шууд ажлаасаа гараад гэртээ ирсэн. Тэгтэл манай гэрийн 43 инчийн LG брендийн хар өнгийн зурагт алга болсон байсан. Тэр өдрөө цагдаагийн газар очиход манай зурагтыг хулгайлсан хүнийг барьчихсан, манай зурагтыг буцааж өгсөн. ...” гэх мэдүүлэг [15],

-Насанд хүрээгүй гэрч Э.Т-ий хэрэг бүртгэлтэд мэдүүлсэн “...2018 оны 07 дугаар сарын 08-ны өдөр би гэрээ хараад 4 настай дүү М-тэй үлдсэн. ...дүүтэйгээ хамт гадаа тоглохоор гэрээсээ гарахдаа гэрийнхээ хаалгыг түгжээгүй гараад явчихсан байсан. Намайг гадаа тоглож байх үед манай гэрийн зурагт алдагдсан байсан. ...би нийтийн байрны эзний утсаар цагдаад дуудлага өгсөн. ...Тухайн үед гэрээ цоожилохоо мартчихсан байсан. ...” гэх мэдүүлэг [16],

-Б.Г-ын мөрдөн байцаалтад яллагдагчаар мэдүүлсэн “...Урьд нь нэг танил А- гэдэг бүтэн нэрийг нь мэдэхгүй ах надад тусалж байсан. Би тэр хүнээс мөнгө зээлье гэж бодоод нийтийн байр луу очоод өрөөнд нь ороход хаалга нь онгорхой, дотор нь ямар ч хүн байгаагүй. Би архины халуунд гарахдаа тэр айлын зурагтыг аваад гараад явчихсан. Тэгээд зурагтаа тэврээд гудамжаар явж байгаад цагдаад баригдаад саатуулагдсан. ...Хавтгай дэлгэцтэй том хар зурагт л байсан. ...Эхнэр маань төрөх гээд мөнгөний хэрэг гарчихсан байсан.  ...” гэх мэдүүлэг [17] ,

-2018 оны 7 дугаар сарын 08-ны өдөр хэргийн газарт үзлэг хйисэн тэмдэглэл, гэрэл зургийн үзүүлэлт [18], Шүүхийн шинжилгээний үндэсний хүрээлэнгийн кримналистикийн шинжээчийн 2018 оны 08 дугаар сарын 01-ний өдрийн 4638 дугаартай дүгнэлт [19],  “Д” ХХК-ний 2018 оны 07 дугаар сарын 25-ны өдрийн эд зүйлийн үнэлгээ [20], эд зүйл хураан авсан тэмдэглэл, гэрэл зургийн үзүүлэлт [21], эд зүйл хүлээлгэн өгсөн тухай тэмдэглэл [22] зэрэг нотлох баримтуудаар нотлогдон тогтоогдож байна.

 

Шүүхийн хэлэлцүүлгийн үед шинжлэн судалсан болон хэрэгт цугларсан нотлох баримтууд нь энэ хэрэгт хамааралтай, хуульд заасан журмаар цугларсан, хэрэг хянан шийдвэрлэхэд хангалттай, яллагдагч, хохирогч, гэрч нарыг байцаахдаа Эрүүгийн хэрэг хянан шийдвэрлэх тухай хууль зөрчөөгүй, нотлох баримтууд нь тухайн хэрэгт хамааралтай, агуулгын хувьд зөрүүгүй, үйл баримтыг хангалттай тогтоож чадсан байх тул хууль ёсны үнэн зөв баримтууд гэж үнэлэв.

 

Хууль зүйн дүгнэлт

Гэм буруугийн шүүх хуралдаанд улсын яллагчаас шүүгдэгч Б.Г- нь хүч хэрэглэхгүйгээр, нууцаар,  хууль бусаар Сонгинохайрхан дүүргийн 0 дүгээр хороо 0000тоотод байрлах нийтийн байрны 0 дугаарын өрөөнд нэвтэрч бусдын эд хөрөнгийг хулгайлсан гэмт хэргийг үйлдсэн болох нь хэрэгт цугларсан баримтуудаар тогтоогдсон тул Эрүүгийн хуулийн тусгай ангийн 17.1 дүгээр зүйлийн 2 дахь хэсгийн 2.1 дэх заалтад зааснаар гэм буруутайд тооцуулах гэсэн дүгнэлтийг гаргасан.

Шүүгдэгчийн өмгөөлөгч Л.Батаа нь гэм буруугийн талд маргаж мэтгэлцээгүй.

Хулгайлах гэмт хэрэг нь нууцаар, далд аргаар явагддаг бөгөөд хэрэгт цугларсан нотлох баримтаар Б.Г- нь мөнгө олох зорилгоор хүн байнга амьдрах зориулалттай орон байранд нэвтэрч бусдын эд хөрөнгийг хулгайлсан болох нь хангалттай тогтоогдсон ба шүүгдэгч нь гэм буруугийн талаар маргаагүй болно. 

 

Иймд шүүгдэгч Б.Г-ыг бусдын эд хөрөнгийг нууцаар, хууль бусаар, хүч хэрэглэхгүйгээр хулгайлсан гэмт хэргийг хүн байнга амьдрах зориулалттай орон байранд нэвтэрч үйлдсэн гэм буруутайд тооцох хууль зүйн үндэстэй байна гэж үзэв.

 

2.Гэмт хэргийн улмаас учирсан хохирол, хор уршигийн талаар.

Шүүгдэгч Б.Г- нь иргэн Х.Э-ын эзэмшлийн LG брендийн 43 инчийн ЛСД зурагтыг хулгайлж 960.210 төгрөгийн хохирол учруулсан байх боловч хэрэг хянан шийдвэрлэх ажиллагааны явцад хар өнгийн гадаргуутай LG маркийн 43 инчийн зурагтыг хураан авч хохирогч Х.Э-ад хүлээлгэн өгсөн байх тул шүүгдэгч нь бусдад төлөх төлбөргүй байна.

 

3.Эрүүгийн хариуцлага хүлээлгэх талаар

Эрүүгийн хариуцлагын шүүх хуралдаанд улсын яллагчаас Б.Г-ыг Эрүүгийн хуулийн тусгай ангийн 17.1 дүгээр зүйлийн 2 дахь хэсгийн 2.1 дэх заалтад зааснаар 2 жил 6 сарын хорих ял оногдуулах, хорих ялыг Эрүүгийн хуулийн ерөнхий ангийн 5.6 дугаар зүйлийн 3 дахь хэсэгт зааснаар нээлттэй хорих ангид эдлүүлэх тухай дүгнэлтийг гаргасан.

Шүүгдэгчийн өмгөөлөгч Л.Батаа нь өмгөөллийн дүгнэлтдээ Б.Г- нь анх удаа гэмт хэрэг үйлдсэн, учруулсан хохирлоо нөхөн төлсөн, мөрдөн байцаалтын болон шүүхийн шатанд гэм буруугаа хүлээн зөвшөөрсөн зэргийг харгалзан түүнд Эрүүгийн хуулийн 6.7 дугаар зүйлийн 1 дэх хэсгийн 1.3 дахь заалтыг хэрэглэн ялыг хөнгөрүүлж өгнө үү гэсэн саналыг гаргасан.

Шүүгдэгч Б.Г- нь урьд ял шийтгэгдсэн эсэхийг шалгасан хуудсаар цагдаагийн байгууллагын санд бүртгэгдээгүй байна.

Шүүхээс шүүгдэгч Б.Г-од эрүүгийн хариуцлага хүлээлгэхдээ тохиолдлын шинжтэй анх удаа гэмт хэрэг үйлдснийг хөнгөрүүлэх нөхцөлд харгалзан үзэж, шүүгдэгчийн согтуурсан үедээ гэмт хэрэг үйлдсэн нөхцөл байдал, нөгөө талаас хохирогчид төлөх төлбөргүй зэргийг харгалзан түүнд 2 жилийн хугацаагаар хорих ял оногдуулж, урьд авсан хувийн баталгаа гаргах таслан сэргийлэх арга хэмжээг өөрчлөн, цагдан хорих таслан сэргийлэх арга хэмжээг авч, түүний эдлэх ялыг энэ өдрөөс эхлэн тоолохоор тогтоолд дурдав.

Тус хэргийн нөхцөл байдлаас үзвэл хохирогчид шүүгдэгч нь төлөх төлбөргүй хэдий боловч Б.Г- нь хохирогчийн зурагтыг хулгайлан авч явах замдаа цагдаагийн байгууллагын ажилтанд баригдаж, хулгайлсан эд зүйлээ хураалгаж, тухайн хураасан зурагтыг хохирогчид буцаан олгох ажиллагаа хийгдсэн бөгөөд үүнийг шүүгдэгчээс хохирол, хор уршигийг сайн дураар арилгасан гэж үзэхгүй. Иймд Эрүүгийн хуулийн 6.7 дугаар зүйлийг хэрэглэх шаардлагагүй гэж үзэж, өмгөөлөгчийн энэ талаар гаргасан саналыг хүлээн аваагүй болно.

 

4.Бусад асуудлаар.

Тус хэрэгт битүүмжлэгдсэн эд хөрөнгөгүй, хураагдсан эд мөрийн баримтгүй, шүүгдэгч Б.Г-ын иргэний бичиг баримт шүүхэд ирээгүй, цагдан хоригдсон хоноггүй болохыг тус тус тогтоолд дурдаж шийдвэрлэв.

 

---

[1] Хавтаст хэргийнг 14-15 дугаар тал.

[2] Хавтаст хэргийн 34 дүгээр тал.

[3] Хавтаст хэргийн 34 дүгээр тал.

[4] Хавтаст хэргийн 30-31 дүгээр тал.

[5] Хавтаст хэргийн 4-7 дугаар тал.

[6] Хавтаст хэргийн 38-39 дүгээр тал.

[7] Хавтаст хэргийн 49-50 дугаар тал.

[8] Хавтаст хэргийн 48 дугаар тал.

[9] Хавтаст хэргийн 8-9 дүгээр тал.

[10] Хавтаст хэргийн 10 дугаар тал.

[11] Хавтаст хэргийн 55 дугаар тал.

[12] Хавтаст хэргийн 53 дугаар тал.

[13] Хавтаст хэргийн 59 дүгээр тал.

[14] Хавтаст хэргийн 57 дугаар тал.

[15] Хавтаст хэргийнг 14-15 дугаар тал.

[16] Хавтаст хэргийн 34 дүгээр тал.

[17] Хавтаст хэргийн 30-31 дүгээр тал.

[18] Хавтаст хэргийн 4-7 дугаар тал.

[19] Хавтаст хэргийн 38-39 дүгээр тал.

[20] Хавтаст хэргийн 49-50 дугаар тал.

[21] Хавтаст хэргийн 8-9 дүгээр тал.

[22] Хавтаст хэргийн 10 дугаар тал.