2026       01            22                                                  309/ШШ2026/00245

 

Нэхэмжлэгч нэхэмжлэлээсээ татгалзсаныг баталж,

хэргийг хэрэгсэхгүй болгох тухай

 

          Дорнод аймаг дахь сум дундын анхан шатны шүүхийн шүүгч Г.Намуунтуяа би,

          Нэхэмжлэгч: “******* ******* ББСБ” ХХК-ны нэхэмжлэлтэй,

          Хариуцагч: *******ын *******т холбогдох

          Нэхэмжлэлийн шаардлага: Зээлийн гэрээний үүрэгт 1,243,096.15 төгрөг гаргуулах тухай иргэний хэргийг хүлээн авч хянаад

 

ТОДОРХОЙЛОХ нь:

 

          Нэхэмжлэгч “******* ******* ББСБ” ХХК нь шүүхэд гаргасан нэхэмжлэлдээ: “...Зээлдэгч Н.******* нь тус банк бус санхүүгийн байгууллагатай 2024 оны 05 дугаар сарын 23-ны өдөр зээлийн гэрээ байгуулсан. Тус гэрээний хүрээнд 2024 оны 06 дугаар сарын 20-ны өдөр 020002 кодтой зээл болох 500,000 төгрөгийг 07 хувийн хүүтэй, 30 хоногийн хугацаатайгаар төлөөгүй хугацаа хэтэрсэн өдрөөс хойш үндсэн хүүгийн 20 хувьтай тэнцэх хэмжээний нэмэгдүүлсэн хүү тооцох нөхцөлтэйгээр зээлсэн. Зээлдэгч нь зээлийн гэрээгээр хүлээсэн үүргээ зөрчиж, зээлийн төлбөрийг хуваарийн дагуу төлж барагдуулаагүйгээс гэрээний үүрэг зөрчигдөж байгааг зээлдэгчид мэдэгдэж, үүссэн зөрчлийг арилгах бодит боломжийг олгосон боловч гэрээний үүргээ өнөөдрийг хүртэл биелүүлээгүй банк бусыг хохироож байгаа тул зээлийн төлбөрийг төлөх асуудлаар шүүхэд нэхэмжлэл гаргаж байна. Зээлдэгч Н.*******ээс зээлийн гэрээний үүрэг нийт 1,243,096.15 төгрөгийг  гаргуулж, ******* ******* ББСБ ХХК-д олгуулахаар шийдвэрлэж өгнө үү...” гэжээ. 

 

            Нэхэмжлэгч “******* ******* ББСБ” ХХК-иас шүүхэд ирүүлсэн албан бичигтээ: Хариуцагч Н.******* нэхэмжлэлийн үнийн дүн болох 1,243,096.15 төгрөгийг бүрэн төлж барагдуулан ******* ******* ББСБ-ийг хохиролгүй болгосон тул Иргэний хэрэг шүүхэд хянан шийдвэрлэх тухай хуулийн 26.2-т заасныг үндэслэн  нэхэмжлэлээсээ татгалзаж байна гэжээ.

 

ҮНДЭСЛЭХ нь:

 

           Нэхэмжлэгч “******* ******* ББСБ” ХХК нь хариуцагч Н.*******т холбогдуулан зээлийн гэрээний үүрэг 1,243,096.15 төгрөг гаргуулах тухай нэхэмжлэлийг тус шүүхэд гаргажээ.

 

Хэрэг хянан шийдвэрлэх ажиллагааны явцад нэхэмжлэгч “******* ******* ББСБ” ХХК нь хариуцагч Н.******* нь нэхэмжлэлийн шаардлага 1,243,096.15 төгрөгийг бүрэн төлж барагдуулсан гэх үндэслэлээр шүүхэд гаргасан нэхэмжлэлээсээ татгалзаж байна гэх тайлбарыг бичгээр ирүүлсэн байна.

 

          Иймд нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгон хялбаршуулсан журмаар хянан шийдвэрлэх нь зүйтэй байна.

 

            Иргэний хэрэг шүүхэд хянан шийдвэрлэх тухай хуулийн 74, 75⁸ дугаар зүйлийн 75⁸.1-т заасныг тус тус удирдлага болгон ЗАХИРАМЖЛАХ нь:

 

            1. Нэхэмжлэгч “******* ******* ББСБ”  ХХК нь хариуцагч Н.*******т холбогдуулан гаргасан зээлийн гэрээний үүрэг 1,243,096.15 төгрөгийг гаргуулах тухай нэхэмжлэлээсээ татгалзсаныг баталж, хэргийг хэрэгсэхгүй болгосугай.

 

             2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.5, 74 дүгээр зүйлийн 74.5-д зааснаар нэхэмжлэгчийн улсын тэмдэгтийн хураамжид урьдчилан төлсөн 34,384 төгрөгийг төсвийн орлогод хэвээр үлдээж, Дорнод аймгийн Хэрлэн сумын төсвийн орлогоос 17,192 төгрөг, хариуцагч  Н.*******ээс улсын тэмдэгтийн хураамжид 17,192 төгрөгийг тус тус гаргуулж нэхэмжлэгч “******* ******* ББСБ”  ХХК-д олгосугай.

 

            3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар гомдол гаргах эрхгүй болохыг дурдсугай.

 

 

 

               ШҮҮГЧ                   Г.НАМУУНТУЯА