2026      01         21                                                         309/ШШ2026/00239

 

     Хариуцагчийн зөвшөөрлийг баталж,

    хэргийг хэрэгсэхгүй болгох тухай

 

          Дорнод аймаг дахь сум дундын анхан шатны шүүхийн шүүгч Г.Намуунтуяа би,

          Нэхэмжлэгч: “******* банк” ХК-ийн нэхэмжлэлтэй,

          Хариуцагч: *******ын *******д холбогдох

          Нэхэмжлэлийн шаардлага: Зээлийн гэрээний үүрэгт 25,959,269.97 төгрөг гаргуулах тухай иргэний хэргийг хүлээн авч хянаад

 

ТОДОРХОЙЛОХ нь:

 

          Нэхэмжлэгч “******* банк” ХК шүүхэд гаргасан нэхэмжлэлдээ: “...Х.******* нь 2024 оны 06 дугаар сарын 26-ны өдөр ЗГ4705154633 дугаартай зээлийн гэрээ байгуулж 26,000,000 төгрөгийг жилийн 21 хувийн хүүтэй, 30 сарын хугацаатай, 2024 оны 08 дугаар сарын 06-ны өдөр 2,000,000 төгрөгийг  21 хувийн хүүтэй, 30 сарын хугацаатай, 2024 оны 08 дугаар сарын 18-ны өдөр 1,000,000 төгрөгийг жилийн 21 хувийн хүүтэй, 30 сарын хугацаатай, 2024 оны 08 дугаар сарын 26-ны өдөр 1,000,000 төгрөгийг жилийн 21 хувийн хүүтэй, 30 сарын хугацаатай, 2024 оны 09 дүгээр сарын 24-ний өдөр 1,000,000 төгрөгийг жилийн 21 хувийн хүүтэй, 30 сарын хугацаатай, 2024 оны 09 дүгээр сарын 28-ны өдөр 1,000,000 төгрөгийг жилийн 21 хувийн хүүтэй, 30 сарын хугацаатай, 2024 оны 09 дүгээр сарын 29-ний өдөр 3,500,000 төгрөгийг жилийн 21 хувийн хүүтэй 30 сарын хугацаатай цалингийн зээл тус тус авсан. Зээлдэгч нь ЗГ4705154633, ЗГ4705155927 дугаартай  зээлийн гэрээний үүргиг зөрчиж эргэн төлөлтийг тасалдуулж байна. Иймд Х.*******ээс зээлийн гэрээний үүрэгт нийт 25,959,269.97 төгрөгийг гаргуулж ******* банканд олгож өгнө үү гэжээ.

 

           Хариуцагч Х.******* шүүхэд гаргасан хариу тайлбартаа:  Х.******* миний бие ******* банкнаас зээл аваад төлөөгүй байгаа нь үнэн. ******* банкнаас  нэхэмжилсэн 25,959,269.97 төгрөгийг төлөхийг зөвшөөрч байна гэжээ.

 

          Шүүх зохигчийн тайлбар, хэрэгт авагдсан бичгийн нотлох баримтуудыг шинжлэн судлаад

ҮНДЭСЛЭХ нь:

 

          Нэхэмжлэгч “******* банк” ХК нь хариуцагч Х.*******д холбогдуулан зээлийн гэрээний үүрэгт 25,959,269.97 төгрөг гаргуулах тухай нэхэмжлэлийг тус шүүхэд гаргажээ.

 

          Нэхэмжлэгч “******* банк” ХК нь хариуцагчаас 25,959,269.97 төгрөгийг Иргэний хуулийн 451 дүгээр зүйлийн 451.1, 453 дугаар зүйлийн 453.1-д зааснаар банк, зээлийн үйл ажиллагаа эрхлэх эрх бүхий хуулийн этгээдээс зээл олгох гэрээний дагуу шаардах эрх үүссэн болох нь хэрэгт авагдсан баримтаар тогтоогдож байна.

 

          Хэрэг хянан шийдвэрлэх ажиллагааны явцад хариуцагч Х.******* нэхэмжлэлийн шаардлага болон үйл баримтын талаар маргаагүй, зээлийн гэрээний үүрэг 25,959,269.97 төгрөгийг нэхэмжлэгч “******* банк” ХК-д төлөхийг хүлээн зөвшөөрсөн нь Иргэний хуульд нийцсэн байхаас гадна гуравдагч этгээдийн хуулиар  хамгаалагдсан  ашиг  сонирхлыг  зөрчсөн  гэх үндэслэл байхгүй байна.

 

          Иймд шүүх хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгон хялбаршуулсан журмаар хянан шийдвэрлэх нь зүйтэй гэж үзлээ.

 

         Иргэний хэрэг шүүхэд хянан шийдвэрлэх тухай хуулийн 74, 75, 123 дугаар зүйлийн 123.1 дэх хэсэгт заасныг тус тус удирдлага болгон ЗАХИРАМЖЛАХ нь:

 

          1. Хариуцагч Х.******* нь зээлийн гэрээний үүрэг 25,959,269.97 төгрөгийг нэхэмжлэгч “******* банк” ХК-д төлөхийг хүлээн зөвшөөрснийг баталж, хэргийг хэрэгсэхгүй болгосугай.

 

          2. Иргэний хэрэг шүүхэд хянан шийдвэрлэх тухай хуулийн 60 дугаар зүйлийн 60.1, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д тус тус зааснаар нэхэмжлэгчийн улсын тэмдэгтийн хураамжид урьдчилан төлсөн 287,746 төгрөгийг төсвийн орлогод хэвээр үлдээж, төсвийн орлогоос 143,873 төгрөг, хариуцагч Х.*******ээс улсын тэмдэгтийн хураамжид 143,873 төгрөгийг тус тус гаргуулж, нэхэмжлэгч “******* банк” ХК-д  олгосугай.

 

          3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

          4. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

 

 

 

              ШҮҮГЧ                    Г.НАМУУНТУЯА