Хариуцагч нэхэмжлэлийн шаардлагыг хүлээн

зөвшөөрснийг баталж, хэргийг хэрэгсэхгүй

 болгох тухай

 

 

 Сэлэнгэ аймгийн ******* сум дахь Сум дундын шүүхийн Ерөнхий шүүгч Г.Сарантуяа би ..... аймаг, ....... сум, ..... баг, ...... гудамж ..... байр, ........ тоотод оршин суух иргэн ......... (РД:.........) нэхэмжлэлтэй ........ аймаг, .... сум, ..... дугаар баг, ......... тоотод оршин суух иргэн .......... (РД:..........) холбогдох гэм хорын хохирол 4,290,000 төгрөг гаргуулах тухай нэхэмжлэлийг 2025 оны 12 дугаар сарын 22-ний өдөр хүлээн авч, 2025 оны 12 дугаар сарын 26-ны өдөр иргэний хэрэг үүсгэж хянаад

ТОДОРХОЙЛОХ нь:

 

            ******* шүүхэд гаргасан нэхэмжлэлдээ:

            Миний бие ******* 2025 оны 09 дүгээр сарын 27-ны өдөр өөрийн эзэмшлийн машинаар Орхон аймгаас Улаанбаатар хот руу явж байх замд Сэлэнгэ аймгийн ******* сумын төв /Хөтөл/-өөр зорчин өнгөрөх үед тус сумын иргэн ******* гэх жолооч машинаараа дүрэм зөрчин баруун талаас ирж мөргөж 4,290,000 төгрөгийн бодит хохирол учруулаад байна.

            Даатгалын хохирлын үнэлгээ гаргадаг эрх бүхий “Ашид билгүүн” ХХК-аар автомашин техникийн эвдрэл, хохирлын үнэлгээ хийлгэсэн бөгөөд 3,715,000.00 төгрөгийн үнэлгээ хийсэн. Хэдийгээр ийм үнэлгээ гаргасан боловч Улаанбаатар хотод /VIР Вьетнам засварын газар 3,4 дүгээр хороололд байрлах/ машинаа засварлуулахад шинээр 2 хаалга авахад 2,400,000 төгрөг, голын босоо баганын будаг, засвар 300,000 төгрөг, баруун хонго будаг 500,000.0 төгрөг, баруун урд хаалганы нугас 2 ширхэг 400,000 /нугас нь гажаад засварлах боломжгүй гэсэн тул шинээр авсан/ төгрөг, сэв гажаа 500,000.00 төгрөг, нийт 4.0 сая төгрөгийн сэлбэг болон засварын хөлс гарч төлсөн. Мөн даатгалын үнэлгээг 290,000 төгрөг өгч хийлгэсэн бөгөөд нийт 4,290,000.0 төгрөгийг төлж, энэ хэмжээний хохирлыг ******* нь надад учруулаад байна.

            ******* нь даруй төлнө гэсэн боловч тогтоосон хугацаандаа төлөөгүй сүүлдээ утасдахаар утсаа салгах, авахаа больсон тул шүүхийн журмаар шийдвэрлүүлэхээр нэхэмжлэл гаргаж байна гэжээ.

 

Хариуцагч ******* шүүхэд гаргасан тайлбартаа:

Миний бие ******* нь *******ийн нэхэмжлэлтэй танилцлаа. Нэхэмжлэлийн шаардлага болох 4,290,000 төгрөгийг төлөхийг хүлээн зөвшөөрч байна. Уг мөнгийг 2026 оны 01 дүгээр сарын 31-ний өдөр 500,000 төгрөг, 2026 оны 02 дугаар сарын 28-ний өдөр 500,000 төгрөг, 2026 оны 03 дугаар сарын 30-ний өдөр 500,000 төгрөг, 2026 оны 04 дүгээр сарын 30-ний өдрөө 500,000 төгрөг, 2026 оны 05 дугаар сарын 30-ний өдөр 500,000 төгрөг, 2026 оны 06 дугаар сарын 30-ний өдөр 500,000 төгрөг, 2026 оны 07 дугаар сарын 30-ний өдөр 500,000 төгрөг, 2026 оны 08 дугаар сарын 30-ний өдөр 790,000 төгрөгийг тус тус төлж барагдуулна. Иймд хэргийг хялбаршуулсан журмаар шийдвэрлэж өгнө үү гэв.

 ҮНДЭСЛЭХ нь:

 

******* иргэн *******аас гэм хорын хохирол 4,290,000 төгрөг гаргуулахаар шүүхэд нэхэмжлэл гаргажээ.

Хэрэг хянан шийдвэрлэх ажиллагааны явцад хариуцагч ******* нь *******ийн нэхэмжилж буй 4,290,000 төгрөгийг төлөхийг хүлээн зөвшөөрч уг мөнгийг  2026 оны 01 дүгээр сарын 31-ний өдөр 500,000 төгрөг, 2026 оны 02 дугаар сарын 28-ний өдөр 500,000 төгрөг, 2026 оны 03 дугаар сарын 30-ний өдөр 500,000 төгрөг, 2026 оны 04 дүгээр сарын 30-ний өдрөө 500,000 төгрөг, 2026 оны 05 дугаар сарын 30-ний өдөр 500,000 төгрөг, 2026 оны 06 дугаар сарын 30-ний өдөр 500,000 төгрөг, 2026 оны 07 дугаар сарын 30-ний өдөр 500,000 төгрөг, 2026 оны 08 дугаар сарын 30-ний өдөр 790,000 төгрөгийг тус тус төлж барагдуулна гэж байгаа нь Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 75⁸ дугаар зүйлийн 75⁸.1-д тус тус зааснаар хэргийг хялбаршуулсан журмаар хянан шийдвэрлэх үндэслэл болно.

Хариуцагч нэхэмжлэлийн шаардлагыг бүхэлд нь хүлээн зөвшөөрсөн ба энэ талаарх тайлбараа бичгээр гаргаж гарын үсгээ зурж баталгаажуулсан байна. /х.х-ийн 22-р хуудас/

Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1-д зааснаар *******ийн улсын тэмдэгтийн хураамжид төлсөн 85490 төгрөгийг орон нутгийн орлогод хэвээр үлдээж, хялбаршуулсан журмаар хэрэг хянан шийдвэрлэж байгаа тул *******ын төлөх улсын тэмдэгтийн хураамж 85490 төгрөгийг тал хувиар бууруулан тогтоож төлүүлэх үндэстэй.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75⁸ дугаар зүйлийн 75⁸.1, 123 дугаар зүйлийн 123.1-д заасныг удирдлага болгон

 

    ЗАХИРАМЖЛАХ нь:

 

1.*******ийн нэхэмжлэлтэй *******т холбогдох гэм хорын хохирол 4,290,000 төгрөг гаргуулах тухай иргэний хэргийг хариуцагч нэхэмжлэлийн шаардлагыг хүлээн зөвшөөрснийг баталж, хэрэгсэхгүй болгосугай.

2.Улсын Тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 74 дүгээр зүйлийн 74.5-д зааснаар *******ийн улсын тэмдэгтийн хураамжид төлсөн 85490 төгрөгийг орон нутгийн орлогод хэвээр үлдээж, хариуцагч *******аас улсын тэмдэгтийн хураамжид 42745 төгрөг, орон нутгийн орлогоос 42745 төгрөг гаргуулан нэхэмжлэгч *******т  тус тус олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэ захирамжийг хариуцагч сайн дураараа эс биелүүлбэл шүүхийн шийдвэрийн нэгэн адил албадан гүйцэтгэх учрыг хариуцагчид  анхааруулсугай.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар энэ захирамжид зохигч давж заалдах, хяналтын журмаар гомдол гаргах, энэ асуудлаар анхан шатны шүүхэд дахин нэхэмжлэл гаргахгүй болохыг дурдсугай.

 

 

 

 

ШҮҮГЧ                       Г.САРАНТУЯА