Хариуцагч нэхэмжлэлийн шаардлагыг хүлээн

зөвшөөрснийг баталж, хэргийг хэрэгсэхгүй

 болгох тухай

 

 

 Сэлэнгэ аймгийн Сайхан сум дахь Сум дундын шүүхийн Ерөнхий шүүгч Г.Сарантуяа би ......... хот, ...... дүүрэг, ..... дугаар хороо, ...... талбай, ..... тауэр, ...... давхар “........” ХХК-ний (РД:..........) нэхэмжлэлтэй ........ аймаг, ...... сум, ... дүгээр баг, ....... тоотод оршин суух иргэн ......... (РД:..........) холбогдох зээл 1,587,137.41 төгрөг гаргуулах тухай нэхэмжлэлийг 2026 оны 01 дүгээр сарын 31-ний өдөр хүлээн авч, 2026 оны 02 дугаар сарын 04-ны өдөр иргэний хэрэг үүсгэж хянаад

ТОДОРХОЙЛОХ нь:

 

  “......... ББСБ” ХХК-ний итгэмжлэгдсэн төлөөлөгч ........... шүүхэд гаргасан нэхэмжлэлдээ:

  “...ЗГ2024030510338 тоот зээлийн гэрээний үүрэгт үндсэн зээлд 1,375,811.39 төгрөг, үндсэн хүү 188,960.14 төгрөг, нэмэгдүүлсэн хүү 10,365.88 төгрөг, Нотариатын төлбөрт 12000 төгрөг, Нийт 1,587,137.41 төгрөгийг хариуцагч *******оос  гаргуулах...” гэжээ.

 

Хариуцагч Э.Хас-Од шүүхэд гаргасан тайлбартаа:

Миний бие ******* нь ******* ББСБ ХХК-ний нэхэмжлэлтэй танилцлаа. Нэхэмжлэлийн шаардлага болох 1,578137.41 төгрөг төлөхийг хүлээн зөвшөөрч байна. Уг мөнгийг 2026 оны 02 дугаар сарын 28-ний өдөр  394,535 төгрөг, 2026 оны 03 дугаар сарын 30-ний өдөр 394,535 төгрөг, 2026 оны 04 дүгээр сарын 30-ний  өдөр 394,535 төгрөг, 2026 оны 05 дугаар сарын 30-ний өдөр 394,535 төгрөг өдөр бүрэн төлж барагдуулна. Иймд хэргийг хялбаршуулсан журмаар шийдвэрлэж өгнө үү гэв.

 

 ҮНДЭСЛЭХ нь:

 

“......... ББСБ” ХХК-нь Э.Хас-Одоос зээл 1,587,137.41 төгрөг гаргуулахаар шүүхэд нэхэмжлэл гаргажээ.

Хэрэг хянан шийдвэрлэх ажиллагааны явцад хариуцагч Э.Хас-Од нь “......... ББСБ” ХХК-ний нэхэмжилж буй 1,587,137.41  төгрөг төлөхийг хүлээн зөвшөөрч байна. Уг мөнгийг 2026 оны 02 дугаар сарын 28-ний өдөр  394,535 төгрөг, 2026 оны 03 дугаар сарын 30-ний өдөр 394,535 төгрөг, 2026 оны 04 дүгээр сарын 30-ний  өдөр 394,535 төгрөг, 2026 оны 05 дугаар сарын 30-ний өдөр 394,535 төгрөгийг тус тус төлж барагдуулна гэж байгаа нь Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 75⁸ дугаар зүйлийн 75⁸.1-д тус тус зааснаар хэргийг хялбаршуулсан журмаар хянан шийдвэрлэх үндэслэл болно.

Хариуцагч нэхэмжлэлийн шаардлагыг бүхэлд нь хүлээн зөвшөөрсөн ба энэ талаарх тайлбараа бичгээр гаргаж гарын үсгээ зурж баталгаажуулсан байна. /х.х-ийн 25-рт/

Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1-д зааснаар “......... ББСБ” ХХК-ний улсын тэмдэгтийн хураамжид төлсөн 84,559.55 төгрөгийг орон нутгийн орлогод хэвээр үлдээж, хялбаршуулсан журмаар хэрэг хянан шийдвэрлэж байгаа тул Э.Хас-Одын төлөх улсын тэмдэгтийн хураамж 84,559.55 төгрөгийг тал хувиар бууруулан тогтоож төлүүлэх үндэстэй.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75⁸ дугаар зүйлийн 75⁸.1, 123 дугаар зүйлийн 123.1-д заасныг удирдлага болгон

 

    ЗАХИРАМЖЛАХ нь:

 

1.“........ ББСБ” ХХК-ний нэхэмжлэлтэй Э.Хас-Одод холбогдох зээл 1,587,137.41 төгрөг гаргуулах тухай иргэний хэргийг хариуцагч нэхэмжлэлийн шаардлагыг хүлээн зөвшөөрснийг баталж, хэрэгсэхгүй болгосугай.

2.Улсын Тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 74 дүгээр зүйлийн 74.5-д зааснаар “........ ББСБ” ХХК-ний улсын тэмдэгтийн хураамжид төлсөн 84,559.55 төгрөгийг орон нутгийн орлогод хэвээр үлдээж, хариуцагч Э.Хас-Одоос улсын тэмдэгтийн хураамжид 42280 төгрөг, орон нутгийн орлогоос 42280 төгрөг гаргуулан нэхэмжлэгч “.......... ББСБ” ХХК-д  тус тус олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэ захирамжийг хариуцагч сайн дураараа эс биелүүлбэл шүүхийн шийдвэрийн нэгэн адил албадан гүйцэтгэх учрыг хариуцагчид  анхааруулсугай.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар энэ захирамжид зохигч давж заалдах, хяналтын журмаар гомдол гаргах, энэ асуудлаар анхан шатны шүүхэд дахин нэхэмжлэл гаргахгүй болохыг дурдсугай.

 

 

 

 

ШҮҮГЧ                       Г.САРАНТУЯА