2026       03           26                                    315/ШШ2026/00240

 

 

 Зохигчдын эвлэрлийг баталж,

  хэргийг хэрэгсэхгүй болгох тухай

                         

          Сүхбаатар аймаг дахь Сум дундын анхан шатны шүүхийн шүүгч Н.Баярбаатар би,

 Нэхэмжлэгч: Улаанбаатар хот, Баянгол дүүрэг, 2 хороо, ........ плаза цогцолбор ........ тоот, РД: ........, утас: ........, ........ ХХК-ийн нэхэмжлэлтэй

Хариуцагч: Сүхбаатар аймгийн ........ сумын 5 дугаар баг, ........ тоот, РД: ........, утас: ........, Г........ын Б........т холбогдох

Зээлийн гэрээний үүрэгт 714,153 төгрөг гаргуулах тухай нэхэмжлэлийг 2026 оны 03 дугаар сарын 23-ны өдөр хүлээн авч хянаад

                                                            ТОДОРХОЙЛОХ нь:

Нэхэмжлэгч ........ХХК нь шүүхэд ирүүлсэн нэхэмжлэлдээ: “...... Иргэний хуулийн 453 дугаар зүйлийн 453.1, Банк, эрх бүхий хуулийн этгээдийн мөнгөн хадгаламж, мөнгөн хөрөнгийн шилжүүлэг, зээлийн үйл ажиллагааны тухай хуулийн 21 дүгээр зүйлийн 21.2 дахь заалтын дагуу, Зээлийн гэрээг цуцалж, 2026.03.04-ний өдөр хүртэлх хугацаа хэтэрсэн зээлийн үлдэгдэл 714,153 төгрөгийг Г.Б........ээс гаргуулж өгнө үү ... гэжээ.

Хариуцагч Г.Б........ шүүхэд ирүүлсэн хариу тайлбартаа: ........ХХК-ийн  нэхэмжилсэн 714,153 төгрөгийг төлөхийг хүлээн зөвшөөрч байна. Уг мөнгийг 2026 оны 05 дугаар сарын 25-ны өдрийн дотор бүрэн төлж барагдуулна гэжээ.   

          Нэхэмжлэгчийн итгэмжлэгдсэн төлөөлөгч Ц.С........ шүүхэд ирүүлсэн тайлбартаа: Хариуцагч Г.Б........ нь нэхэмжлэлийн шаардлага 714,153 төгрөгийг 2026 оны 05 дугаар сарын 25-ны өдрийн дотор бүрэн төлж барагдуулна гэсэн хүсэлтийг хүлээн зөвшөөрч байна. Хариуцагчийн зөвшөөрлийг баталж хэргийг хялбаршуулсан журмаар шийдвэрлэж өгнө үү гэжээ.

ҮНДЭСЛЭХ нь

 

          Нэхэмжлэгч ........ХХК нь хариуцагч Г.Б.......т холбогдуулан зээлийн гэрээний үүрэгт 714,153 төгрөг гаргуулах тухай нэхэмжлэлийг шүүхэд гаргасан.

           Хэрэг хянан шийдвэрлэх ажиллагааны явцад зохигчид харилцан тохиролцож, хариуцагч Г.Б........ нь нэхэмжлэлийн шаардлага 714,153 төгрөгийг төлөхийг хүлээн зөвшөөрч, уг мөнгийг 2026 оны 05 дугаар сарын 25-ны өдрийн дотор бүрэн төлж барагдуулахаар, нэхэмжлэгчийн итгэмжлэгдсэн төлөөлөгч Ц.С........тай тохиролцож эвлэрсэн зохигчдын эвлэрэл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлахгүй байх тул зохигчдын эвлэрлийг баталж, хэргийг хэрэгсэхгүй болгох үндэслэлтэй байна.

 

Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгч ........ ХХК-ийн  улсын тэмдэгтийн хураамжид урьдчилан төлсөн 21,690 төгрөгийн тал хувь 10,845 төгрөгийг улсын төсвийн орлогоос, тал хувь 10,845 төгрөгийг хариуцагч Г.Б........ээс  гаргуулж нэхэмжлэгч ........ХХК-д олгох нь зүйтэй.   

 

Иргэний хэрэг шүүхэд хянан шийдвэрлэх тухай хуулийн 75⁸ дугаар зүйлийн 75⁸.1, 123 дугаар зүйлийн 123.1-т заасныг удирдлага болгон

 

                                                            ЗАХИРАМЖЛАХ нь:

1. Нэхэмжлэгч ........ХХК-ийн  зээлийн гэрээний үүрэгт 1,432,180 төгрөг гаргуулах нэхэмжлэлийн шаардлагыг хариуцагч Г.Б........ хүлээн зөвшөөрч, уг мөнгийг 2026 оны 05 дугаар сарын 25-ны өдрийн дотор бүрэн төлж барагдуулахаар тохиролцож эвлэрсэн зохигчдын эвлэрлийг баталж, хэргийг хэрэгсэхгүй болгосугай.

 

2. Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгч ........ХХК-ийн  улсын тэмдэгтийн хураамжид урьдчилан төлсөн 21,690 төгрөгийн тал хувь 10,845 төгрөгийг улсын төсвийн орлогоос, тал хувь 10,845 төгрөгийг хариуцагч Г.Б........ээс  гаргуулж нэхэмжлэгч ........ХХК-д олгосугай.  

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигчид энэ захирамжид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

ШҮҮГЧ                           Н.БАЯРБААТАР