Хариуцагчийн зөвшөөрлийг баталж,

хэргийг хэрэгсэхгүй болгох тухай

 

 

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч Х.Оюунжаргал би,

 

Нэхэмжлэгч: Хан-Уул дүүрэг,  1 дүгээр хороо, 19 дүгээр хороолол, Чингисийн өргөн чөлөө,39 байр, Мөнх- таур,301 тоотод байрлах “*******” ХХК /регистрийн дугаар: *******/-ийн нэхэмжлэлтэй

 

            Хариуцагч: Баянгол дүүрэг,*******, *******,*******,******* тоотод  оршин суух ******* /регистрийн дугаар: ******* /-д холбогдох

 

“Цахим зээлийн гэрээний үүрэгт 678,564,72 төгрөг гаргуулах” тухай нэхэмжлэлтэй иргэний хэргийг хүлээн авч хянаад

 

ТОДОРХОЙЛОХ нь:

 

Нэхэмжлэгч “*******” ХХК нь шүүхэд гаргасан нэхэмжлэлдээ: ..  гэрээний үүрэгт 678,564,72  төгрөгийг гаргуулж өгнө үү гэжээ.

 

Хариуцагч  Б.  шүүхэд ирүүлсэн хариу тайлбартаа: *******-аас зээл авсан нь үнэн. 678,564,72 төгрөгийг 2026 оны 03 сарын 10-наас эхлэн 2 сарын хугацаанд  төлж барагдуулна гэжээ.

 

ҮНДЭСЛЭХ нь:

 

Нэхэмжлэгч “*******” ХХК нь хариуцагч Б.д  холбогдуулан “Цахим зээлийн гэрээний үүрэгт 678,564,72 төгрөг гаргуулах” тухай нэхэмжлэлийн шаардлага шүүхэд гаргажээ.

 

Хэрэг хянан шийдвэрлэх ажиллагааны явцад хариуцагч Б.  нэхэмжлэлийн шаардлага болох 678,564,72 төгрөгийг  2026 оны 03 сарын 10-наас эхлэн 2 сарын хугацаанд төлж барагдуулахыг хүлээн зөвшөөрсөн нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй хуульд харшлаагүй байна.

Иймд хариуцагч  нэхэмжлэлийн шаардлагыг бүхэлд нь хүлээн зөвшөөрсөн тул Хариуцагчийн зөвшөөрлийг баталж хэргийг хэрэгсэхгүй болгож шийдвэрлэх нь зүйтэй гэж шүүх үзлээ.

 

            Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дүгээр зүйлийн 7.1.1 дэх хэсэгт зааснаар нэхэмжлэгч нь шүүхэд нэхэмжлэл гаргахдаа улсын тэмдэгтийн хураамжид урьдчилан 20,835,56 төгрөг төлснийг улсын төсөвт хэвээр үлдээж, хариуцагчаас улсын тэмдэгтийн хураамжид 10,417,78 төгрөгийг, улсын төсвөөс 10,417,78 төгрөгийг буцаан гаргуулан  нэхэмжлэгчид тус тус олгов.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн  74.2, 75, 75⁸ дугаар зүйлүүдийг удирдлага болгон

 

ЗАХИРАМЖЛАХ нь:

 

            1.Нэхэмжлэгч “*******” ХХК-ийн нэхэмжлэлтэй хариуцагч Б.д холбогдох “Цахим зээлийн гэрээний үүрэгт 678,564,72  төгрөг гаргуулах” тухай иргэний хэргийг Хариуцагчийн зөвшөөрлийг баталж хэргийг хэрэгсэхгүй болгосугай.

 

           2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгч нь шүүхэд нэхэмжлэл гаргахдаа улсын тэмдэгтийн хураамжид урьдчилан 20,835,56 төгрөг төлснийг улсын төсөвт хэвээр үлдээж, хариуцагч Б.ээс улсын тэмдэгтийн хураамжид 10,417,78   төгрөгийг, улсын төсвөөс  10,417,78  төгрөгийг буцаан гаргуулан  нэхэмжлэгч “*******” ХХК-д тус тус  олгосугай.

 

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар хэргийг хялбаршуулсан журмаар шийдвэрлэж байгаа тул зохигчид давж заалдах, хяналтын журмаар хянан шийдвэрлүүлэхээр гомдол гаргах тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

4.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар хариуцагч  Б.   энэхүү шүүгчийн захирамжийг сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

 

 

 

ШҮҮГЧ                                      Х.ОЮУНЖАРГАЛ