2026             03         17                                   193/ШШ2026/00459

 

Хариуцагч нэхэмжлэлийн шаардлагыг

хүлээн зөвшөөрснийг баталж, хэргийг

хэрэгсэхгүй болгох тухай

 

 

Багахангай, ******* дүүргийн Иргэний хэргийн анхан шатны тойргийн шүүхийн шүүгч З.Ганчимэг би,

Нэхэмжлэгч: *******, *******, *******, өөрийн байрт байрлах, *******,******* /РД:*******/-ийн нэхэмжлэлтэй

Хариуцагч: *******, *******, *******од оршин суух, ын /РД:/-д холбогдох,

Эрүүл мэндийн даатгалын санд учирсан хохирол 1,705,065 төгрөг гаргуулах тухай нэхэмжлэлийг 2026 оны 3 дугаар сарын 04-ний өдөр хүлээн авч хянаад

ТОДОРХОЙЛОХ нь:

*******,******* нь шүүхэд гаргасан нэхэмжлэлдээ: Эрүүл мэндийн даатгалын санд учирсан хохирол 1,705,065 төгрөгийг хариуцагч нараас гаргуулж өгнө үү гэжээ.

 

Хариуцагч Х. шүүхэд гаргасан хариу тайлбартаа: Эрүүл мэндийн даатгалын ерөнхий газрыг төлөөлж, Нийслэлийн *******, Багахангай дүүргийн прокурорын газрын нэхэмжилсэн эрүүл мэндийн даатгалын санд учруулсан хохирол 1,705,065 төгрөг гаргуулах тухай нэхэмжлэлийн шаардлагыг төлж барагдуулахаар хүлээн зөвшөөрч байна. Хялбаршуулсан журмаар шийдвэрлэж өгнө үү гэжээ.

 

ҮНДЭСЛЭХ нь:

 

Нэхэмжлэгч Эрүүл мэндийн даатгалын ерөнхий газрыг төлөөлж, Нийслэлийн *******, Багахангай дүүргийн прокурорын газар, хариуцагч   Х.аас эрүүл мэндийн даатгалын санд учруулсан хохирол 1,705,065 төгрөг гаргуулахаар нэхэмжилсэн байна.

 

Хэрэг хянан шийдвэрлэх ажиллагааны явцад хариуцагч  Х. эрүүл мэндийн даатгалын санд учруулсан хохирол 1,705,065 төгрөгийг төлөхийг зөвшөөрч тайлбар өгсөн байна.

 

Хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагч нэхэмжлэлийн шаардлагыг хүлээн зөвшөөрсөн зөвшөөрлийг баталж, хэргийг хэрэгсэхгүй болгох нь зүйтэй гэж үзлээ.

 

Хариуцагч нь шүүгчийн захирамжийг сайн дураар биелүүлээгүй бол шүүхийн шийдвэрийн нэгэн адил албадан гүйцэтгүүлэхийг тайлбарлах нь зүйтэй

 

Зохигч, түүний төлөөлөгч нь уг асуудлаар анхан шатны шүүхэд дахин нэхэмжлэл гаргах, захирамжид давж заалдах хяналтын журмаар гомдол гаргах эрхгүй болохыг тайлбарлан өгөв.

 

Иргэний хэрэг шүүхэд хянан шийдвэрлэх тухай хуулийн 75⁸ дугаар зүйлийн 75⁸.1, 75 дугаар зүйлийн 75.1, 74 дүгээр зүйлийн 74.1, 74.2, 123 дугаар зүйлийн 123.1 дэх хэсэгт заасныг удирдлага болгон

 

ЗАХИРАМЖЛАХ нь:

 

1.Эрүүл мэндийн даатгалын ерөнхий газрыг төлөөлж, Нийслэлийн *******, Багахангай дүүргийн прокурорын газрын нэхэмжлэлтэй, хариуцагч Х.т холбогдох эрүүл мэндийн даатгалын санд учруулсан хохирол 1,705,065 төгрөг гаргуулах тухай иргэний хэрэгт хариуцагч нэхэмжлэлийн шаардлагыг хүлээн зөвшөөрсөн зөвшөөрлийг баталж, хэргийг хэрэгсэхгүй болгосугай.

 

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 41 дүгээр зүйлийн 41.1.3 дахь хэсэгт зааснаар нэхэмжлэгч нь улсын тэмдэгтийн хураамжаас чөлөөлөгдсөн болохыг дурдаж, хариуцагч Х.аас улсын тэмдэгтийн хураамж 21,115.5 төгрөгийг гаргуулан Төрийн сангийн 100200400941 тоот дансанд оруулсугай.

 

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар энэ захирамжид зохигч тус шүүхэд болон давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

4.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч  Х. сайн дураараа биелүүлээгүй бол шүүхийн шийдвэрийн адил албадан гүйцэтгэхийг дурдсугай.

 

 

 

 

                    ШҮҮГЧ                             З.ГАНЧИМЭГ