Хариуцагчийн зөвшөөрлийг баталж,

     хэргийг хэрэгсэхгүй болгох тухай

 

 

Булган аймаг дахь сум дундын анхан шатны шүүхийн Ерөнхий шүүгч О.Одончимэг би,

Нэхэмжлэгч: У******* хот, Б******* дүүрэг, *дугаар хороо, Г******* п******* ц******* ** тоотод байрлах, “Н******* к******* ББСБ” ХХК-ийн нэхэмжлэлтэй,

Хариуцагч: Булган аймаг, Р******* сум, * дүгээр баг, Х******* гэх газарт оршин суух Б.Дд холбогдох,

 Нэхэмжлэлийн шаардлага: 405,102 /дөрвөн зуун таван мянга нэг зуун хоёр/ төгрөг гаргуулах тухай нэхэмжлэлийг 2026 оны 01 дүгээр сарын 26-ны өдөр хүлээн авч хянаад

ТОДОРХОЙЛОХ нь:

         Нэхэмжлэгч “Н******* к******* ББСБ” ХХК нь шүүхэд гаргасан нэхэмжлэлдээ: “...Б.Д нь 2022 оны 02 дугаар сарын 29-ний өдөр цахимаар 242003851 дугаартай зээлийн гэрээ байгуулсан. Б.Д нь 2024 оны 05 дугаар сарын 31-ний өдөр цахимаар 210,000 төгрөгийн дүнтэй, 1 сарын хугацаанд, 4.5 хувийн хүүтэй зээлийг Хаан банкин дахь *** дугаартай харилцах данс руугаа авсан. Ийнхүү Н******* к******* гэрээний үүргээ биелүүлсэн боловч Б.Д зээлийн гэрээгээр хүлээсэн үүргээ зөрчиж, нэхэмжлэл гаргах өдрийн байдлаар хугацаа хэтрүүлээд байна.

Иймд Иргэний хуулийн 453 дугаар зүйлийн 453.1, Банк, эрх бүхий хуулийн этгээдийн мөнгөн хадгаламж, мөнгөн хөрөнгийн шилжүүлэг, зээлийн үйл ажиллагааны тухай хуулийн 21 дүгээр зүйлийн 21.2 дахь заалтын дагуу, 242003851 дугаартай зээлийн гэрээг цуцалж, 2026 оны 01 дүгээр сарын 16-ны өдөр хүртэлх хугацаа хэтэрсэн зээлийн үлдэгдэл 405,102 төгрөгийг Б.Дас гаргуулж өгнө үү” гэжээ.

Хариуцагч Б.Д нь шүүхэд гаргасан хариу тайлбартаа: “Нэхэмжлэлийн шаардлагыг хүлээн зөвшөөрч байна. Хялбаршуулсан журмаар шийдвэрлэж өгнө үү” гэжээ.

ҮНДЭСЛЭХ нь:

Нэхэмжлэгч “Н******* к******* ББСБ” ХХК нь хариуцагч Б.Дд холбогдуулан 405,102 төгрөг гаргуулах тухай нэхэмжлэл гаргасныг хариуцагч Б.Д нь төлөхийг хүлээн зөвшөөрсөн тайлбараа шүүхэд гаргасан байна.

Хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох үндэслэлтэй байна.

         Иргэний хэрэг шүүхэд хянан шийдвэрлэх тухай хуулийн 75⁸ дугаар зүйлийн 75⁸.1, 123 дугаар зүйлийн 123.1 дэх хэсэгт заасныг удирдлага болгон

ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 74.3-д зааснаар нэхэмжлэгч “Н******* к******* ББСБ” ХХК-ийн нэхэмжлэлтэй Б.Дд холбогдох 405,102 /дөрвөн зуун таван мянга нэг зуун хоёр/ төгрөг гаргуулах тухай нэхэмжлэлийн шаардлагыг хариуцагч Б.Д нь төлөхийг хүлээн зөвшөөрснийг баталж, хэргийг хэрэгсэхгүй болгосугай.

         2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчийн улсын тэмдэгтийн хураамжид төлсөн 12,803 /арван хоёр мянга найман зуун гурав/ төгрөгөөс  6,401.5 /зургаан мянга дөрвөн зуун нэг төгрөг таван мөнгө/ төгрөгийг Төрийн санд үлдээж, Төрийн сангаас 6,401.5 /зургаан мянга дөрвөн зуун нэг төгрөг таван мөнгө/ төгрөгийг, хариуцагч Б.Дас 6,401.5 /зургаан мянга дөрвөн зуун нэг төгрөг таван мөнгө/ төгрөгийг тус тус гаргуулж, нэхэмжлэгчид олгосугай.

 3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар захирамжийг хариуцагч сайн дураараа биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

 4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

                     ЕРӨНХИЙ ШҮҮГЧ                            О.ОДОНЧИМЭГ