2025 10 20 315/ШШ2025/00392

 

 

Зохигчдын эвлэрлийг баталж,

хэргийг хэрэгсэхгүй болгох тухай

 

 

Сүхбаатар аймаг дахь Сум дундын анхан шатны шүүхийн шүүгч Н.Баярбаатар би,

Нэхэмжлэгч: Улаанбаатар хот, Сүхбаатар дүүрэг, 8-р хороо Сүхбаатарын талбай-02, Сэнтрал тауэр 8-р давхар, РД: *******, *******

Хариуцагч: Сүхбаатар аймгийн ******* сумын 2 дугаар баг, тээвэрчид гудамж 4-409 тоот, РД- *******1, ******* *******

Зээлийн гэрээний үүрэгт 3,042,861.71 төгрөг гаргуулах тухай нэхэмжлэлийг 2025 оны 10 дугаар сарын 03-ны өдөр хүлээн авч хянаад

  ТОДОРХОЙЛОХ нь:

Нэхэмжлэгч ******* шүүхэд гаргасан нэхэмжлэлдээ: Хариуцагч ******* ******* нь *******-тай дараах гэрээг байгуулсан боловч гэрээний үүрэг зөрчигдсөн байна. 2024.01.09-ний өдөр ЗГ2025012951231 тоот гэрээний дагуу IPone13_128GB маркийн гар утас/цаг, чихэвч/-ыг нийт 2,488,000.0 төгрөгийн зээлээр 30 сарын хугацаатай авсан. Хариуцагчид зээлийн гэрээний үүргийг зөрчигдсөн үеэс эхлэн тогтмол шаардаж, сануулсан боловч үр дүн гарахгүй байх тул дээрх гэрээг цуцалж, Шүүхэд дараах нэхэмжлэлийн шаардлагыг гаргаж байна. Токи кредит гэрээний үүрэгт үндсэн зээлд 2,488,000.0 төгрөг, үндсэн хүүнд 543,215.61төгрөг, нэмэгдүүлсэн хүүнд 11,646.10 төгрөг, нотариатын төлбөрт 0.0 төгрөг, Нийт 3,042,861.71 төгрөгийг хариуцагч ******* *******гаас гаргуулах гаргуулж өгнө үү гэжээ.

 

Хариуцагч Б.******* шүүхэд ирүүлсэн хариу тайлбартаа: Нэхэмжлэлийн шаардлага 3,042,861.71 төгрөгийг төлөхийг хүлээн зөвшөөрч байна. 2025 оны 10 сарын 28-ны өдөр 2,000,000 төгрөг, 2025 оны 11 сарын 25-ны өдрийн дотор 1,042,861 төгрөгийг тус тус төлж барагдуулахаар эвлэрлийн гэрээ байгуулах саналтай байна гэжээ.

Нэхэмжлэгчийн итгэмжлэгдсэн төлөөлөгч шүүхэд ирүүлсэн тайлбартаа: 2025 оны 10 сарын 28-ны өдөр 2,000,000 төгрөг, 2025 оны 11 сарын 25-ны дотор 1,042,861 төгрөгийг тус тус хоёр хувааж төлж бардагдуулна гэсэн байна. Хариу тайлбарыг хүлээн зөвшөөрч байна. Хялбаршуулсан журмаар хэргийг шийдвэрлэж өгнө үү гэжээ.

 

ҮНДЭСЛЭХ нь

 

Нэхэмжлэгч ******* нь хариуцагч Б.*******д холбогдуулан зээлийн гэрээний үүрэгт 3,042,861.71 төгрөг гаргуулах нэхэмжлэлийг шүүхэд гаргасан.

 

Хэрэг хянан шийдвэрлэх ажиллагааны явцад зохигчид харилцан тохиролцож, хариуцагч Б.******* нь нэхэмжлэлийн шаардлага зээлийн гэрээний үүрэг 3,042,861.71 төгрөгийг 2025 оны 10 сарын 28-ны өдөр 2,000,000 төгрөг, 2025 оны 11 сарын 25-ны өдрийн дотор 1,042,861 төгрөгийг тус тус төлж барагдуулахаар нэхэмжлэгчийн итгэмжлэгдсэн төлөөлөгч тэй тохиролцож эвлэрсэн зохигчдын эвлэрэл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлахгүй байх тул зохигчдын эвлэрлийг баталж, хэргийг хэрэгсэхгүй болгох үндэслэлтэй байна.

Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгч ******* улсын тэмдэгтийн хураамжид урьдчилан төлсөн 20,126 төгрөгийн тал хувь 10,063 төгрөгийг улсын төсвийн орлогоос, тал хувь 10,063 төгрөгийг хариуцагч Б.*******гаас гаргуулж нэхэмжлэгч *******-д олгох нь зүйтэй.

Иргэний хэрэг шүүхэд хянан шийдвэрлэх тухай хуулийн 75⁸ дугаар зүйлийн 75⁸.1, 123 дугаар зүйлийн 123.1-т заасныг удирдлага болгон

 

ЗАХИРАМЖЛАХ нь:

 

1. Нэхэмжлэгч ******* зээлийн гэрээний үүрэгт 3,042,861.71 төгрөг гаргуулах нэхэмжлэлийн шаардлагыг хариуцагч Б.******* нь хүлээн зөвшөөрч 2025 оны 10 сарын 28-ны өдөр 2,000,000 төгрөг, 2025 оны 11 сарын 25-ны өдрийн дотор 1,042,861 төгрөгийг тус тус төлж барагдуулахаар тохиролцож эвлэрсэн зохигчдын эвлэрлийг баталж, хэргийг хэрэгсэхгүй болгосугай.

 

2. Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгч ******* улсын тэмдэгтийн хураамжид урьдчилан төлсөн 20,126 төгрөгийн тал хувь 10,063 төгрөгийг улсын төсвийн орлогоос, тал хувь 10,063 төгрөгийг хариуцагч Б.*******гаас гаргуулж нэхэмжлэгч *******-д олгосугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигчид энэ захирамжид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

ШҮҮГЧ Н.БАЯРБААТАР