Хариуцагч нэхэмжлэлийн шаардлагыг
 хүлээн зөвшөөрснийг баталж,                                                                              
   хэргийг хэрэгсэхгүй болгох тухай

 

          Хэнтий аймгийн Бор-Өндөр сум дахь сум дундын шүүхийн Ерөнхий шүүгч М.Энхмандах би, 
Нэхэмжлэгч “******* банк” ХК-ийн тооцооны  төвийн нэхэмжлэлтэй,
Хариуцагч  ******* овогтой *******, ******* овогтой *******-******* нарт холбогдох “зээлийн гэрээний үүргийн биелэлтийг шаардаж, 20,747,473,09 (хорин сая долоон зуун дөчин долоон мянга дөрвөн зуун далан гурван төгрөг есөн мөнгө) төгрөг гаргуулах” тухай нэхэмжлэлийг 2026 оны 03 дугаар сарын 17-ны өдөр хүлээн авч, иргэний хэрэг үүсгэж, хянаад     

    ТОДОРХОЙЛОХ нь:

1.Нэхэмжлэгч “******* банк” ХК-ийн  тооцооны төв шүүхэд гаргасан нэхэмжлэлдээ: “Зээлдэгч М.*******, хамтран зээлдэгч У.*******-******* нар нь ******* банкны тооцооны төвөөс 2023 оны 06 дугаар сарын 08-ны өдрийн дугаар №MN620034250401851307 тоот Барьцаат зээлийн гэрээ байгуулан 30,000,000 төгрөгийг сарын 1,8 хувийн хүүтэй, 24 сарын хугацаатай авсан. Зудын хүндрэлтэй нөхцөл байдлын улмаас үүдэн 2024 оны 05 дугаар сарын 16-ны өдрийн дугаар №MN620034250401851307 тоот гэрээ байгуулан гэрээний бүтцэд өөрчлөлт оруулан зээл болон зээлийн хүүний төлбөрийг 12 сараар хугацааг сунгасан.
Зээлдэгч нар нь зээлийн гэрээний 2.2, 3.2, 3.3 дахь заалтыг зөрчиж зээлийн гэрээний 1-р хавсралт болох зээл төлөх хуваарийн дагуу зээлээ төлөхгүй, гэрээний үүргээ биелүүлэхгүй, холбоо барьж хугацаа өгсөн ч харилцан тохиролцсон хугацаанд зээлээ төлөлгүй хүндрэл учруулсаар байна.
2026 оны 01 дүгээр сарын 03-ны өдрийн байдлаар зээлийн үндсэн төлбөр 18,000,000 төгрөг, зээлийн хүү 2,747,473.09 төгрөг нийт 20,747,473.09 төгрөг (хорин сая долоон зуун дөчин долоон мянга дөрвөн зуун далан гурван төгрөг есөн мөнгө) байна. Иймд зээлдэгч М.*******, хамтран зээлдэгч У.*******-******* нараас нийт зээл хүүний төлбөр 20,747,473.09 төгрөгийг гаргуулж ******* банкыг хохиролгүй болгож өгнө үү.” гэжээ.

2.Хариуцагч овогт *******ын *******, Хиад овогт *******ын *******-******* шүүхэд ирүүлсэн хариу тайлбартаа: “... ******* банк” ХК-ийн тооцооны төвөөс нэхэмжилсэн 20,747,473,09 төгрөгийг төлөхийг зөвшөөрч байна:  
2026 оны 03 дугаар сарын 29-ний өдөр 3,160,000 төгрөгийг, 
2026 оны 04 дүгээр сарын 20-ны өдөр 4,000,000 төгрөгийг, 
2026 оны 05 дугаар сарын 20-ны өдөр 4,000,000 төгрөгийг, 
2026 оны 06 дугаар сарын 20-ны өдөр 9,587,476,09 төгрөгийг төлж барагдуулна.” гэжээ.

3.Нэхэмжлэгч “******* банк” ХК-ийн Баянмөнх тооцооны төвийн захирал Д.Г шүүхэд ирүүлсэн тайлбартаа: ”...тооцооны төвөөс зээлдэгч М.*******, У.*******-******* нараас малчны зээлийн 20,747,473,09 (хорин сая долоон зуун дөчин долоон мянга дөрвөн зуун далан гурван төгрөг есөн мөнгө) төгрөгийг нэхэмжилсэн билээ. 
Зээлдэгч нарын гаргасан тайлбарыг зөвшөөрч байгаа тул хялбаршуулсан журмаар шийдвэрлэж өгнө үү. Хуваарийн дагуу төлбөр хийгдээгүй тохиолдолд шүүхийн шийдвэр гүйцэтгэлд хандах болно.” гэжээ. 

                                                           ҮНДЭСЛЭХ нь:

1.Нэхэмжлэгч “******* банк” ХК-ийн  тооцооны төв нь хариуцагч М.*******, У.*******-******* нарт холбогдуулан “зээлийн гэрээний үүргийн биелэлтийг шаардаж, 20,747,473,09 (хорин сая долоон зуун дөчин долоон мянга дөрвөн зуун далан гурван төгрөг есөн мөнгө) төгрөг гаргуулахаар нэхэмжлэлийн шаардлагыг багасгасан байна. 

2.Нэхэмжлэгч “******* банк” ХК-ийн тооцооны төв, хариуцагч М.*******, У.*******-******* нарын хооронд Иргэний хуулийн 451 дүгээр зүйлийн 451.1 дэх хэсэгт заасан банк, зээлийн үйл ажиллагаа эрхлэх эрх бүхий хуулийн этгээдээс зээл олгох гэрээний харилцаа үүссэн байна

3.Зохигчдын хооронд байгуулсан гэрээний дагуу нэхэмжлэгч байгууллага нь хариуцагч нараас “зээлийн гэрээний үүргийн биелэлтийг шаардаж, 20,747,473,09 (хорин сая долоон зуун дөчин долоон мянга дөрвөн зуун далан гурван төгрөг есөн мөнгө) төгрөг гаргуулах” тухай нэхэмжлэлийн шаардлага гаргах эрхтэй байна.   

4.Хэрэг хянан шийдвэрлэх ажиллагааны явцад хариуцагч М.*******, У.*******-******* нар нь нэхэмжлэлийн шаардлага болох 20,747,473,09 (хорин сая долоон зуун дөчин долоон мянга дөрвөн зуун далан гурван төгрөг есөн мөнгө) төгрөгийг төлөхийг зөвшөөрч, тайлбарыг шүүхэд бичгээр ирүүлсэн байна. 
 
    5.Хариуцагч М.*******, У.*******-******* нар нь нэхэмжлэлийн бүх шаардлага болох 20,747,473,09 төгрөгийг төлөхийг зөвшөөрч, тайлбарыг бичгээр ирүүлсэн байгаа нь хуульд нийцсэн, бусдын хуулиар хамгаалагдсан эрх, ашиг сонирхолд харшлахгүй, хууль зөрчөөгүй байх тул хариуцагч нэхэмжлэлийн шаардлагыг төлөхийг хүлээн зөвшөөрснийг баталж, хэргийг хэрэгсэхгүй болгох нь зүйтэй байна гэж шүүх үзлээ. 

6.Нэхэмжлэгч “******* банк” ХК-ийн тооцооны төвийн улсын тэмдэгтийн хураамжид төлсөн 261,688 төгрөгийн тал хувь болох 130,844 төгрөгийг төрийн сангийн дансанд хэвээр үлдээж улсын орлого болгож, төрийн сангийн данснаас улсын тэмдэгтийн хураамж 130,844  төгрөгийг, хариуцагч М.*******, У.*******-******* нараас улсын тэмдэгтийн хураамж 130,844 төгрөгийг тус тус гаргуулж нэхэмжлэгч “******* банк” ХК-ийн  тооцооны төвд олгох нь зүйтэй байна.

Иргэний хэрэг шүүхэд хянан шийдвэрлэх тухай хуулийн 74, 75, 123 дугаар зүйлийн 123.1-д заасныг удирдлага болгон ЗАХИРАМЖЛАХ нь: 

1.Нэхэмжлэгч “******* банк” ХК-ийн тооцооны төвийн нэхэмжилсэн “зээлийн гэрээний үүргийн биелэлтийг шаардаж, 20,747,473,09 (хорин сая долоон зуун дөчин долоон мянга дөрвөн зуун далан гурван төгрөг есөн мөнгө) төгрөгийг  хариуцагч М.*******, У.*******-******* нар нь төлөхийг зөвшөөрч, хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгосугай. 

2.Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгч “******* банк” ХК-ийн  тооцооны төвийн улсын тэмдэгтийн хураамжид төлсөн 261,688 төгрөгийн тал хувь болох 130,844 төгрөгийг төрийн сангийн дансанд хэвээр үлдээж улсын орлого болгож, төрийн сангийн данснаас улсын тэмдэгтийн хураамж 130,844  төгрөгийг, хариуцагч М.*******, У.*******-******* нараас улсын тэмдэгтийн хураамж 130,844 төгрөгийг тус тус гаргуулж нэхэмжлэгч “******* банк” ХК-ийн тооцооны төвд олгосугай. 

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү шүүгчийн захирамжийг хариуцагч М.*******, У.*******-******* нар нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4.Шүүхийн шийдвэр гүйцэтгэх тухай хуулийн 18 дугаар зүйлийн 18.1.1 дэх хэсэгт зааснаар уг шүүгчийн захирамж хуулийн хүчин төгөлдөр болсноос хойш 4 жилийн хугацаа өнгөрсөн тохиолдолд иргэний шийдвэр гүйцэтгэх ажиллагаа үүсгэхгүй болохыг дурдсугай.

5.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар энэхүү шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

                            ЕРӨНХИЙ ШҮҮГЧ                     М.ЭНХМАНДАХ