МОНГОЛ УЛСЫН НЭРИЙН ӨМНӨӨС

 

Баянгол дүүргийн Эрүүгийн хэргийн анхан шатны шүүхийн шүүгч Г.Есөн-Эрдэнэ даргалж,

Нарийн бичгийн дарга Ч.Уранбилэг,

Улсын яллагч С.Эрдэнэбаяр,

Хохирогч Г.А-,

Шүүгдэгч Г.Ш- нарыг оролцуулж тус шүүхийн шүүх хуралдааны танхимд нээлттэй хийсэн шүүх хуралдаанаар Баянгол дүүргийн прокурорын газраас Эрүүгийн хуулийн тусгай ангийн 11.4 дүгээр зүйлийн 1 дэх хэсэгт зааснаар яллах дүгнэлт үйлдэж ирүүлсэн Б овогт Г-ын Ш-т холбогдох эрүүгийн 000000000000 дугаартай хэргийг 2018 оны 6 дугаар сарын 13-ны өдөр хүлээн авч, ХЯНАВАЛ:

 

Шүүгдэгчийн биеийн байцаалт:

Монгол улсын иргэн, 1994 оны 8 дугаар сарын 19-ний өдөр Дундговь аймагт төрсөн, яс үндэс халх, эрэгтэй, 00 настай, ____ боловсролтой, мэргэжилгүй, эрхэлсэн тодорхой ажилгүй, ам бүл 0, эцэг, эх, 0 дүүгийн хамт амьдардаг, Сүхбаатар дүүргийн 00 дүгээр хороо, 0000 тоотод оршин суух бүртгэлтэй, одоо  Баянзүрх дүүргийн 0-р хороо 00000 тоотод оршин суух хаягтай, улсаас авсан гавъяа шагналгүй, урьд ял шийтгэлгүй, хэрэг хариуцах чадвартай Б овогт Г-ын Ш- /РД:0000000

 

Үйлдсэн хэргийн талаар яллах дүгнэлтэд дурдсанаар:

Шүүгдэгч Г.Ш- нь согтууруулах ундааны зүйл хэрэглэсэн үедээ 2018 оны 4 дүгээр сарын 27-ноос 28-нд шилжих шөнө Баянгол дүүргийн 00 дүгээр хорооны нутаг дэвсгэрт байрлах “С” баарны гадна Г.А-ийг ямар нэгэн шалтгаангүйгээр түүний нүүрэн тус газар өшиглөж зодон хүний эрүүл мэндэд хүндэвтэр хохирол санаатай учруулсан гэмт хэрэгт холбогджээ.

 

Шүүхийн хэлэлцүүлэгт хэлэлцэгдсэн яллах болон цагаатгах нотлох баримтуудыг шинжлэн судлаад ТОДОРХОЙЛОХ нь:

 

Шүүхийн хэлэлцүүлэгт шүүгдэгч Г.Ш- мэдүүлэхдээ: “2018 оны 4 дүгээр сарын 27-ноос 28-нд шилжих шөнө Баянгол дүүргийн 00 дүгээр хорооны нутаг дэвсгэрт байрлах “С” бааранд архи ууж байгаад гадаа тамхи татах гэж гараад Түц-ний урд талд танихгүй залуутай маргаан үүсгээд шууд цохьсон. Тухайн үед хохирогчтой маргах шалтгаан огт байгаагүй бөгөөд би архиныхаа халуунд ийм юм хийчихлээ. Хохирогчид 1,800,000 төгрөгийн хохирол төлсөн” гэв.

 

Хохирогч Г.А- шүүхийн хэлэлцүүлэгт мэдүүлэхдээ: “2018 оны 4 дүгээр сарын 27-ны орой 22 цагт өөрийн найз А, М- нар шөнө 02 цагийн үед 3, 4-р хорооллын “С” бааранд орж сууж байгаад би гараад М-ыг таксинд суулгаж өгөөд буцаад баарны үүдэнд иртэл шүүгдэгч Ш- намайг хавсарч унагаагаад зодсон. Миний эрүү хугарсан. Шүүгдэгчээс эмчилгээний төлбөрт 1.800.000 төгрөг авсан. Одоо надад гомдол санал байхгүй, нэхэмжлэх зүйлгүй” гэв.

 

Шүүхийн шинжилгээний үндэсний хүрээлэнгийн шинжээчийн 2018 оны 5 дугаар сарын 02-ны өдрийн 5541 дугаар дүгнэлт: “Г.А-ын биед эрүү ясны зүүн талын хугарал, зөөлөн эдийн няцрал, зүүн хөмсөг зүүн гарын алганы шарх, духны зулгаралт гэмтэл тогтоогдлоо. Дээрх гэмтэл нь мохоо зүйлийн нэг бус удаагийн үйлчлэлээр хэрэг болсон гэх цаг хугацаанд үүссэн байх боломжтой шинэ гэмтэл. Шүүх эмнэлгийн гэмтлийн зэрэг тогтоох журмын 2.3.1-д зааснаар эрүүл мэндийг түр хугацаагаар сарниулах тул гэмтлийн хүндэвтэр зэрэгт хамаарна. Цаашид ерөнхий хөдөлмөрийн чадварын тогтонги алдалтанд нөлөөлөхгүй” гэжээ. /хх 20/

Хохирлын баримтууд /хх 13-19/

Иргэний үнэмлэхийн лавлагаа /хх 32/

Урьд ял шийтгэгдсэн эсэхийг шалгах хуудас /хх 45/

Гомдол саналгүй гэх баримт /хх 48/ зэрэг болно.

 

Шүүхийн дүгнэлт:

Шүүгдэгч Г.Ш- нь согтууруулах ундааны зүйл хэрэглэсэн үедээ 2018 оны 4 дүгээр сарын 27-ноос 28-нд шилжих шөнө Баянгол дүүргийн 00 дүгээр хорооны нутаг дэвсгэрт байрлах “С” баарны гадна Г.А-ийг ямар нэгэн шалтгаангүйгээр түүний нүүрэн тус газар өшиглөж зодон хүний эрүүл мэндэд хүндэвтэр хохирол санаатай учруулсан гэмт хэрэг үйлдсэн болох нь шүүгдэгчийн мөрдөн байцаалт болон шүүхийн хэлэлцүүлэгт хэргээ хүлээн мэдүүлсэн мэдүүлэг, хохирогчийн мэдүүлэг, хохирлын баримтууд /хх 13-19/, иргэний үнэмлэхийн лавлагаа /хх 32/, урьд ял шийтгэгдсэн эсэхийг шалгах хуудас /хх 45/ Гомдол саналгүй гэх баримт /хх 48/, Шүүхийн шинжилгээний үндэсний хүрээлэнгийн шинжээчийн 2018 оны 5 дугаар сарын 02-ны өдрийн 5541 дугаар дүгнэлт /хх 20/ зэрэг хавтаст хэрэгт авагдсан бичгийн нотлох баримтаар нотлогдон тогтоогдож байна.

 

Шүүгдэгч Г.Ш- нь өөрийн үйлдсэн хэргээ хүлээн зөвшөөрч мэдүүлсэн, мөрдөн байцаалтанд хохирогч Г.А- шүүгдэгч Г.Ш- нар сайн дурын үндсэн дээр эвлэрсэн, хохирогч гомдол, санал, нэхэмжлэх зүйл байхгүй /хх 48/ байх зэргийг хөнгөрүүлэх нөхцөл байдалд тооцлоо.

 

Шүүгдэгч Г.Ш-т холбогдох хэргийн бүрдэл хангагдсан, зүйлчлэл тохирсон байх тул түүнийг хүний эрүүл мэндэд хүндэвтэр хохирол учруулсан гэмт хэрэг үйлдсэн гэм буруутайд тооцож эрүүгийн хариуцлага хүлээлгэх үндэслэлтэй байна.

Шүүгдэгч Г.Ш-ын гэмт хэрэг үйлдсэн нөхцөл байдлыг харгалзан торгох ял оногдуулах нь зүйтэй гэж шүүх үзэв.

 

Хэрэгт эд мөрийн баримтаар хураагдаж ирсэн зүйлгүй, иргэний бичиг баримт шүүхэд шилжиж ирээгүй, хөрөнгө битүүмжлэгдээгүй, бусдад төлөх төлбөргүй, цагдан хоригдсон хоноггүйг тус тус дурдлаа.