Хариуцагчийн зөвшөөрлийг баталж, хэргийг

хэрэгсэхгүй болгох тухай

 

Хөвсгөл аймаг дахь сум дундын анхан шатны шүүхийн шүүгч А.Дөлгөөн би

Нэхэмжлэгч:  М***** ББСБ ХХК,

Хариуцагч:  М****** ын Д******** ,

Нэхэмжлэлийн шаардлага: Үндсэн зээл 930,000 төгрөг, зээлийн хүү 531,611 төгрөг, нэмэгдүүлсэн хүү 97,186 төгрөг, нийт 1,558,797 (нэг сая таван зуун тавин найман мянга долоон зуун ерэн долоо) төгрөг гаргуулах тухай нэхэмжлэлийг 2026 оны 02 дугаар сарын 16-ны өдөр хүлээн авч, 320/2026/00459/и дугаар индекстэй, иргэний хэрэг үүсгэн хянаад

ТОДОРХОЙЛОХ нь:

1.  Нэхэмжлэгч М***** ББСБ ХХК шүүхэд гаргасан нэхэмжлэлдээ: Нэхэмжлэгч "М***** ББСБ" ХХК болон М.Д******** нарын хооронд 2021.08.06-ны өдөр 140000651867 тоот "Зээл, зээлийн эрх нээх гэрээ" байгуулагдсан. М.Д******** нь "М***** ББСБ" ХХК-ийн зээлийн үйлчилгээний нөхцлийг хүлээн зөвшөөрч өөрийн эзэмшлийн Мобиком үүрэн холбооны 99560093 дугаарын Монпэй аппликейшнийг ашиглаж, 2024.05.14-ны өдрөөс 2024.06.03-ны өдрийг хүртлэх хүртэлх хугацаанд 4 удаагийн хүсэлтээр нийт 930,000 төгрөгийг зээлж авсан ч зээл, хүүгийн төлбөрийг гэрээнд заасан хугацаанд төлөөгүй байна.

"М***** ББСБ" ХХК нь ээзэлдэгчид гэрээний үүргээ биелүүлэхийг шаардаж гэрээнд заасан зээлдэгчийн өөрийн дугаар болон шаардлагатай тохиолдолд холбоо барих дугаарууд руу мессеж илгээж, утсаар холбогдоход "холбогдох боломжгүй", "орох ярианы эрх хаалттай" гэж холбоо тогтоох боломжгүй нөхцөл байдал үүссэн. Иймд талуудын хооронд гэрээний үүргийг биелүүлэхтэй холбоотой үүссэн маргаан нь зөвшилцөлд хүрээгүй учир гэрээнд заасны дагуу шүүхэд нэхэмжлэл гаргаж байгаа болно 2025 оны 12 сарын 17-ны өдрийн байдлаар М.Д******** гийн зээлийн гэрээний үүргийг тооцвол:

Зээлийн огноо	Авсан зээл	Зээлийн үлдэгдэл	Ашигласан хоног	Зээлийн хүү	Нэмэгдүүлсэн хүү	Нийт дүн
5/14/2024	400,000	400,000	521	223,443	40,001	663,444
5/14/2024	370,000	370,000	521	213,561	40,117	623,678
6/1/2024	80,000	80,000	503	47,348	8,551	135,899
6/3/2024	80,000	80,000	501	47,259	8,517	135,776
	930,000	930,000		531,611	97,186	1,558,797

Иймд М.Д******** нь зээлийн гэрээний үүргийг хугацаанд гүйцэтгээгүй, төлбөрийн үлдэгдэлтэй байх тул М***** ББСБ ХХК нь гэрээний үүрэгт 1,558,797 төгрөгийг гаргуулахаар нэхэмжилж байна гэжээ.

 

2. Хариуцагч М.Д******** шүүхэд гаргасан тайлбартаа: Миний бие М****** овогтой Д******** РЮ01282063 М***** ББСБ-аас авсан 1,558,797 төгрөгийн зээлийг 2026 оны 04 дүгээр сарын 26-ны өдөр, 2026 оны 05 дугаар сарын 26-ны өдөр, 2026 оны 06 дугаар сарын 26-ны өдөр гэсэн хуваан төлөх хуваарийн дагуу сард 519,599 төгрөг төлөхөөр М***** ББСБ ярилцан тохиролцож төлөхөөр босон тул шийдвэрлэж өгнө үү гэжээ.

ҮНДЭСЛЭХ нь:

Нэхэмжлэгч М***** ББСБ ХХК нь хариуцагч М.Д******** д холбогдуулан үндсэн зээл 930,000 төгрөг, зээлийн хүү 531,611 төгрөг, нэмэгдүүлсэн хүү 97,186 төгрөг, нийт 1,558,797 (нэг сая таван зуун тавин найман мянга долоон зуун ерэн долоо) төгрөг гаргуулах тухай нэхэмжлэлийн шаардлагыг шүүхэд гаргажээ.

Хэрэг хянан шийдвэрлэх ажиллагааны явцад хариуцагч М.Д******** нэхэмжлэлийн шаардлагыг хүлээн зөвшөөрч ... Миний бие М****** овогтой Д******** РЮ01282063 М***** ББСБ-аас авсан 1,558,797 төгрөгийн зээлийг 2026 оны 04 дүгээр сарын 26-ны өдөр, 2026 оны 05 дугаар сарын 26-ны өдөр, 2026 оны 06 дугаар сарын 26-ны өдөр гэсэн хуваан төлөх хуваарийн дагуу сард 519,599 төгрөг төлөхөөр М***** ББСБ ярилцан тохиролцож төлөхөөр босон тул шийдвэрлэж өгнө үү ... гэх тайлбарыг шүүхэд ирүүлсэн бөгөөд энэ нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагч нэхэмжлэлийн шаардлагыг хүлээн зөвшөөрсөн зөвшөөрлийг баталж, хэргийг хэрэгсэхгүй болгох нь зүйтэй байна.

Нэхэмжлэгчийн улсын тэмдэгтийн хураамжид урьдчилан төлсөн 39,891 (гучин есөн мянга найман зуун ерэн нэг) төгрөгийн тал хувь болох 19,945.5 (арван есөн мянга есөн зуун дөчин тав) төгрөг (тав) мөнгийг улсын орлогоос буцаан гаргуулж, хариуцагч М.Д******** гөөс 19,945.5 (арван есөн мянга есөн зуун дөчин тав) төгрөг (тав) мөнгийг гаргуулж, тус тус нэхэмжлэгчид олгох нь зүйтэй.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйл, 75⁸ дугаар зүйлийн 75⁸.1, 123 дугаар зүйлийн 123.1-д заасныг удирдлага болгон 

ЗАХИРАМЖЛАХ нь:

1. Нэхэмжлэгч М***** ББСБ ХХК-ийн нэхэмжилсэн үндсэн зээл 930,000 төгрөг, зээлийн хүү 531,611 төгрөг, нэмэгдүүлсэн хүү 97,186 төгрөг, нийт 1,558,797 (нэг сая таван зуун тавин найман мянга долоон зуун ерэн долоо) төгрөг гаргуулах тухай нэхэмжлэлийн шаардлагыг хариуцагч М.Д******** төлж барагдуулахаар хүлээн зөвшөөрсөн зөвшөөрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчийн 2025 оны 12 дугаар сарын 26-ны өдөр улсын тэмдэгтийн хураамжид төлсөн 39,891 (гучин есөн мянга найман зуун ерэн нэг) төгрөгийн тал хувь болох 19,945.5 (арван есөн мянга есөн зуун дөчин тав) төгрөг (тав) мөнгийг улсын орлогоос буцаан гаргуулж, хариуцагч М.Д******** гөөс 19,945.5 (арван есөн мянга есөн зуун дөчин тав) төгрөг (тав) мөнгийг гаргуулж, тус тус нэхэмжлэгч М***** ББСБ ХХК-д олгосугай. 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар шүүгчийн захирамжийг хариуцагч сайн дураараа биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй.

 

 

ШҮҮГЧ  А.ДӨЛГӨӨН