2026          01           30                                                          317/ШШ2026/00283

 

 

 

Хариуцагч нэхэмжлэлийн шаардлагыг

хүлээн зөвшөөрснийг баталж, хэргийг

хэрэгсэхгүй болгох тухай

Төв аймаг дахь сум дундын анхан шатны шүүхийн шүүгч Г.Өсөхбаяр би,

Нэхэмжлэгч: Д Н ББСБ ХХК-ийн нэхэмжлэлтэй,

Хариуцагч: Б овогт Б.-ийн Схолбогдох,

Нэхэмжлэлийн шаардлага: Гэрээний үүрэгт 322,698 төгрөг гаргуулах тухай нэхэмжлэлийг 2026 оны 01 дүгээр сарын 08-ны өдөр хүлээн авч, 2026 оны 01 дүгээр сарын 13-ны өдөр иргэний хэрэг үүсгэснээр хянаад

 

ТОДОРХОЙЛОХ нь:

1. Нэхэмжлэгч “Д. Н ББСБнь шүүхэд гаргасан нэхэмжлэлдээ: “...Иймд зээлийн гэрээний үүрэгт 322,698 төгрөгийг гаргуулж өгнө үү.” гэжээ.

2.Хариуцагч Б.С нь шүүхэд гаргасан хариу тайлбартаа: “...“Дэвжих нэхий ББСБ ХХК-аас 322,698 төгрөг авсан нь  үнэн. 2026 оны 02 дугаар сарын 02-ны өдөр 322,698 төгрөгийг төлнө.” гэжээ.

ҮНДЭСЛЭХ нь:

1.Нэхэмжлэгч нь Дэвжих нэхий ББСБ ХХК нь хариуцагч Б.Ст холбогдуулан гэрээний үүрэгт 322,698 төгрөг гаргуулах тухай нэхэмжлэлийг шүүхэд гаргажээ.

2. Иргэний хэрэг шүүхэд хянан шийдвэрлэх тухай хуулийн 26 дугаар зүйлийн 26.2-т зааснаар нэхэмжлэгч нь ...нэхэмжлэлийн шаардлагын хэмжээг ихэсгэх, багасгах, нэхэмжлэлээс татгалзах, эвлэрэх эрхтэй, 26 дугаар зүйлийн 26.3-т хариуцагч нь нэхэмжлэлийн шаардлагыг бүхэлд нь болон хэсэгчлэн хүлээн зөвшөөрөх, нэхэмжлэгч нь нэхэмжлэлийн шаардлагыг багасгах, өөрчлөх, зохигч талууд эвлэрэн хэлэлцэх эрхтэй гэж заажээ.

3. Хариуцагч Б.С нь нэхэмжлэлийн шаардлага 322,698 төгрөгийг 2026 оны 02 дугаар сарын 02-ны өдөр Дэвжих нэхий ББСБ ХХК-д төлж барагдуулахыг хүлээн зөвшөөрсөн нь түүний шүүхэд өгсөн тайлбараар тогтоогдож байх тул хэргийг хялбаршуулсан журмаар хянан шийдвэрлэх нь зүйтэй гэж үзлээ.

4.Иймд нэхэмжлэлийн шаардлагыг хариуцагч Б.С нь хүлээн зөвшөөрсөн нь гуравдагч этгээдийн эрх ашгийг хөндөөгүй, хууль зөрчөөгүй байна гэж үзэж, хариуцагчийн зөвшөөрлийг баталж, хэргийг хэрэгсэхгүй болгож шийдвэрлэв.

5.Хэргийг хялбаршуулсан журмаар хянан шийдвэрлэж, улсын тэмдэгтийн хураамжийн хэмжээг тал хувиар бууруулан тогтоож, хуульд заасан журмаар гаргуулах нь зүйтэй.

6.Энэ захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг, зохигч давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг тус тус дурдах нь зүйтэй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 75⁸ дугаар зүйлийн 75⁸.1, 123 дугаар зүйлийн 123.1-т заасныг удирдлага болгон

ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.3, 74.6, 75⁸ дугаар зүйлийн 75⁸.1-т зааснаар хариуцагч Б.С нь нэхэмжлэлийн шаардлага 322,698 2026 оны 02 дугаар сарын 02-ны өдөр Дэвжих нэхий ББСБ ХХК-д төлж барагдуулахаар нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-т зааснаар нэхэмжлэгч Дэвжих нэхий ББСБ ХХК нь улсын тэмдэгтийн хураамжид төлсөн 10,331 төгрөгийн тал хувь 10,331 төгрөгийг улсын орлогод хэвээр үлдээж, 10,331 төгрөгийг Төрийн сангийн 100140000941 тоот данснаас, үлдэх 10,331 төгрөгийг хариуцагч Б.Сээс тус тус гаргуулж нэхэмжлэгч Дэвжих нэхий ББСБ ХХК-д олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-т зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгүүлэх эрхтэйг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч талууд давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

ШҮҮГЧ                                Г.ӨСӨХБАЯР