2026            04            15                                                                       2026/ДШМ/436

 

Э.Б-өд холбогдох

эрүүгийн хэргийн тухай

            Нийслэлийн Эрүүгийн хэргийн давж заалдах шатны шүүхийн шүүгч М.Алдар даргалж, шүүгч Д.Мөнхөө, шүүгч Г.Есөн-Эрдэнэ нарын бүрэлдэхүүнтэй тус шүүхийн шүүх хуралдааны танхимд хаалттай хийсэн шүүх хуралдаанд:

прокурор Э.Мөнх-Оргил,

насанд хүрээгүй хохирогчийн хууль ёсны төлөөлөгч Ж.Х-, түүний өмгөөлөгч М.Чинзориг,

шүүгдэгч Э.Б-, түүний өмгөөлөгч Б.Одонтуяа, Л.Чинбат,

нарийн бичгийн дарга Э.Даваадулам нарыг оролцуулан,

            Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхийн 2026 оны 01 дүгээр сарын 08-ны өдрийн 2026/ШЦТ/116 дугаар шийтгэх тогтоолыг эс зөвшөөрч, шүүгдэгч Э.Б-ийн өмгөөлөгч Л.Чинбатын гаргасан давж заалдах гомдолд үндэслэн Э.Б-өд холбогдох 2408018111563 дугаартай эрүүгийн хэргийг 2026 оны 03 дугаар сарын 11-ний өдөр хүлээн авч, шүүгч Г.Есөн-Эрдэнийн илтгэснээр хянан хэлэлцэв.      

            Б- овгийн Э-ын Б-, 1995  оны 07 дугаар сарын 01-ний өдөр Улаанбаатар хотод төрсөн, 31 настай, эрэгтэй,  тусгай дунд боловсролтой, аялал жуулчлал, үйлчилгээний ажилтан мэргэжилтэй, “А-” шүүгчдийн холбоонд шүүгч ажилтай, ам бүл 5, эх, хамтран амьдрагч, ахын хүүхдүүдийн хамт ...... тоотод оршин суух, /РД: УА-/,

Сонгинохайрхан дүүргийн Эрүүгийн хэргийн анхан шатны шүүхийн 2018 оны  12 дугаар сарын 12-ны өдрийн 1080 дугаар шийтгэх тогтоолоор Эрүүгийн хуулийн тусгай ангийн 27.10 дугаар зүйлийн 1 дэх хэсэгт зааснаар 300 цаг нийтэд тустай ажил хийлгэх ялаар шийтгүүлсэн.

             Шүүгдэгч Э.Б- нь 2024 оны 05 дугаар сарын 08-наас 09-нд шилжих шөнө ...............

Эрүүгийн хэрэг хянан шийдвэрлэх тухай хуулийн 39.9 дүгээр зүйлийн 1 дэх хэсгийн 1.1 дэх заалтыг удирдлага болгон ТОГТООХ нь:

1. Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхийн 2026 оны 01 дүгээр сарын 08-ны өдрийн 2026/ШЦТ/116 дугаар шийтгэх тогтоолыг хэвээр үлдээж, шүүгдэгч Э.Б-ийн өмгөөлөгч Л.Чинбатын гаргасан давж заалдах гомдлыг хэрэгсэхгүй болгосугай.

2. Эрүүгийн хэрэг хянан шийдвэрлэх тухай хуулийн 39.10 дугаар зүйлийн 3 дахь хэсэгт зааснаар шүүгдэгч Э.Б- нь 2026 оны 01 дүгээр сарын 08-ны өдрөөс хойш 97 /ерэн долоо/ хоног цагдан хоригдсоныг түүний ял эдэлсэн хугацаанд оруулан тооцсугай.

3. Шүүхийн хууль хэрэглээний зөрүүг арилгах, Эрүүгийн хэрэг хянан шийдвэрлэх тухай хуулийг ноцтой зөрчсөн нь шүүхийн шийдвэрт нөлөөлсөн, хуулийг Улсын дээд шүүхийн тогтоол, тайлбараас өөрөөр хэрэглэсэн, эрх зүйн шинэ ойлголт, эсхүл хууль хэрэглээг тогтооход зарчмын хувьд нийтлэг ач холбогдолтой гэж үзвэл энэхүү магадлалыг гардуулсан, эсхүл хүргүүлснээс хойш 14 хоногийн дотор хэргийн оролцогч хяналтын журмаар гомдол гаргах, прокурор эсэргүүцэл бичих эрхтэй болохыг дурдсугай.

 

 

ДАРГАЛАГЧ,

ШҮҮГЧ                                                        М.АЛДАР

 

ШҮҮГЧ                                                                                 Д.МӨНХӨӨ

 

            ШҮҮГЧ                                                                       Г.ЕСӨН-ЭРДЭНЭ