2026        06          05                                    137/ШШ2026/00483  

 

                                 Хариуцагч нэхэмжлэлийн шаардлагыг

                                 хүлээн зөвшөөрснийг баталж, хэргийг

                                            хэрэгсэхгүй болгох тухай

 

Дорноговь аймгийн Замын-Үүд сум дахь сум дундын шүүхийн шүүгч Э.Б би, нэхэмжлэгч Т… ББСБ ХХК-ийн нэхэмжлэлтэй хариуцагч Ж.С холбогдох зээлийн гэрээний үүрэгт 860,990.72 төгрөг гаргуулах тухай нэхэмжлэлийг 2026 оны 04 сарын 17-ны өдөр хүлээн авч 2026 оны 04 сарын 22-ны өдөр иргэний хэрэг үүсгэн хянаад

                                                     ТОДОРХОЙЛОХ нь:

Нэхэмжлэгч У… хот, С… дүүрэг, …-р хороо, Сүхбаатарын талбай-…, Сентрал тауэр, … давхарт байрлах, Т… ББСБ ХХК /ХХД: …, РД:…, утас:…/ шүүхэд гаргасан нэхэмжлэлдээ: “...Хариуцагч Ж-н С…нь Т… ББСБ ХХК-тай дараах гэрээг байгуулсан боловч гэрээний үүрэг зөрчигдсөн байна. 1. 2024.12.11-ний өдөр 1276719 тоот Токи кредит үйлчилгээний гэрээг байгуулж 500,000 төгрөгийн зээлийн эрх үүссэн бөгөөд Токи аппликейшнээр дамжуулан авах үйлчилгээ худалдан бүтээгдэхүүн, үйлчилгээ нэхэмжлэгдсэн зээлийн эргэн төлөлтийг сар бүрийн 15-ны дотор төлөхөөр тохиролцсон. Хариуцагчид зээлийн гэрээний үүргийг зөрчигдсөн үеэс эхлэн тогтмол шаардаж, сануулсан боловч үр дүн гарахгүй байх тул дээрх гэрээг цуцалж, Шүүхэд дараах нэхэмжлэлийн шаардлагыг гаргаж байна. Үүнд 1276719 тоот Токи кредит гэрээний үүрэгт үндсэн зээлд 498,300 төгрөг, үндсэн хүүнд 306,808.87 төгрөг, нэмэгдүүлсэн хүүнд 45,581.85 төгрөг, шимтгэлд 1,300 төгрөг, нотариатын төлбөрт 9,000 төгрөг, нийт 860,990.72 төгрөгийг хариуцагч Ж-н С-ээс гаргуулж өгнө үү гэжээ.

 

Хариуцагч Д… аймгийн З… сумын …-р баг .. тоотод оршин суух, Д… овогт Ж С... /РД: …, утас: …/ нь шүүхэд ирүүлсэн тайлбартаа: Хариуцагч Ж.С миний бие Т… ББСБ ХХК-аас гаргасан нэхэмжлэлийн шаардлагатай танилцлаа. Зээл авсан нь үнэн. Одоо нэхэмжилсэн зээлийн үлдэгдэл 860,990.72 төгрөгийг төлөхөө бүхэлд нь хүлээн зөвшөөрч байна. Иймд хэргийг хялбаршуулсан журмаар шийдвэрлэж өгнө үү гэжээ.   

         

                                             ҮНДЭСЛЭХ нь:

Нэхэмжлэгч Т… ББСБ ХХК-ийн нэхэмжлэлтэй хариуцагч Ж.С-д холбогдох зээлийн гэрээний үүрэгт 860,990.72 төгрөг гаргуулахаар тус шүүхэд нэхэмжлэлийн шаардлага гаргажээ.

Хэрэг хянан шийдвэрлэх ажиллагааны явцад хариуцагч Ж.С нь зээлийн гэрээний үүрэг 860,990.72 төгрөг гаргуулах тухай нэхэмжлэлийн шаардлагыг төлөхөө хүлээн зөвшөөрсөн байна.

Хариуцагчийн нэхэмжлэлийн шаардлагыг хүлээн зөвшөөрсөн нь хуульд харшлаагүй, гуравдагч этгээдийн эрх, хуулиар хамгаалагдсан ашиг сонирхлыг хөндөөгүй байна. Иймд хариуцагчийн нэхэмжлэлийн шаардлагыг хүлээн зөвшөөрснийг баталж хэргийг хялбаршуулсан журмаар хянан шийдвэрлэх үндэслэлтэй байна.

Иргэний хэрэг шүүхэд хянан шийдвэрлэх тухай хуулийн 74, 75, 75⁸ дугаар зүйлийн 75⁸.1, 123 дугаар зүйлийн 123.1-д заасныг удирдлага болгон ЗАХИРАМЖЛАХ нь:

1.Нэхэмжлэгч Т… ББСБ ХХК-ийн нэхэмжлэлтэй хариуцагч Ж.С-д холбогдох зээлийн гэрээний үүрэгт 860,990.72 төгрөг гаргуулах тухай нэхэмжлэлийн шаардлагыг хариуцагч Ж.С нь төлж барагдуулахаа хүлээн зөвшөөрснийг баталж, хэргийг хэрэгсэхгүй болгосугай.

 2. Иргэний хэрэг шүүхэд хянан шийдвэрлэх тухай хуулийн 57, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар нэхэмжлэгч байгууллагын улсын тэмдэгтийн хураамжид төлсөн 25,213.78 төгрөгийн 50 хувийг улсын орлогод хэвээр үлдээж, үлдэх 50 хувь буюу 12,606.89 төгрөгийг улсын орлогоос, үлдэх улсын тэмдэгтийн хураамжийн 50 хувь болох 12,606.89 төгрөгийг хариуцагчаас гаргуулж нэхэмжлэгч байгууллагад олгосугай.

3. Хариуцагч Ж.С нь шүүгчийн захирамжийг сайн дураар биелүүлээгүй бол шүүхийн шийдвэр гүйцэтгэлийн журмаар албадан гүйцэтгэхийг мэдэгдсүгэй.

4. Энэ захирамжид зохигчид давж заалдах, гомдол гаргах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

ШҮҮГЧ                                      Э.Б