2026        06          22                                     137/ШШ2026/00552

 

                                 Хариуцагч нэхэмжлэлийн шаардлагыг

                                 хүлээн зөвшөөрснийг баталж, хэргийг

                                            хэрэгсэхгүй болгох тухай

 

Дорноговь аймгийн Замын-Үүд сум дахь сум дундын шүүхийн шүүгч Э.Б би, нэхэмжлэгч Г… банк ХК-ийн нэхэмжлэлтэй хариуцагч Ө.Э-д холбогдох зээлийн гэрээний үүрэгт 5,356,798.45 төгрөг гаргуулах тухай иргэний хэргийг 2026 оны 05 сарын 06-ны өдөр хүлээн авч 2026 оны 05 сарын 08-ны өдөр иргэний хэрэг үүсгэн хянаад

                                                     ТОДОРХОЙЛОХ нь:

Нэхэмжлэгч У… хот, С-ын талбай-5, Г… банкны төв байранд байрлах, Г… банк ХК /ХХД: …, РД:…, утас:…/ шүүхэд гаргасан нэхэмжлэлдээ: Ө.Э нь 2024 оны 08 дугаар сарын 14-ны өдөр Г… банктай дижитал зээлийн гэрээ байгуулж 10,000,000 төгрөгийн зээлийг жилийн 21 хувийн хүүтэй, 30 сарын хугацаатай, 2024 оны 08 дугаар сарын 27-ны өдөр Г… банктай дижитал зээлийн гэрээ байгуулж 400,000 төгрөгийн зээлийг жилийн хувийн хүүтэй, 30 сарын хугацаатай зээл авсан. Зээлдэгч Ө.Э нь цалингийн зээлийн гэрээнд заасны дагуу тохиролцсон зээлийн эргэн төлөлтийн хуваарийг удаа дараа зорчиж, зээлээ хугацаанд нь төлөх тухай мэдэгдсэн боловч төлөөгүй 60 хоног хугацаа хэтрүүлэн банкийг хохироож байгаа бөгөөд 2026 оны 04-р сарын 21-ны өдрийн байдлаар зээлийн гэрээний үүргийн гүйцэтгэлд 5,356,798.45 төгрөг, нотариатын төлбөр 11,500 улсын тэмдэгтийн хураамжийн 100,659 төгрөгийн хамт Г… банканд олгуулж өгнө үү гэжээ.

Хариуцагч Д… аймгийн Э… сумын …-р баг, У… өлзийт …-р гудамжны … тоотод оршин суух, Б… овогт Ө-ийн Э… /РД:…, утас:…/ нь шүүхэд ирүүлсэн тайлбартаа: Ө.Э миний бие нь Г… банк ХК-аас ирүүлсэн нэхэмжлэлийн шаардлагатай танилцлаа. Нэхэмжилж буй үнийн дүн болох 5,356,798.45 төгрөгийг төлөхөө хүлээн зөвшөөрч байна. Иймд хэргийг хялбаршуулсан журмаар шийдвэрлэж өгнө үү гэжээ.            

ҮНДЭСЛЭХ нь:

Нэхэмжлэгч Г… банк ХК-ийн нэхэмжлэлтэй хариуцагч Ө.Э-д холбогдох зээлийн гэрээний үүрэгт 5,356,798.45 төгрөг гаргуулахаар тус шүүхэд нэхэмжлэлийн шаардлага гаргажээ.

Хэрэг хянан шийдвэрлэх ажиллагааны явцад хариуцагч Ө.Э нь зээлийн гэрээний үүрэг 5,356,798.45 төгрөг гаргуулах тухай нэхэмжлэлийн шаардлагыг төлөхөө хүлээн зөвшөөрсөн байна.

Хариуцагчийн нэхэмжлэлийн шаардлагыг хүлээн зөвшөөрсөн нь хуульд харшлаагүй, гуравдагч этгээдийн эрх, хуулиар хамгаалагдсан ашиг сонирхлыг хөндөөгүй байна. Иймд хариуцагчийн нэхэмжлэлийн шаардлагыг хүлээн зөвшөөрснийг баталж хэргийг хялбаршуулсан журмаар хянан шийдвэрлэх үндэслэлтэй байна.

Иргэний хэрэг шүүхэд хянан шийдвэрлэх тухай хуулийн 74, 75, 75⁸ дугаар зүйлийн 75⁸.1, 123 дугаар зүйлийн 1 дэх хэсэгт заасныг удирдлага болгон ЗАХИРАМЖЛАХ нь:

1.Нэхэмжлэгч Г… банк ХК-ийн нэхэмжлэлтэй хариуцагч Ө.Э-д холбогдох зээлийн гэрээний үүрэгт 5,356,798.45 төгрөг гаргуулах тухай нэхэмжлэлийн шаардлагыг хариуцагч Ө.Э нь төлж барагдуулахаа хүлээн зөвшөөрснийг баталж, хэргийг хэрэгсэхгүй болгосугай.

 2. Иргэний хэрэг шүүхэд хянан шийдвэрлэх тухай хуулийн 57, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар нэхэмжлэгч байгууллагын улсын тэмдэгтийн хураамжид төлсөн 100,659 төгрөгийн 50 хувийг улсын орлогод хэвээр үлдээж, үлдэх 50 хувь буюу 50,329.5 төгрөгийг улсын орлогоос, үлдэх улсын тэмдэгтийн хураамжийн 50 хувь болох 50,329.5 төгрөгийг хариуцагчаас гаргуулж нэхэмжлэгч байгууллагад олгосугай.

3. Хариуцагч Ө.Э нь шүүгчийн захирамжийг сайн дураар биелүүлээгүй бол шүүхийн шийдвэр гүйцэтгэлийн журмаар албадан гүйцэтгэхийг мэдэгдсүгэй.

4. Энэ захирамжид зохигчид давж заалдах, гомдол гаргах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

ШҮҮГЧ                                   Э.Б