Нийслэл дэх Захиргааны хэргийн анхан шатны шүүхийн шүүгч Н.Дамдинсүрэн би, иргэн Ж.Энхтөрийн нэхэмжлэлтэй, Оюуны өмч, улсын бүртгэлийн ерөнхий газарт холбогдох захиргааны хэргийн нэхэмжлэгчийн итгэмжлэгдсэн төлөөлөгч Э.Уянгын “Нэхэмжлэлийн шаардлагаас татгалзах тухай” хүсэлтийг 2017 оны 02 дугаар сарын 17-ны өдөр хүлээн аваад,

ТОДОРХОЙЛОХ нь:

Нэхэмжлэгчийн итгэмжлэгдсэн төлөөлөгч Э.Уянга шүүхэд бичгээр гаргасан хүсэлтдээ: “Захиргааны хэрэг шүүхэд хянан шийдвэрлэх тухай хуулийн 28 дугаар зүйлийн 28.2.3-т зааснаар нэхэмжлэгчийн итгэмжлэгдсэн төлөөлөгч надад олгогдсон эрхийн дагуу иргэн Ж.Энхтөрийн нэхэмжлэлтэй, Оюуны өмч, улсын бүртгэлийн ерөнхий газарт холбогдох захиргааны хэргийн нэхэмжлэлийн шаардлагаас бүхэлд нь татгалзаж байна.

Иймд мөн хуулийн 66 дугаар зүйлийн 66.1-д зааснаар уг захиргааны хэргийг хялбаршуулсан журмаар хянан шийдвэрлэж өгнө үү” гэжээ. 

ҮНДЭСЛЭХ нь:

Нэхэмжлэгч Ж.Энхтөрөөс Оюуны өмч, улсын бүртгэлийн ерөнхий газарт холбогдуулан гаргасан “Мфикскапитал” ХХК-ийн нэр дээр эрхийн улсын бүртгэлийн Ү-2206014387, Ү-2206014059, Ү-2206014052 дугаарт бүртгэсэн өмчлөх эрхийн улсын бүртгэлийн 000109426, 000107228, 000107221 дугаартай гэрчилгээг хүчингүй болгож, Хан-Уул дүүргийн 11 дүгээр хороо, Зайсангийн тойруу “Blue sky” хотхоны 44Г байрны зоорийн давхрын 30 тоот, 44Б байрны зоорийн давхрын 156 тоот, 44А байрны зоорийн давхрын 169 тоот автозогсоолуудын өмчлөгчөөр иргэн Ж.Энхтөрийг бүртгэж, гэрчилгээ олгохоос татгалзсан үйлдлийг хууль бус болохыг тогтоон, автозогсоолыг иргэн Ж.Энхтөрийн нэр дээр улсын бүртгэлд бүртгэж, гэрчилгээ олгохыг Оюуны өмч, улсын бүртгэлийн ерөнхий газарт даалгах” тухай нэхэмжлэлийн шаардлагаас бүхэлд нь татгалзах хүсэлтийг 2017 оны 02 дугаар сарын 17-ны өдөр шүүхэд бичгээр гаргасан байна.

Нэхэмжлэгч Ж.Энхтөрөөс нэхэмжлэгчийн итгэмжлэгдсэн төлөөлөгч Э.Уянгад 2017 оны 02 дугаар сарын 17-ны өдрийн итгэмжлэлээр нэхэмжлэлийн шаардлагаас бүхэлд нь татгалзах эрхийг олгожээ.

Иймд Захиргааны хэрэг шүүхэд хянан шийдвэрлэх тухай хуулийн 20 дугаар зүйлийн 20.1.1-д “...нэхэмжлэлээсээ бүхэлд нь эсхүл хэсэгчлэн татгалзах эрх эдэлнэ”, мөн хуулийн 66 дугаар зүйлийн 66.1-д “нэхэмжлэгч хэрэг хянан шийдвэрлэх ажиллагааны аль ч үе шатанд нэхэмжлэлээсээ бүхэлд нь, эсхүл хэсэгчлэн татгалзаж болно”, мөн 66.2-т “...нэхэмжлэгч нь нэхэмжлэлээсээ татгалзсанаа бичгээр илэрхийлэх....” гэж тус тус заасны дагуу нэхэмжлэгчийн нэхэмжлэлээсээ татгалзсаныг баталж, хэргийг хэрэгсэхгүй болгож шийдвэрлэх нь зүйтэй гэж шүүх үзлээ. 

Мөн нэхэмжлэгчийн итгэмжлэгдсэн төлөөлөгч Э.Уянгад Захиргааны хэрэг шүүхэд хянан шийдвэрлэх тухай хуулийн 66 дугаар зүйлийн 66.4-д зааснаар “нэхэмжлэгч нэхэмжлэлээсээ татгалзсан бол уг асуудлаар дахин шүүхэд нэхэмжлэл гаргах эрхээ алдах”, 69 дүгээр зүйлийн 69.2-т зааснаар “...хэргийг хэрэгсэхгүй болгосон шүүгчийн захирамжид гомдол гаргах эрхгүй” талаар тайлбарласан бөгөөд нэхэмжлэгчийн итгэмжлэгдсэн төлөөлөгч түүнийг зөвшөөрч байгаагаа илэрхийлсэн болно.

 

           Захиргааны хэрэг шүүхэд хянан шийдвэрлэх тухай хуулийн 111 дүгээр зүйлийн 111.1-д заасныг удирдлага болгон ЗАХИРАМЖЛАХ нь:

 

1. Захиргааны хэрэг шүүхэд хянан шийдвэрлэх тухай хуулийн 66 дугаар зүйлийн 66.1 дэх хэсэгт зааснаар нэхэмжлэгч Ж.Энхтөрийг “Мфикскапитал” ХХК-ийн нэр дээр эрхийн улсын бүртгэлийн Ү-2206014387, Ү-2206014059, Ү-2206014052 дугаарт бүртгэсэн өмчлөх эрхийн улсын бүртгэлийн 000109426, 000107228, 000107221 дугаартай гэрчилгээг хүчингүй болгож, Хан-Уул дүүргийн 11 дүгээр хороо, Зайсангийн тойруу “Blue sky” хотхоны 44Г байрны зоорийн давхрын 30 тоот, 44Б байрны зоорийн давхрын 156 тоот, 44А байрны зоорийн давхрын 169 тоот автозогсоолуудын өмчлөгчөөр иргэн Ж.Энхтөрийг бүртгэж, гэрчилгээ олгохоос татгалзсан үйлдлийг хууль бус болохыг тогтоон, автозогсоолыг иргэн Ж.Энхтөрийн нэр дээр улсын бүртгэлд бүртгэж, гэрчилгээ олгохыг Оюуны өмч, улсын бүртгэлийн ерөнхий газарт даалгах” тухай нэхэмжлэлээсээ татгалзсаныг баталж, Ж.Энхтөрийн нэхэмжлэлтэй, Оюуны өмч, улсын бүртгэлийн ерөнхий газарт холбогдох хэргийг хэрэгсэхгүй болгосугай.

2. Захиргааны хэрэг шүүхэд хянан шийдвэрлэх тухай хуулийн 47 дугаар зүйлийн 47.5, 51 дүгээр зүйлийн 51.1-д зааснаар улсын тэмдэгтийн хураамжид нэхэмжлэгчээс урьдчилан төлсөн 70200 /далан мянга хоёр зуун/ төгрөгийг улсын орлогод хэвээр үлдээсүгэй.

Захиргааны хэрэг шүүхэд хянан шийдвэрлэх тухай хуулийн 69 дүгээр зүйлийн 69.2-т зааснаар нэхэмжлэгч нь уг асуудлаар шүүхэд дахин нэхэмжлэл гаргах эрхгүй бөгөөд хэргийн оролцогчид нь уг захирамжид давж заалдах болон хяналтын журмаар гомдол гаргах эрхгүй.

 

 

 

ШҮҮГЧ                  Н.ДАМДИНСҮРЭН