МОНГОЛ УЛСЫН НЭРИЙН ӨМНӨӨС

           

Өмнөговь аймаг дахь сум дундын иргэний хэргийн анхан шатны шүүхийн шүүх хуралдааныг шүүгч А.Энхтөр даргалж, тус шүүхийн танхимд хийсэн шүүх хуралдаанаар

Нэхэмжлэгч: “*******” ХХК /итгэмжлэгдсэн төлөөлөгч *******/

Хариуцагч: Өмнөговь аймаг, Даланзадгад сум, 3 дугаар баг, ******* тоотод оршин суух, ******* овгийн ******* /РД:*******/-д холбогдох

1,033,202 төгрөг гаргуулах тухай нэхэмжлэлийг 2016 оны 04 дүгээр сарын 26-ны өдөр хүлээн авч, 2016 оны 04 дүгээр сарын 29-ний өдөр иргэний хэрэг үүсгэснээр хянан хэлэлцэв.                    

Шүүх хуралдаанд: Нэхэмжлэгчийн итгэмжлэгдсэн төлөөлөгч *******, хариуцагч *******, шүүх хуралдааны нарийн бичгийн дарга Н.Оргил нар оролцов.   

ТОДОРХОЙЛОХ нь:

Нэхэмжлэгч “*******” ХХК шүүхэд гаргасан нэхэмжлэлдээ: “Хариуцагч нь манай үйлчилгээний нөхцөлийг хүлээн зөвшөөрч хэрэглэгч болох хүсэлтээ гарган 20020256 тоот гэрээ байгуулан 99084261 дугаартай үүрэн холбооны дараа төлбөрт үйлчилгээг ашиглаж эхэлсэн. Хариуцагч нь харилцаа холбооны тухай хуулийн 26 дугаар зүйлийн 26.2.2-т заасан болон гэрээгээр хүлээсэн үүргээ үл биелүүлэн үүрэн холбооны дараа төлбөрт үйлчилгээний хэрэглээний төлбөрийг төлөөгүй учир үйлчилгээг зогсоон төлбөрийн үлдэгдлээ төлөхийг сануулж “Анхааруулах хуудас” илгээсэн боловч төлбөр төлөгдөөгүй байна. Хариуцагчийн төлбөрөөс барьцаа 60,000 төгрөгийг хассан болно. Иймд хариуцагчаас үүрэн холбооны дараа төлбөрт үйлчилгээний хэрэглээний төлбөрт 1,033,202 төгрөгийг гаргуулж өгнө үү.” гэжээ.

Хариуцагч ******* шүүхэд гаргасан хариу тайлбартаа: “Миний бие Мобиком компанийн Өмнөговь салбарын захиралтай уулзан тухайн асуудлаар ярилцаж ойрын үед асуудлыг шийдвэрлэж өгөхөөр ярилцсан. Иргэн ******* нь ярианы төлбөрөө төлнө. Дата хэрэглээг төлөх хүсэлгүй байгаагаа илрэхийлсэн. Нийт төлбөр 1,033,202 төгрөгийн нэхэмжлэл гаргасан байна. Иймд дээрх асуудлаар Мобиком компанийн Өмнөговь салбарын захирал тухайн удирдлагуудтайгаа ярилцаж ойрын хугацаанд хариу өгөхөөр болов. Хэрэв дата төлбөрийг чөлөөлж өгвөл дахин 99084261 дугаараа дахин үргэлжлүүлэн барих хүсэлт гаргасан болно.” гэжээ.

Нэхэмжлэгчийн итгэмжлэгдсэн төлөөлөгч *******  шүүх хуралдаанд гаргасан тайлбартаа: “Нэхэмжлэлийн шаардлагаа дэмжиж байна. Эвлэрэх боломжгүй.” гэв.

Хариуцагч ******* шүүх хуралдаанд гаргасан тайлбартаа: “Би 99084261 дугаартай утсыг тус компанитай гэрээ байгуулж авсан боловч энэ хугацаанд бараг л ярьж байгаагүй. Скайтел компанийн утсыг ээлжлэн барьж ажил хэргээ явуулдаг байсан. Миний тооцоогоор утсаар ярьсан ярианы төлбөрт 300-400 мянга орчим төгрөг төлөх боломжтой, үлдэгдэл 800 мянга орчим төгрөгийн төлбөр нь миний огт хэрэглэж байгаагүй дата буюу интернэт хэрэглэсний төлбөр гэж над дээр төлбөр гарсныг хүлээн зөвшөөрөхгүй.” гэв.

Шүүх энэ хэрэгт хуульд заасан журмын дагуу цугларсан бичмэл нотлох баримтууд болон зохигчдын тайлбарыг шинжлэн судлаад ҮНДЭСЛЭХ нь:

Нэхэмжлэгч “*******” ХХК нь хариуцагч *******ас 1,033,202 төгрөг гаргуулах тухай нэхэмжлэлийн шаардлага гаргажээ. Хариуцагч ******* нэхэмжлэлийн шаардлагын зарим хэсгийг хүлээн зөвшөөрөхгүй гэж маргана.

Хавтаст хэрэгт авагдсан 2014 оны 06 дугаар сарын 16-ны өдрийн 20620256 дугаар “Үүрэн  телефон холбооны дараа төлбөрт үйлчилгээний гэрээ”-ний 5.4-т “ Хэрэглэгч нь үйлчилгээний  төлбөрийг нэхэмжилсэн сарын 20-ны дотор үлдэгдэлгүй, бүрэн төлж барагдуулах үүрэгтэй.”, 5.7-т “Хэрэглэгч гэрээг буюу дугаарыг цуцлах өдрийг хүртэлх хугацаанд ашигласан  үйлчилгээний төлбөрийг бүрэн барагдуулах үүрэгтэй.” /хх-5/ гэж заажээ. Гэрээний дээрх нөхцөлийг хэрэглэгч буюу хариуцагч ******* хүлээн зөвшөөрч гэрээ байгуулан гарын үсэг зурсан болох нь /хх-6/ тогтоогдож байна. Мөн шүүх хуралдааны хэлэлцүүлгийн үед хариуцагч ******* утсаар ярьсан үйлчилгээний төлбөрөө төлөөгүй тухайд маргадаггүй бөгөөд “ярианы төлбөрөө төлнө” /хх-16/ гэдгээ хүлээн зөвшөөрдөг. Харилцагчийн гүйлгээг /хх-8/ шинжлэн судлахад “*******” ХХК-ийн харилцагч буюу хариуцагч ******* тус компанид 1,033,201.48 төгрөгийн төлбөрийн үлдэгдэлтэй болох нь нотлогдож байна.

Шүүх хуралдааны хэлэлцүүлэгт хариуцагч ******* өөрийнх нь тооцоогоор 800 мянга орчим төгрөгийн дата буюу интернэт хэрэглэсэн төлбөрийг төлөхгүй гэж маргаж байгаа боловч дээрх төлбөрийг төлөхгүй гэдгээ нотолсон үндэслэл бүхий тайлбар гаргаагүй, нотлох баримт ирүүлээгүй байх тул нэхэмжлэгчийн нотлох баримтаар ирүүлсэн  “Үүрэн  телефон холбооны дараа төлбөрт үйлчилгээний гэрээ” /хх-5-6/, харилцагчийн гүйлгээ /хх-8/-г шүүхийн зүгээс нотлох баримтаар үнэлэлээ.

Иргэний хуулийн 227 дугаар зүйлийн 227.1-т “Гэрээний нэг тал үүргээ зөрчсөн бол нөгөө тал нь гэрээнээс татгалзсантай холбогдон учирсан хохирлыг арилгуулахаар шаардах эрхтэй.” гэжээ. Өөрөөр хэлбэл гэрээний нэг тал болох хариуцагч ******* гэрээнд заасан хугацаанд гар утсаар ярьсан үйлчилгээний төлбөрөө төлөөгүй гэрээгээ зөрчсөн байх тул гэрээний нөгөө тал буюу нэхэмжлэгч “*******” ХХК өөрт учирсан хохирол 1,033,202 төгрөгийг арилгуулахаар шаардах эрхтэй байна.

Иймд дээр дурдсаныг үндэслэн нэхэмжлэгч “*******” ХХК-ийн нэхэмжлэлтэй хариуцагч *******д холбогдох 1,033,202 төгрөг гаргуулах нэхэмжлэлийн шаардлагыг хангаж шийдвэрлэлээ.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                              

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1. 115.2, 115.2.1, 116, 118-т заасныг удирдлага болгон ТОГТООХ нь:

1.Нэхэмжлэгч “*******” ХХК-ийн 1,033,202 төгрөг гаргуулах тухай нэхэмжлэлийн шаардлагыг бүхэлд нь хангаж, хариуцагч *******ас 1,033,202 төгрөгийг гаргуулан нэхэмжлэгч “*******” ХХК-д олгосугай.

                 2.Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар нэхэмжлэгч “*******” ХХК-ийн улсын тэмдэгтийн хураамжид төлсөн 29,347 төгрөгийг орон нутгийн төсвийн орлогод хэвээр үлдээж, хариуцагч *******ас 29,347 төгрөгийг гаргуулан  “*******” ХХК-д олгосугай.

3.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар зохигчид шүүхийн шийдвэрийг гардан авснаас хойш 14 хоногийн дотор Өмнөговь аймгийн эрүү, иргэний хэргийн давж заалдах шатны шүүхэд давж заалдах гомдол гаргах эрхтэй болохыг дурдсугай.

 

 

 

                            ДАРГАЛАГЧ,ШҮҮГЧ                                А.ЭНХТӨР