Өвөрхангай аймаг дахь иргэний хэргийн анхан шатны шүүхийн иргэний хэргийн шүүх хуралдааныг шүүгч Д.Мөнхтуяа даргалж

Хүсэлт гаргагч: Өвөрхангай аймгийн Тарагт сумын Засаг даргын хүсэлттэй

 “Ө.Намууцэцэгийг иргэний эрх зүйн чадамжгүйд тооцуулах”-ыг хүссэн тухай иргэний хэргийг хянан хэлэлцэв.

Шүүх хуралдаанд: нарийн бичгийн дарга Т.Эрдэнэ оролцов.

ТОДОРХОЙЛОХ нь:

Хүсэлт гаргагч Өвөрхангай аймгийн Тарагт сумын Засаг Дарга Х.Дашдэлэг  шүүхэд гаргасан хүсэлтэндээ: Тарагт сумын харъяат Өлзийбатийн Намууцэцэг нь оюуны маш гүнзий саатал оноштойгоор төрөлхийн хөгжлийн бэрхшээлтэй эмнэлгийн хяналт, байнгын асаргаанд байдаг тул Өлзийбатийн Намууцэцэгийг эрх зүйн чадамжгүйд тооцож өгнө үү гэжээ.

Шүүх хуралдаанаар хавтаст хэрэгт авагдсан бичгийн нотлох баримтуудыг шинжлэн судлаад

                                      ҮНДЭСЛЭХ нь:

          Тарагт сумын Засаг Дарга Х.Дашдэлэг “Ө.Намууцэцэгийг иргэний эрх зүйн чадамжгүйд тооцуулах”-ыг хүссэн хүсэлтийг тус  шүүхэд гаргажээ.

Шүүх Иргэний хэрэг шүүхэд хянан шийдвэрлэх тухай хуулийн 142 дугаар зүйлд заасныг баримтлан Ө.Намууцэцэгийн сэтгэцийн байдал, өөрийн үйл ажиллагааны учир холбогдлыг ойлгох, өөрийгөө зөв удирдаж чадах эсэх талаар дүгнэлт гаргуулахаар Өвөрхангай аймгийн Бүсийн оношлогоо эмчилгээний төвийг шинжээчээр томилсон бөгөөд томилогдсон шинжээч нарын гаргасан 2016 оны 06 дугаар сарын 24-ний өдрийн №32 тоот дүгнэлтэд “...Ө.Намууцэцэг тархины хүнд органик эмгэг өвчний улмаас үүссэн оюуны гүнзгий хомсдол, хэлгүйдэл, уналт таталт эмгэгтэй, Ө.Намууцэцэг тархины хүнд органик эмгэг, оюуны гүнзгий хомсдол өвчний улмаас өөрийгөө жолоодон удирдах чадваргүй, Ө.Намууцэцэг нь уналт таталт өвчин оюуны хүнд хомсдол сэтгэцийн өвчтэй, Ө.Намууцэцэг тархины хүнд органик эмгэг, оюуны гүнзгий хомсдол өвчний улмаас өөрийн өмнөөс шийдвэр гаргах чадваргүй” гэжээ.

Иймд дээрх шинжээчийн дүгнэлт болон 2010 оны 10 дугаар сарын 28-ны өдрийн Хөдөлмөрийн чадвар алдалтын хувь, хугацаа тогтоосон 1105 тоот акт, Тарагт сумын эрүүл мэндийн төвийн 2016 оны 04 дүгээр сарын 26-ны өдрийн 01/84 тоот тодорхойлолт зэргээр тогтоогдож байх тул Боржигон овгийн Өлзийбатын Намууцэцэгийг иргэний эрх зүйн чадамжгүйд тооцож, эх З.Солонгоог асран хамгаалагчаар нь тооцох нь зүйтэй байна.   

Хүсэлт гаргагч Х.Дашдэлэг “өөрийнхөө эзгүйд шүүх хуралдаан хийлгэх” хүсэлт ирүүлсэн тул Иргэний хэрэг шүүхэд хянан шийдвэрлэх тухай хуулийн 100 дугаар зүйлийн 100.1-д зааснаар түүнийг оролцулахгүйгээр шийдвэрлэсэн болно.

Иргэний хэрэг шүүхэд хянан шийдвэрлэх тухай хуулийн 100 дугаар зүйлийн 100.1, 115 дугаар зүйлийн 115.2.1, 116, 133 дугаар зүйлийн 133.1, 143 дугаар зүйлийн 143.1-д заасныг тус тус удирдлага болгон

                                              ТОГТООХ нь:

1. Иргэний хуулийн 18 дугаар зүйлийн 18.2-т зааснаар Боржигон овгийн Өлзийбатын Намууцэцэгийг иргэний эрх зүйн чадамжгүйд тооцож, асран хамгаалагчаар нь төрсөн эх  З.Солонгоог асран хамгаалагчаар тогтоосугай.

2. Улсын тэмдэгтийн хураамжийн тухай хуулийн  дугаар зүйлийн 41 дүгээр зүйлийн 41.1.3-т зааснаар хүсэлт гаргагчийг улсын тэмдэгийн хураамж төлөхөөс чөлөөлсөн болохыг дурьдсугай.   

3. Шийдвэр танилцуулан сонсгомогц хүчинтэй бөгөөд хүсэлт гаргагч шийдвэрийг гардан авснаас хойш 14 хоногийн дотор Өвөрхангай аймгийн Эрүү, Иргэний хэргийн давж заалдах шатны шүүхэд давж заалдах гомдол гаргах эрхтэйг дурьдсугай.

                  

ДАРГАЛАГЧ, ШҮҮГЧ                       Д.МӨНХТУЯА