Архангай аймаг дахь сум дундын иргэний хэргийн анхан шатны шүүхийн шүүгч Ч.Жаргалан даргалж тус шүүхийн танхимд нээлттэй хийсэн шүүх хуралдаанаар

Хүсэлт гаргагч: Архангай аймгийн Цэнхэр сумын Цэцэрлэг багт оршин суух Раш овогт Самбуугийн Баярсайхан /РД:АЯ66022365/ хүсэлттэй,

          Архангай аймгийн Тунгалаг тамир хоршоололд 1982 оны 07 сарын 01-ний өдрөөс 1985 оны  01 сарын 01-ний өдрийг хүртэл хугацаанд саальчнаар, 1985 оны 01 сарын 01-ний өдрөөс 1993 оны 10 сарын 01-ны өдрийг хүртэл хугацаанд ногоочноор тус тус ажиллаж байсан байдал тогтоолгох тухай иргэний хэргийг хэлэлцэв.

            Шүүх хуралдаанд: Хүсэлт гаргагчийн итгэмжлэгдсэн төлөөлөгч Б.Алтанхуяг, шүүх хуралдааны нарийн бичгийн дарга А.Цэрэнханд оролцов.                                                           

                                                           ТОДОРХОЙЛОХ нь: 

          Хүсэлт гаргагч С.Баярсайхан шүүхэд гаргасан хүсэлтдээ: Би Архангай аймгийн Тунгалаг тамир хоршоололд 1982 оны 07 сарын 01-ний өдрөөс 1985 оны  01 сарын 01-ний өдрийг хүртэл хугацаанд саальчнаар, 1985 оны 01 сарын 01-ний өдрөөс 1993 оны 10 сарын 01-ны өдрийг хүртэл хугацаанд ногоочноор ажиллаж байсан. Хэрэгт өгсөн нотлох баримтуудыг үндэслэн намайг Архангай аймгийн Тунгалаг тамир хоршоололд 1982 оны 07 сарын 01-ний өдрөөс 1985 оны  01 сарын 01-ний өдрийг хүртэл хугацаанд саальчнаар, 1985 оны 01 сарын 01-ний өдрөөс 1993 оны 10 сарын 01-ны өдрийг хүртэл хугацаанд ногоочноор тус тус ажиллаж байсан байдлыг тогтоож өгнө үү.

          Хүсэлт гаргагчийн итгэмжлэгдсэн төлөөлөгч Б.Алтанхуяг шүүх хуралдаанд гаргасан тайлбартаа: С.Баярсайхан нь Архангай аймгийн Цэцэрлэгт хотод 10-р ангиа төгсөөд Архангай аймгийн Тунгалаг тамир хоршоололд 1982 оны 07 сарын 01-ний өдрөөс 1985 оны  01 сарын 01-ний өдрийг хүртэл хугацаанд саальчнаар, 1985 оны 01 сарын 01-ний өдрөөс 1993 оны 10 сарын 01-ны өдрийг хүртэл хугацаанд ногоочноор тус тус ажиллаж байсан. С.Баярсайханы ажилласан хугацааг тогтоож өгнө үү гэжээ.

 

   Шүүх хуралдаанаар хэрэгт цугларсан нотлох баримтуудыг шинжлэн судлаад:

 

                                                                 ҮНДЭСЛЭХ нь:

          Хүсэлт гаргагч С.Баярсайхан ажиллаж байсан байдлаа тогтоолгохоор шүүхэд нэхэмжлэл гаргасан бөгөөд хэрэгт авагдсан дараахь нотлох баримтууд авагдсан байна. Үүнд:

1. Архангай аймгийн Архивын тасгийн 2016 оны 05 сарын 30-ны өдрийн 302 тоот Самбуу овогтой Баярсайханы Тунгалаг тамир хоршоололд саальчнаар ажиллаж байсан үеийн цалингийн тодорхойлолт,

• 1983 оны 01 сараас 10 сард ажилласан хоног авсан бичилтэй цалингийн тодорхойлолт,
• 1984 оны 06 сараас 12 сард ажилласан хоног авсан бичилтэй цалингийн тодорхойлолт,

1. Архангай аймгийн Архивын тасгийн 2016 оны 04 сарын 04-ны өдрийн 154 тоот Самбуу овогтой Баярсайханы Тунгалаг тамир хоршоололд ногоочноор ажиллаж байсан үеийн цалингийн тодорхойлолт,

• 1985 оны 01 сараас 09 сар, 11 сард ажилласан хоног авсан бичилтэй цалингийн тодорхойлолт,
• 1986 оны 01 сараас 08 12 сард ажилласан хоног авсан бичилтэй цалингийн тодорхойлолт гэсэн
• 1988 оны 03 сараас 12 сард ажилласан хоног авсан бичилтэй цалингийн тодорхойлолт гэсэн
• 1990 оны 01 сар, 03 сараас 04 сар, 08 сард ажилласан хоног авсан бичилтэй цалингийн тодорхойлолт..
• 1991 оны 10 сараас 12 сард ажилласан хоног авсан бичилтэй цалингийн тодорхойлолт.
• 1992 оны 01 сараас 04 сар, 09 сараас 12 сард ажилласан хоног авсан бичилтэй цалингийн тодорхойлолт.
• 1993 оны 07 сараас 09 сард ажилласан хоног авсан бичилтэй цалингийн тодорхойлолт.

1. Самбуугийн Баярсайханы Монголын үйлдвэрчний эвлэлийн гишүүний 643194 дугаартай бат илэрхийлэхэд:

• 1987 оны 01 сараас 12 сард ажилласан хоног авсан цалингийн бичилт,
• 1988 оны 01 сараас 12 сард ажилласан хоног авсан цалингийн бичилт зэрэг болно.

 

          Хүсэлт гаргагч С.Баярсайханыг Архангай аймгийн Тунгалаг тамир хоршоололд 1982 оны 07 сарын 01-ний өдрөөс 1985 оны  01 сарын 01-ний өдрийг хүртэл хугацаанд саальчнаар, 1985 оны 01 сарын 01-ний өдрөөс 1993 оны 10 сарын 01-ны өдрийг хүртэл хугацаанд ногоочноор тус тус ажиллаж байсан болох нь Архангай аймгийн Архивын тасгийн 2016 оны 05 сарын 30-ны өдрийн 302 тоот Самбуу овогтой Баярсайханы Тунгалаг тамир хоршоололд саальчнаар ажиллаж байсан үеийн цалингийн тодорхойлолт, Архангай аймгийн Архивын тасгийн 2016 оны 04 сарын 04-ны өдрийн 154 тоот Самбуу овогтой Баярсайханы Тунгалаг тамир хоршоололд ногоочноор ажиллаж байсан үеийн цалингийн тодорхойлолт, Самбуугийн Баярсайханы Монголын үйлдвэрчний эвлэлийн гишүүний 643194 дугаартай бат илэрхийлэх зэрэг нотлох баримтаар нотлогдож байна. Иймд Архангай аймгийн Тунгалаг тамир хоршоололд 1982 оны 07 сарын 01-ний өдрөөс 1985 оны  01 сарын 01-ний өдрийг хүртэл хугацаанд саальчнаар, 1985 оны 01 сарын 01-ний өдрөөс 1993 оны 10 сарын 01-ны өдрийг хүртэл хугацаанд ногоочноор тус тус ажиллаж байсан байдлаа тогтоолгох гэсэн С.Баярсайханы хүсэлтийг хангаж шийдвэрлэх нь зүйтэй байна.

1. Архангай ардын хувьсгалт нам, Архангай аймгийн Тунгалаг тамир хоршоолол, Үйлдвэрчний эвлэлийн хорооны С.Баярсайханд аугаа их октябрийн социалист хувьсгалын түүхт 70 жилийн ой угтсан бүх ард түмний социалист уралдаанд амжилт гаргасан учир үнэ бүхий зүйлээр шагнаж дурсгав гэсэн баярын бичигийг хэдэн онд С.Баярсайханд гардуулсан болох нь тодорхойгүй,
2.  Самбуугийн Баярсайханы Монголын үйлдвэрчний эвлэлийн гишүүний 643194  дугаартай бат илэрхийлэхэд:

• 1989 оны 01 сараас 12 сард ажилласан хоног авсан цалингийн бичилт,
• 1990 оны 01 сараас 12 сард ажилласан хоног авсан цалингийн бичилт,
• 1991 оны 01 сараас 12 сард ажилласан хоног авсан цалингийн бичилтүүдийг баталгаажуулаагүй байх учир нотлох баримтаар үнэлээгүй болно.

 

          Хүсэлт гаргагч С.Баярсайханы хүсэлтийг хангаж шийдвэрлэж байгаа учир түүний улсын тэмдэгтийн хураамжид төлсөн 70200 төгрөгийг орон нутгийн орлогод үлдээх нь зүйтэй байна.

          Монгол Улсын Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.2, 116, 118, 133 дугаар зүйлийн 133.1.1-д заасныг удирдлага болгон

ТОГТООХ нь:

1. Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6-д зааснаар Раш овогт Самбуугийн Баярсайханыг /РД:АЯ66022365/ Архангай аймгийн Тунгалаг тамир хоршоололд 1982 оны 07 сарын 01-ний өдрөөс 1985 оны  01 сарын 01-ний өдрийг хүртэл хугацаанд саальчнаар, 1985 оны 01 сарын 01-ний өдрөөс 1993 оны 10 сарын 01-ны өдрийг хүртэл хугацаанд ногоочноор тус тус ажиллаж байсан байдлыг тогтоосугай.

 

1.  Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1,  Улсын тэмдэгтийн хураамжийн тухай хуулийн 7.1.2-т зааснаар хүсэлт гаргагч С.Баярсайханы улсын тэмдэгтийн хураамжид төлсөн 70200 төгрөгийг орон нутгийн орлогод хэвээр үлдээсүгэй.

          3.   Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 120 дугаар зүйлийн 120.2-т зааснаар шийдвэр танилцуулан сонсгомогц хүчинтэй болох бөгөөд зохигч шийдвэрийг эс зөвшөөрвөл гардан авсан өдрөөс хойш 14 хоногийн дотор шийдвэр гаргасан шүүхээр дамжуулан Архангай аймгийн Эрүү, Иргэний хэргийн давж заалдах шатны шүүхэд давж заалдах гомдол гаргах эрхтэйг дурдсугай.

                   

 

 

 

ДАРГАЛАГЧ ШҮҮГЧ                                         Ч.ЖАРГАЛАН