Сэлэнгэ аймаг дахь Сум дундын иргэний хэргийн анхан шатны шүүхийн шүүгч Б.Мөнхзул би Капитал банкны Сэлэнгэ салбарын нэхэмжлэлтэй хариуцагч Н.Сэлэнгэд холбогдох “15.106.163,07 төгрөг гаргуулах”-ыг хүссэн хэргийг хүлээн авч хянаад:  

ТОДОРХОЙЛОХ нь:

Нэхэмжлэгч Капитал банкны Сэлэнгэ салбар нь шүүхэд гаргасан нэхэмжлэлдээ: Н.Сэлэнгэ нь 2014 оны 04 дүгээр сарын 09-нд 20.000.000 төгрөгийн зээлийг 36 сарын хугацаатайгаар бизнесийн зээл авсан. Гэтэл өнөөг хүртэл зээлээ хугацаандаа төлөхгүй байгаа тул хариуцагч Н.Сэлэнгээс үндсэн зээл 13.552.388,85 төгрөг, хүү 1.553.774,22 төгрөг, торгууль 47.519,73 төгрөг нийт 15.106.163,07 төгрөгийг гаргуулж манай банкийг хохиролгүй болгож өгнө үү гэжээ. 

 

ҮНДЭСЛЭХ нь:

  Нэхэмжлэгч Капитал банкны Сэлэнгэ салбар нь хариуцагч Н.Сэлэнгээс “15.106.163,07 төгрөг гаргуулах”-аар шүүхэд нэхэмжлэл гаргасан бөгөөд хариуцагч нь нэхэмжлэлийн шаардлагыг бүрэн хэмжээгээр төлөхөөр хүлээн зөвшөөрсөн байна.

 Хариуцагчийн зөвшөөрөл нь гуравдагч этгээдийн эрх ашгийг хөндөөгүй, хууль зөрчөөгүй байх тул хариуцагчийн зөвшөөрлийг баталж, хэргийг хэрэгсэхгүй болгох нь зүйтэй.

Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид урьдчилан төлсөн 233481 төгрөгийг орон нутгийн төсвийн орлогод хэвээр үлдээж, хариуцагчаас улсын тэмдэгтийн хураамжийн тал хувь болох 116740 төгрөгийг, үлдэх  116740 төгрөгийг орлогоос тус тус гаргуулан нэхэмжлэгчид олгох нь 

 

               Иргэний хэрэг шүүхэд хянан шийдвэрлэх тухай хуулийн 75 дугаар зүйлд  заасныг удирдлага болгон  ЗАХИРАМЖЛАХ нь:

 

1.Иргэний хэрэг шүүхэд хянан шийдвэрлэх тухай хуулийн 74 дүгээр  зүйлийн 74.2 дахь хэсэгт зааснаар Капитал банкны Сэлэнгэ салбарын нэхэмжлэлтэй хариуцагч  Н.Сэлэнгэд холбогдох “15.106.163,07 төгрөг гаргуулах”-ыг хүссэн нэхэмжлэлийн шаардлагыг хариуцагч нь бүрэн хэмжээгээр төлөхөөр хүлээн зөвшөөрснийг баталж хэргийг хэрэгсэхгүй болгосугай.     

2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид урьдчилан төлсөн 233481 төгрөгийг орон нутгийн төсвийн орлогод хэвээр үлдээж, хариуцагчаас улсын тэмдэгтийн хураамжийн тал хувь буюу 116740 төгрөгийг, үлдэх 116740 төгрөгийг орон нутгийн төсвийн орлогоос тус тус гаргуулан нэхэмжлэгчид олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэж болохыг дурьдсугай.

4. Иргэний хэрэг шүүхэд хянан шийдвэрлэх тухай хуулийн 74 дугаар зүйлийн 74.4 дэх хэсэгт зааснаар зохигч давж заалдах, хяналтын  журмаар  гомдол гаргах, тухайн асуудлаар анхан шатны шүүхэд дахин шийдвэрлүүлэхээр нэхэмжлэл гаргах эрхгүйг дурьдсугай.

 

 

ШҮҮГЧ                       Б.МӨНХЗУЛ