2016 оны 08 сарын 29 өдөр

Дугаар 182/ШШ2016/00476

Улаанбаатар хот

 

                                  

                                             Хариуцагчийн зөвшөөрлийг баталж,

                                                хэргийг хэрэгсэхгүй болгох тухай

                                                             

 

Чингэлтэй дүүргийн иргэний хэргийн анхан шатны шүүхийн шүүгч Т.Энхтуяа би,

Нэхэмжлэгч: Чингэлтэй дүүрэг, Их эзэн чингис хааны нэрэмжит талбай-11, өөрийн байранд байрлах, Улаанбаатар хотын банк /РД:2637545/-ны нэхэмжлэлтэй,

Хариуцагч: Чингэлтэй дүүргийн 19 дүгээр хороо, Зуун мод, 2 дугаар гудамжны 6 тоот /Хан-Уул дүүргийн 3 дугаар хороо, 48 байрны 27 тоот/-д оршин суух, Алаг Адуу овогт Маналжавын Даваарагч /ХП67052813/-д холбогдох 

Зээлийн гэрээний үүрэгт 2.476.921 төгрөг гаргуулах тухай хэргийг хянаад

       

  ТОДОРХОЙЛОХ НЬ:

 

Нэхэмжлэгч шүүхэд гаргасан нэхэмжлэлдээ: ...М.Даваарагч нь Улаанбаатар хотын банктай 2015.02.17-ны өдөр ЦЗГ0302/150217 тоот цалингийн зээлийн гэрээ байгуулж, нийт 4.500.000 төгрөгийг жилийн 22.80%-ийн хүүтэй 36 сарын хугацаатай зээлж авсан. Зээлдэгч М.Даваарагч нь зээлийг графикт хуваарийн дагуу төлөх үүргээ 2015 оны 07 сараас эхлэн биелүүлэлгүй зээлийн зөрчил үүсгэсэн. Зээлдэгчийг уг төлбөрөө төлөхийг удаад дараа мэдэгдэн шаардсан боловч, төлбөр төлөх бололцоогүй гэх тайлбарыг өгч өр төлбөрөө төлөхөөс татгалздаг ба гэрээний үнийн дүнгийн 30%-тай тэнцэх хэмжээний зөрчил үүсгэсэн. Иймд зээлийн гэрээний үүрэгт 2.476.921 төгрөг гаргуулж өгнө үү гэжээ.

 

Хариуцагч шүүхэд ирүүлсэн тайлбартаа: ...Миний бие Улаанбаатар хотын банкны гаргасан нэхэмжлэлийг уншиж, танилцлаа.  Нэхэмжлэлийн шаардлага болох 2.476.921 төгрөгийг төлөхийг хүлээн зөвшөөрч байна. Бидний хооронд өөр ямар нэгэн маргаан байхгүй гэжээ. 

ҮНДЭСЛЭХ НЬ:

 

Нэхэмжлэгч Улаанбаатар хотын банк нь хариуцагч М.Даваарагчид холбогдуулж зээлийн гэрээний үүрэгт 2.476.921 төгрөг гаргуулахаар нэхэмжилжээ.

 

Хэрэг хянан шийдвэрлэх ажиллагааны явцад хариуцагч М.Даваарагч нь нэхэмжлэлийн шаардлага болох 2.476.921 төгрөгийг нэхэмжлэгч Улаанбаатар хотын банкинд төлөхийг зөвшөөрсөн болох нь түүний шүүхэд ирүүлсэн бичгийн тайлбараар тогтоогдож байна.

 

Иймд хариуцагчийн зөвшөөрлийг баталж, хэргийг хэрэгсэхгүй болгон хялбаршуулсан журмаар шийдвэрлэх үндэслэлтэй.    

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                         

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2‑т заасныг удирдлага болгон

ЗАХИРАМЖЛАХ НЬ:    

1.Нэхэмжлэгч Улаанбаатар хотын банкинд 2.476.921 төгрөг төлөхийг зөвшөөрсөн хариуцагч М.Даваарагчийн зөвшөөрлийг баталж, хэргийг хэрэгсэхгүй болгосугай. 

 

           2.Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс тэмдэгтийн хураамжид төлсөн 54.581 төгрөгийн тал хувь 27.290,5 төгрөгийг буцааж, хариуцагч М.Даваарагчаас 27.290,5 төгрөгийг гаргуулж нэхэмжлэгч Улаанбаатар хотын банкинд тус тус олгосугай.

           

            3.Захирамж нь шийдвэрийн нэгэн адил биелэгдэхийг дурдсугай.

 

4.Захирамжид зохигчид давж заалдах, хяналтын журмаар хянан шийдвэрлүүлэхээр гомдол гаргах болон тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

ШҮҮГЧ                                    Т.ЭНХТУЯА