77104949 [email protected]
Шийдвэрийн мэдээлэл
Шүүх Төв аймаг дахь сум дундын анхан шатны шүүх /Иргэний хэрэг/
Шүүгч Эрдэнэжаргалын Ариунаа
Хэргийн индекс 151/2016/00306/И
Дугаар 151/ШШ2016/00539
Огноо 2016-06-02
Маргааны төрөл Гэрлэлт цуцалсан,
Хүүхдийн тэтгэлэг гаргуулах,

Холбоотой шийдвэрүүд
 
 

Төв аймаг дахь сум дундын анхан шатны шүүх /Иргэний хэрэг/ийн Шийдвэр

2016 оны 06 сарын 02 өдөр

Дугаар 151/ШШ2016/00539

 
  1. Гэр бүлийн тухай хуулийн 14 дүгээр зүйлийн 14.1-д зааснаар Ц.Ч, М.С нарын гэрлэлтийг цуцалсугай.
  2. Гэр бүлийн тухай хуулийн 14 дүгээр зүйлийн 14.6-д заасныг баримтлан 2011 оны 06 сарын 05 өдөр төрсөн хүү Ч.Э, 2012 оны 09 дүгээр сарын 16 өдөр төрсөн охин Ч.О нарыг эх М.С-ийн асрамжид тус тус үлдээсүгэй.
  3. Гэр бүлийн тухай хуулийн 40 дүгээр зүйлийн 40.1-д зааснаар хүү Ч.Э, охин Ч.О нарыг 11 нас хүртэл тухайн бүс нутагт тогтоогдсон амьжиргааны доод түвшингийн 50 хувиар, 11-16 нас /суралцаж байгаа бол 18 нас/-тай болон насанд хүрсэн боловч хөдөлмөрийн чадваргүй бол амьжиргааны доод түвшингийн хэмжээгээр сар бүр эцэг Ц.Ч-ээс тэтгэлэг гаргуулан тэжээн тэтгүүлсүгэй.
  4. Хүүхдийн эрхийг хамгаалах тухай хуулийн 5 дугаар зүйлийн 3-т зааснаар хүү Ч.Э, Ч.О нарыг эцэг Ц.Ч-тэй уулзуулж байхыг эх М.С-т үүрэг болгосугай.
  5. Иргэний хуулийн 129 дүгээр зүйлийн 129.2, 130 дугаар зүйлийн 130.1 дүгээр зүйл, Гэр бүлийн тухай хуулийн 14 дүгээр зүйлийн 14.6-д зааснаар хамтран өмчлөх дундын эд хөрөнгөөс адуу 5, хонь 5, ямаа 5, бүгд 15 толгой малыг Ц.Ч-д үлдээж, М.Сг, Ч.Э, Ч.О нарт адуу 10, хонь 10, ямаа 15 бүгд 35 толгой малыг Ц.Ч-ээс гаргуулан олгосугай.
  6. Иргэний хэрэг шүүхэд хянан шийдвэрлэх тухай хуулийн 60 дугаар зүйлийн 60.1-д заасныг баримтлан нэхэмжлэгчээс улсын тэмдэгтийн хураамжид төлсөн 70.200 төгрөгийг төрийн санд хэвээр үлдээж, хариуцагчаас 70.200 төгрөгийг гаргуулж нэхэмжлэгчид олгож, 46 496 төгрөг гаргуулан улсын орлогод оруулсугай.
  7. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2-т зааснаар шийдвэр танилцуулан сонсгомогц хүчинтэй болох ба энэ хуулийн 119 дүгээр зүйлийн 119.3-т заасан /7 хоног/ хугацаа өнгөрснөөс хойш 14 хоногийн дотор шүүхэд хүрэлцэн ирж шийдвэрийг өөрөө гардан авахыг шүүх хуралдаанд оролцсон талд мэдэгдсүгэй.
  8. Шийдвэрийг гардан аваагүй нь гомдол гаргах хугацааг хуульд заасан журмын дагуу тоолоход саад болохгүй ба Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар зохигч, гуравдагч этгээд, тэдгээрийн төлөөлөгч буюу өмгөөлөгч анхан шатны шүүхийн шийдвэрийг гардан авснаас хойш 14 хоногийн дотор Төв аймгийн Эрүү, Иргэний хэргийн давж заалдах шатны шүүхэд гомдол гаргах эрхтэйг дурдсугай.
  9. Гэр бүлийн тухай хуулийн 14 дүгээр зүйлийн 14.9-д зааснаар гэрлэлт цуцалсан тухай шийдвэрийн хувийг шийдвэр хүчин төгөлдөр болсноос хойш ажлын гурван өдрийн дотор гэрлэлтийг бүртгэсэн  иргэний гэр бүлийн бүртгэлийн байгууллагад явуулахыг шүүгчийн туслах Ж.Оюунзулд даалгасугай.