Зохигчдын эвлэрлийг баталж,

хэргийг хэрэгсэхгүй болгох тухай

 

 

Сэлэнгэ аймгийн Мандал сум дахь Сум дундын шүүхийн шүүгч Д.Ренченхорол даргалж тус шүүхийн танхимд хийсэн шүүх хуралдаанаар:

 

  Нэхэмжлэгч: Сэлэнгэ аймгийн Мандал суманд 1989 оны 07 дугаар сарын 13-ны өдөр төрсөн, 27 настай, эмэгтэй, эрхэлсэн тодорхой ажилгүй, ам бүл 4, нөхөр 2 хүүхдийн хамт амьдардаг, Сэлэнгэ аймгийн Мандал сумын 9-р баг, Энхтайваны 63 тоотод оршин суух

 

Тайжууд овгийн Данзангийн Т /РД:МЗ89071360/-ийн нэхэмжлэлтэй,

 

  Хариуцагч: Сэлэнгэ аймгийн Мандал суманд 1990 оны 11 дүгээр сарын 20-ны өдөр төрсөн, 26 настай, эрэгтэй, Шүүхийн шийдвэр гүйцэтгэх ерөнхий газрын харъяа хорих 433 дугаар ангид хянагч ажилтай, Сэлэнгэ аймгийн Мандал сумын 9-р баг Энхтайванын 63 тоотод оршин суух,

 

Еншөөбүү овгийн Энхбаатарын Б /РД:ТБ90112070/-д холбогдох

 

Гэрлэлт цуцлуулж, хүүхдийн асрамж, тэтгэлэг тогтоолгох тухай иргэний хэргийг хэлэлцэв.

 

          Шүүх хуралдаанд: Нэхэмжлэгч                      Д.Т

                                          Хариуцагч                        Э.Б

                                          Нарийн бичгийн дарга    Б.Цагаанцоож нар оролцов.

 

Тодорхойлох нь:

 

Нэхэмжлэгч Д.Т шүүх хуралдаан дээр гаргасан тайлбартаа: Шүүхээс биднийг эвлэрэн хэлэлцүүлэхээр өгсөн нэг сарын хугацаанд бид хоёр хоорондоо сайтар ярилцаад наашдаа эвлэрлэе гэсэн саналтай байна. Иймд бидний эвлэрлийг баталж өгнө үү гэжээ.

 

Хариуцагч Э.Б шүүх хуралдаан дээр гаргасан тайлбартаа: Миний хувьд ч гэсэн адилхан саналтай байгаа. Цаашид үр хүүхдүүдийнхээ төлөө гэр бүлээ сайхан авч явах болно. Иймээс бидний эвлэрлийг баталж өгнө үү гэжээ.

 

Үндэслэх нь:

 

Нэхэмжлэгч Д.Т нь хариуцагч Э.Бс гэрлэлт цуцлуулж, хүүхдийн асрамж, тэтгэлэг тогтоолгохоор нэхэмжлэл гаргасан ба шүүхээс 2016 оны 06 дугаар сарын 07-ны өдрийн шүүх хуралдаанаар зохигчдыг эвлэрүүлэх арга хэмжээ авч 1 сарын хугацаагаар хэргийг түдгэлзүүлсэн ба зохигч талууд эвлэрсэн нь тэдний шүүх хуралдаан дээр өгсөн мэдүүлгээр нотлогдож, хуульд харшлах зүйлгүй байх тул зохигчдын эвлэрлийг баталж хэргийг хэрэгсэхгүй болгох нь зүйтэй байна. 

 

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн 123.1, 132 дугаар зүйлийн 132.3-г удирдлага болгон

 

                                                            Захирамжлах нь:

 

1. Д.Тн нэхэмжлэлтэй Э.Бд холбогдох  гэрлэлт цуцлуулж, хүүхдийн асрамж, тэтгэлэг тогтоолгох тухай иргэний хэрэгт гэрлэгчид эвлэрсэнийг баталж хэргийг хэрэгсэхгүй болгосугай.
2. Нэхэмжлэгчийн улсын тэмдэгтийн хураамжинд төлсөн 70200 төгрөгийг төрийн сангийн дансанд хэвээр үлдээсүгэй.
3. Захирамжинд гомдол гаргах эрхгүйг дурдсугай.

 

 

 

 

 

ДАРГАЛАГЧ                               Д.РЕНЧЕНХОРОЛ