2016 оны 6 сарын 17 өдөр

Дугаар 151/ШШ2016/00599

Төв аймаг

МОНГОЛ УЛСЫН НЭРИЙН ӨМНӨӨС

Төв аймаг дахь Сум дундын Иргэний хэргийн анхан шатнышүүх хуралдааныг тус шүүхийн шүүгч Э.Ариунаа даргалж,

Нэхэмжлэгч: Шүүхийн шийдвэр гүйцэтгэх ерөнхий газрын Согтуурах мансуурах донтой өвчтөнг албадан эмчлэх, албадан хөдөлмөр хийлгэх газар

Гуравдагч этгээд: Улаанбаатар хот, Баянгол дүүрэг, 17 дугаар хороо, 36 дугаар байрны 84 тоотод оршин суух Жаагийнхан овогт Дагвадоржийн Батболд, РД: /ХЖ77051070/-д холбогдох өвчний учир албадан эмчилгээ, албадан хөдөлмөр хийлгэхээс хугацаанаас нь өмнө дуусгавар болгох хүсэлтийг хүлээн авч 2016 оны 06 дугаар сарын 17 өдөр тус шүүхийн шүүх хуралдааны танхимд нээлттэй хянан хэлэлцэв.

Шүүх хуралдаанд: Нэхэмжлэгчийн итгэмжлэгдсэн төлөөлөгч эмч, дэслэгч Б.Энхболд, гуравдагч этгээд Д.Батболд, шүүх хуралдааны нарийн бичгийн дарга А.Солонго нар оролцов.

      

ТОДОРХОЙЛОХ НЬ:

Нэхэмжлэгчийн итгэмжлэгдсэн төлөөлөгч шүүх хуралдаанд гаргасан тайлбартаа: 

“Өвчтөн Д.Батболд нь 2016 оны 5 дугаар сарын 13 өдөр Баянгол дүүргийн шүүхийн шийдвэрээр ирсэн. Ирсэнээсээ хойш шинж тэмдэг, хордлого тайлах, сэтгэл заслын  эмчилгээ хийлгэсэн. Эмчилгээ хийлгэж байхдаа зүрхээр нь хатгадаг, зүрхний хэм алдалттай, амьгаадалт ихтэй байсан. Манай байгууллагын эмчлэхэд харшлах 8 өвчинд орж байгаа учраас эмчилгээг зогсоох шаардлагатай саналаар орж ирсэн. Эмчлүүлж байх хугацаандаа харшлах заалттай ураас яг үндсэн эмчилгээ хийгдээгүй. 2005 оны эрүүл мэндийн сайдын тушаалын 3.3-т заасан зүрхний дутмагшил гэдэг өвчинтэй учраас эмчилгээг хугацаанаас өмнө дуусгавар болгох саналтай байна” гэв.

 

Гуравдагч этгээд Д.Батболд нь шүүх хуралдаанд тайлбарлахдаа:

“Би 2016 оны 05 дугаар сарын 13 өдөр ирж эмчлүүлсэн. Энд  хэвтэн эмчлүүлж байх хугацаанд архины эмчилгээ хийлгээгүй, сэтгэл зүйн эмчилгээнд бүрэн суусан, мөн эндээс гараад багштайгаа холбоотой байж байгаад хотод сэтгэл заслын эмчилгээнд үргэлжлүүлэн суух бодолтой байгаа” гэв.

Иргэний хэрэг шүүхэд хянан шийдвэрлэх тухай хуульд заасан журмын дагуу энэ хэрэгт цугларсан бичгийн баримтууд, нэхэмжлэгч, гуравдагч этгээдийн тайлбарыг шинжлэн судлаад

                                                                                                               ҮНДЭСЛЭХ НЬ:

Согтуурах мансуурах донтой өвчтөнг албадан эмчлэх, албадан хөдөлмөрхийлгэх газар нь гуравдагч этгээд Д.Батболдын албадан эмчлэх, албадан хөдөлмөр хийлгэхээс хугацаанаас нь өмнө дуусгавар болгох тухай хүсэлтийг шүүхэд гаргажээ.

Б.Батболд нь Баянгол, Хан-Уул, Сонгинохайрхан дүүргийн Иргэний хэргийн анхан шатны  шүүхийн 2016 оны 05 сарын 13 өдрийн 03937  дугаартай шийдвэрээр тус газарт  эмчлүүлэхээр ирсэн байна.

Б.Батболд нь цаашид эмчилгээ хийхэд харшлах өвчний заалттай болох нь Согтуурах мансуурах донтой өвчтөнг албадан эмчлэх, албадан хөдөлмөр хийлгэх газрын эмч нарын 2016 оны 06 дугаар сарын 16 өдрийн ажлын хэсгийн хуралдааны тэмдэглэл, зохигчдын тайлбар зэргээр нотлогдож байна.

Албадан эмчлэхтэй холбогдсон журам батлах тухай Эрүүл мэндийн сайд, Улсын Ерөнхий прокурорын 2005 оны 7 сарын 20 өдрийн хамтарсан 152/188 дугаартай тушаалын 1 дүгээр хавсралтын гуравт заасан албадан эмчилгээ хийхэд харшлах өвчний жагсаалтын 3.3-д зүрх, судасны дутмагшил гэж заасан байх ба Б.Батболд нь зүрхний дутмагшил өвчтэй болох нь нотлогдож байх тул түүний эмчилгээг хугацаанаас нь өмнө зогсоож, албадан эмчилгээний хугацааг дуусгавар болгох хууль зүйн үндэслэлтэй байна гэж дүгнэв.

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн115.2.1, 116, 118, 135 дугаар зүйлийн 135.2.14-д заасныг тус тус удирдлага болгон

ТОГТООХ НЬ:

1. Согтуурах мансуурах донтой өвчтэй этгээдийг захиргааны журмаар албадан  эмчлэх, албадан хөдөлмөр хийлгэх тухай хуулийн 11 дүгээр зүйлийн 11.5, 12 дугаар зүйлийн 12.2 дахь хэсэгт зааснаар Д.Батболдын албадан эмчлэх хугацааг дуусгавар болгосугай.

2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.3, Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар нэхэмжлэгч байгууллага нь улсын тэмдэгтийн хураамжаас чөлөөлөгдсөн болохыг дурдсугай.

3. Албадан эмчилгээний хугацаа дууссан талаар эмчлүүлэгчийн ар гэрийнхэнд нь мэдэгдэж, зохих байгууллага болон ар гэрийнхэнд нь хүлээлгэж өгөхийг Согтуурах мансуурах донтой өвчтөнг албадан эмчлэх, албадан хөдөлмөр хийлгэх газарт даалгасугай.

 4. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2-т зааснаар шийдвэр нь танилцуулан сонсгомогц хүчинтэй болохыг мэдэгдсүгэй.

 5. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар хүсэлт гаргагч шүүхийн шийдвэрийг гардан авснаас хойш, Иргэний хэрэг шүүхэдхянан шийдвэрлэх тухай хуулийн 134 дүгээр зүйлийн 134.1, Согтуурах мансуурах донтойөвчтэй этгээдийг захиргааны журмаар албадан эмчлэх, албадан хөдөлмөр хийлгэх тухайхуулийн 6 дугаар зүйлийн 6.4-т зааснаар гуравдагч этгээд шүүхийн шийдвэр гарсанөдрөөс 14 хоногийн дотор Төв аймгийн Эрүү,Иргэний хэргийн давж заалдах шатны шүүхэд давж заалдах гомдол гаргах эрхтэйг дурдсугай.

 

ДАРГАЛАГЧ ШҮҮГЧ                                              Э.АРИУНАА