2016 оны 08 сарын 12 өдөр

Дугаар 181/ШШ2016/00480

Улаанбаатар хот

 

  МОНГОЛ УЛСЫН НЭРИЙН ӨМНӨӨС

 

 

Сүхбаатар дүүргийн Иргэний хэргийн анхан шатны шүүхийн шүүгч Д.Нямбазар даргалж, тус шүүхийн танхимд хийсэн шүүх хуралдаанаар,

 

Нэхэмжлэгч: Сүхбаатар дүүрэг, 7-р хороо, 11-р хороолол, 10-145 тоот хаягт оршин суух Ихтугч овогт Доржийн Чулуунцэцэг /рд:ЧТ73121304/-ийн нэхэмжлэлтэй,

 

Салхи овогт Бадамжавын Цэвээн /рд:ЙС69091607/-ийг эрэн сурвалжлуулах тухай иргэний хэргийг хянан хэлэлцэв.

 

Шүүх хуралдаанд: Нэхэмжлэгч Д.Чулуунцэцэг, шүүх хуралдааны нарийн бичгийн дарга Б.Халиун оролцов.

ТОДОРХОЙЛОХ нь:

 

Нэхэмжлэгч Д.Чулуунцэцэг нь шүүхэд гаргасан нэхэмжлэлдээ: Миний бие Б.Цэвээнтэй 2015 оны 6 сарын 23-ны өдөр Сүхбаатар дүүрэг, 7-р хороо, 11-р хороолол, 10-145 тоот хаяг бүхий 3 өрөө байрыг 2 жилийн хугацаатай, сарын 900.000 төгрөгийн түрээсийн төлбөртэй, хугацаа хэтэрсэн хоног тутамд 0,1 хувийн алданги тооцох нөхцөлтэйгээр байгуулсан. Б.Цэвээн нь 2016 оны 01 сараас 6 сар хүртэл түрээсийн төлбөрөө огт төлөөгүй. Баянгол дүүргийн иргэний шүүхэд Б.Цэвээнд холбогдуулан нэхэмжлэл гаргасан боловч тус шүүхээс хаягтаа байхгүй гээд 2016 оны 7 сарын 08-ны өдрийн 102/ШЗ2016/21212 дугаар “Нэхэмжлэлийг хүлээн авахаас татгалзах” захирамж гарсан. Иймд Б.Цэвээнийг эрэн сурвалжилж өгнө үү гэжээ.

ҮНДЭСЛЭХ нь:

 

Нэхэмжлэгч Д.Чулуунцэцэг нь Б.Цэвээнийг эрэн сурвалжлуулах тухай нэхэмжлэлийн шаардлага гаргасныг шүүх хангаж шийдвэрлэв.

 

Б.Цэвээн нь иргэний эрх зүйн маргаанд хариуцагчаар оролцвол зохих этгээд бөгөөд оршин суух хаяг нь тодорхойгүй байгаа болох нь талуудын хооронд 2015 оны 6 сарын 23-ны өдөр байгуулагдсан түрээсийн гэрээ, Баянгол  дүүргийн Иргэний хэргийн анхан шатны шүүхийн шүүгчийн 2016 оны 7 сарын 08-ны өдрийн “Нэхэмжлэлийг хүлээн авахаас татгалзах тухай” 102/ШЗ2016/21212 дугаар захирамж зэрэг баримтаар нотлогдож байна.

 

Эрх зүйн маргаанд хариуцагчаар оролцвол зохих этгээдийн хаяг тодорхойгүйгээс нэхэмжлэгч нь Монгол Улсын Үндсэн хууль болон Иргэний хэрэг шүүхэд хянан шийдвэрлэх тухай хуульд заасан шүүхэд мэдүүлэх эрхээ хэрэгжүүлэх боломжгүй нөхцөл байдал бий болсон байх тул хариуцагчийг эрэн сурвалжлуулах тухай нэхэмжлэлийг хангаж шийдвэрлэх үндэслэлтэй байна гэж үзэв.

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118, 133 дугаар зүйлийн 133.1.9-д заасныг удирдлага болгон

 

ТОГТООХ нь:

 

1. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.3-т зааснаар Д.Чулуунцэцэгийн нэхэмжлэлээр эрх зүйн маргаанд хариуцагчаар оролцвол зохих этгээд болох Салхи овогт Бадамжавын Цэвээн /рд:ЙС69091607/-ийг эрэн сурвалжилсугай.

 

1. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.4-д зааснаар Салхи овогт Бадамжавын Цэвээнийг эрэн сурвалжилж, түүний оршин суух хаягийг олж тогтоох ажиллагааг Цагдаагийн байгууллагаар гүйцэтгүүлсүгэй.

 

1. Түрээсийн гэрээ байгуулах үед Б.Цэвээн нь Баянгол дүүргийн 12-р хороо, 12-р байрны 95 тоот хаягт оршин сууж байсан, мөн Б.Цэвээний эзэмшиж байсан гар утасны дугаар 96011688, 99177842, охин н.Тэмүүлэнгийн гар утасны дугаар 99194647 болохыг дурдсугай.

 

1. Улсын тэмдэгтийн хураамжийн тухай хуулийн 7 дугаар зүйлийн 7.1.2, Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1-т зааснаар нэхэмжлэгчээс тэмдэгтийн хураамжид төлсөн 70.200 төгрөгийг улсын төсвийн орлогод хэвээр үлдээсүгэй.

 

1. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 120 дугаар зүйлийн 120.2-т зааснаар шийдвэр танилцуулан сонсогмогц хүчинтэй болох ба зохигч, гуравдагч этгээд, тэдгээрийн төлөөлөгч буюу өмгөөлөгч анхан шатны шүүхийн шийдвэрийг гардан авсан өдрөөс хойш 14 хоногийн дотор Нийслэлийн Иргэний хэргийн давж заалдах шатны шүүхэд гомдол гаргаж болохыг дурдсугай.

 

                                                                                                

 

 

ДАРГАЛАГЧ, ШҮҮГЧ                                      Д.НЯМБАЗАР