2016 оны 5 сарын 04 өдөр     Дугаар 156/ШШ2016/00272    Хэнтий аймаг

 

 Хариуцагчийн зөвшөөрлийг баталж,
хэргийг хэрэгсэхгүй болгох тухай

    Хэргийн индекс 156/2016/00296/И

               Хэнтий аймаг дахь сум дундын иргэний хэргийн анхан шатны шүүхийн шүүгч Ж.Болдбаатар би,
              Нэхэмжлэгч: Хэнтий аймгийн Цагдаагийн газрын нэхэмжлэлтэй, 
              Хариуцагч: Хэнтий аймаг, Батноров сум, 3 дугаар багт оршин суух, иргэн Гомбын Цогтбаатарт холбогдох
              4 150 төгрөг гаргуулах тухай иргэний хэргийг хянаад                                                                                                                                                                                                             
                                                                                                             
ТОДОРХОЙЛОХ НЬ:

   Нэхэмжлэгч  Хэнтий аймгийн Цагдаагийн газрын дарга П.Оростогоо шүүхэд гаргасан нэхэмжлэлийн шаардлагадаа:
  Хэнтий аймаг, Батноров сум, 3 дугаар багт оршин суух эрхэлсэн тодорхой ажилгүй Гомбын Цогтбаатар нь 2015 оны 11 дүгээр сарын 26-ны өдөр согтуугаар цагдаагийн албан хаагчийн шаардлага эсэргүүцсэн зөрчлөөр саатуулагдсан ба саатуулах байрны үйлчилгээний төлбөр 4 150 төгрөг /дөрвөн мянга нэг зуун тавин төгрөг/-ийг төлөөгүй тул гаргуулж өгнө үү гэжээ.

  Хариуцагч  Г.Цогтбаатар шүүхэд ирүүлсэн тайлбартаа:
  Миний бие нэхэмжилсэн 4 150 төгрөгийг 2016 оны 04 дүгээр сарын 05-ны дотор төлж барагдуулна гэжээ.

 Шүүх  хэрэгт авагдсан бичгийн баримтуудыг шинжлэн судлаад                                                                                                                                                                                                                                                           

ҮНДЭСЛЭХ НЬ:

 Нэхэмжлэгч Хэнтий аймгийн Цагдаагийн газар нь хариуцагч Г.Цогтбаатараас саатуулах байрны үйлчилгээний төлбөр 4 150 төгрөгийг нэхэмжилсэн ба хариуцагч 4 150 төгрөгийг маргаангүйгээр бүрэн хэмжээгээр төлөхөөр зөвшөөрсөн байх тул хариуцагчийн зөвшөөрлийг  баталж, хэргийг хэрэгсэхгүй болгох үндэслэлтэй юм.
           
            Иргэний хэрэг шүүхэд хянан шийдвэрлэх тухай хуулийн  74-р зүйлийн 74.2-т заасныг удирдлага болгон                                                                                                                                                                                                        
ЗАХИРАМЖЛАХ НЬ:
1. Нэхэмжлэгч Хэнтий аймгийн Цагдаагийн газрын нэхэмжлэлтэй хариуцагч Г.Цогтбаатарт холбогдох саатуулах байрны үйлчилгээний төлбөр 4 150 төгрөгийг гаргуулахыг хүссэн нэхэмжлэлтэй иргэний хэрэгт хариуцагчийн зөвшөөрлийг баталж, хэргийг хэрэгсэхгүй болгосугай.
           2. Нэхэмжлэгч байгууллага нь улсын тэмдэгтийн хураамжаас чөлөөлөгдсөн болохыг дурдсугай.

           3. Шүүгчийн захирамжийг хариуцагч нь сайн дураар биелүүлээгүй бол шийдвэрийн нэгэн адил албадан гүйцэтгэхийг анхааруулсугай. 
           4 .Зохигчид нь энэ захирамжинд давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

                                    ШҮҮГЧ                                      Ж.БОЛДБААТАР