2016 оны 09 сарын 02 өдөр

Дугаар 151/ШШ2016/00926

Баян сум

МОНГОЛ УЛСЫН НЭРИЙН ӨМНӨӨС

            Төв аймаг дахь Сум дундын Иргэний хэргийн анхан шүүхийн шүүгч Б.Цолмон  даргалж,   Төв аймгийн Баян суман дахь Согтуурах мансуурах донтой өвчтөнг албадан эмчлэх, албадан хөдөлмөр хийлгэх газрын хурлын танхимд хийсэн шүүх хуралдаанаар

 

Нэхэмжлэгч: Шүүхийн Шийдвэр Гүйцэтгэх Ерөнхий Газрын харъяа Төв аймгийн Баян суман дахь Согтуурах мансуурах донтой өвчтөнг албадан эмчлэх, албадан хөдөлмөр хийлгэх газрын хүсэлттэй,

 

Улаанбаатар хотын Баянзүрх дүүргийн 18 дугаар хороо, 18-325 тоотод оршин суух хаягтай, Монгол овгийн Пүрвээгийн Мөнхбат /УД73121618/-ын эмчилгээний хугацааг дуусгавар болгуулах тухай  иргэний хэргийг хянан хэлэлцэв.

 

            Шүүх хуралдаанд: Нэхэмжлэгчийн төлөөлөгч Б.Энхболд, гуравдагч этгээд П.Мөнхбат, нарийн бичгийн дарга Г.Сугармаа нар оролцов.

 

ТОДОРХОЙЛОХ нь:

 

            Нэхэмжлэгч Согтуурах мансуурах донтой өвчтөнг албадан эмчлэх, албадан хөдөлмөр хийлгэх газар шүүхэд гаргасан хүсэлтдээ:

“Өвчтөн П.Мөнхбат нь Баянзүрх, Сүхбаатар, Чингэлтэй дүүргийн иргэний хэргийн анхан шатны шүүхийн 2016 оны 09 сарын 02-ний өдрийн 926 тоот шийдвэрээр тус газарт ирж эмчлэгдсэн. Тус газрын эмч нарын комиссын дүгнэлтээр П.Мөнхбат нь эмчилгээний үр дүнд зовиур шаналгаа арилж, архи уух дур хүсэлгүй болсон.

Иймд П.Мөнхбатын эмчилгээний хугацааг дуусгавар болгох хүсэлтэй байна гэжээ.

 

Гуравдагч этгээд П.Мөнхбат шүүх хуралдаанд гаргасан тайлбартаа: Миний бие тус газар ирж эмчлүүлээд архи уух дур хүсэлгүй болсон. Цаашид амьдарлаа бодоод сайхан амьдрах хүсэлтэй байна. Иймд миний эмчилгээний хугацааг дуусгавар болгож өгнө үү гэв.

 

Шүүх хуралдаанаар хэлэлцэгдсэн болон хэрэгт авагдсан нотлох баримтуудыг шинжлэн судлаад

 

ҮНДЭСЛЭХ нь:

 

Шүүхийн Шийдвэр Гүйцэтгэх Ерөнхий Газрын харъяа Төв аймгийн Баян суман дахь Согтуурах мансуурах донтой өвчтөнг албадан эмчлэх, албадан хөдөлмөр хийлгэх газар нь өвчтөн П.Мөнхбатын албадан эмчилгээний хугацааг дуусгавар болгуулах тухай хүсэлтийг шүүхэд гаргажээ.

           

Өвчтөн П.Мөнхбатыг Баянзүрх, Сүхбаатар, Чингэлтэй дүүргийн иргэний хэргийн анхан шатны шүүхийн 2016 оны 09 сарын 02-ний өдрийн 926 тоот шийдвэрээр захиргааны журмаар албадан эмчлэхээр  шийдвэрлэж, тус газарт эмчилсэн байна. 

П.Мөнхбатын өвчний онцлог, эмчилгээний үр дүнг харгалзан “биеийн ерөнхий байдал сайжирч, зовиур шаналгаа арилан, архидан согтуурах эмгэг дуршил буурсан” тухай мэргэжлийн эмч нарын комиссын дүгнэлт  2016 оны 08 сарын 24-ны өдөр гарсан байна.

Иймд П.Мөнхбатад хийсэн эмчилгээний үр дүн, комиссын дүгнэлтийг үндэслэн албадан эмчилгээний хугацааг дуусгавар болгох нь үндэслэлтэй болно. 

 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118 дугаар зүйлүүдэд заасныг тус тус удирдлага болгон

 

ТОГТООХ нь:

 

            1. Согтуурах Мансуурах Донтой өвчтэй этгээдийг Захиргааны журмаар албадан эмчлэх, албадан хөдөлмөр хийлгэх тухай хуулийн 12 дугаар зүйлийн 12.2 дахь хэсэгт заасныг баримтлан П.Мөнхбатын албадан эмчилгээний хугацааг дуусгавар болгосугай.

 

            2. Улсын Тэмдэгтийн хураамжийн тухай хуулийн 41 дүгээр зүйлийн 41.1.3 дахь хэсэгт зааснаар нэхэмжлэгч нь улсын тэмдэгтийн хураамж төлөхөөс чөлөөлөгдсөн болохыг дурдсугай.

 

            3. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2 хэсэгт зааснаар шийдвэр нь танилцуулан сонсгомогц хуулийн хүчинтэй болохыг мэдэгдсүгэй.

           

4. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2 дахь хэсэгт зааснаар хүсэлт гаргагч, Согтуурах, мансуурах донтой өвчтэй этгээдийг захиргааны журмаар албадан хөдөлмөр хийлгэх тухай хуулийн 6 дугаар зүйлийн 6.4 дэх хэсэгт зааснаар эмчлүүлэгч этгээд шийдвэрийг тус тус эс зөвшөөрвөл гардан авснаас хойш 14 хоногийн дотор Төв аймаг дахь Эрүү, Иргэний хэргийн давж заалдах шатны шүүхэд  давж заалдах гомдол гаргах эрхтэйг дурдсугай.

 

 

 

 

ДАРГАЛАГЧ,ШҮҮГЧ                                 Б.ЦОЛМОН