2016 оны 09 сарын 26 өдөр

Дугаар 182/ШШ2016/00627

Улаанбаатар хот

МОНГОЛ УЛСЫН НЭРИЙН ӨМНӨӨС

 

Чингэлтэй дүүргийн иргэний хэргийн анхан шатны шүүхийн шүүгч Ц.Алтанцэцэг  даргалж, тус шүүхийн танхимд хийсэн шүүх хуралдаанаар

 

Хүсэлт гаргагч: Чингэлтэй дүүрэг, 3-р хороо, Тайвань төв, 206 тоотод байрлах, Мөстийн өвөр булаг ББСБ /регистрийн дугаар:5481228/-ын хүсэлттэй

 

Хариуцагчаар оролцвол зохих этгээд болох Машлайгийн Сонинцэцэг /регистрийн дугаар:ЧИ68012805/-ийг эрэн сурвалжлуулах тухай хэргийг хянан хэлэлцэв.

 

Шүүх хуралдаанд: Шүүх хуралдааны нарийн бичгийн дарга Б.Мишээл оролцов.

ТОДОРХОЙЛОХ нь:

 

Хүсэлт гаргагч “Мөстийн өвөр булаг БбСБ” ХХК нь шүүхэд гаргасан хүсэлтдээ: Манай байгууллага 2015 оны 10 дугаар сарын 29-ны өдөр иргэн М.Сонинцэцэгээс зээлийн төлбөр болох 17,359,200 гаргуулах тухай нэхэмжлэл гаргаж танай шүүхэд хандсан. Гэвч 2015 оны 11 сарын 06-ны өдрийн 35666 дугаартай эахирамжинд тусгасанаар нэхэмжлэлд дурьдсан хариуцагч М.Сонинцэцэг нь Чингэлтэй дүүргийн, 3 дугаар хороо, Энхтайваны өргөн чөлөө гудамжны 23/3 дугаар байрны 04 тоотод оршин суудаг бай бөгөөд одоогоор АНУ\Америкийн нэгдсэн улс\-д суралцаж байгаа талаар хорооны засаг тодорхойлолт ирүүлжээ” гэсэн байна. Хариуиагч нь Америкийн нэгдсэн улс-д сурадцаж байгаа хэдий ч манай байгууллагад төлөх ёстой зээлийн төлбөрийг дээрхи “Америкийн нэгдсэн улс-д суралцаж байгаа" гэх үндэслэлээр барагдуулахгуй байх нь учир дутагдалтай юм.

 

Манай байгууллагын зүгээс гаргаж буй уг нэхэмжлэл нь хариуцагч М.Сонинцэцэгийг цагдаагийн байгууллагын бүртгэлд хамруулах ба мөн уг хэргийн хөөн хэлэлцэх хугацааг дуусгавар болгохгүй байх зорилготой билээ. Иймд Чингэлтэй дүүргийн иргэний хэргийн анхан шатны шүүхэд Хариуцагч М.Сонинцэцэгийг эрэн сурвалжлуулах тухай хүсэлтийг гаргаж байна гэжээ.

 

Шүүх хуралдаанаар хавтаст хэрэгт цугларсан нотлох баримтуудыг шинжлэн судлаад ҮНДЭСЛЭХ нь:

 

Мөстийн өвөр булаг ББСБ нь иргэний эрх зүйн маргаанд хариуцагчаар оролцвол зохих этгээд болох М.Сонинцэцэгийг эрэн сурвалжлуулах хүсэлт гаргажээ. Мөстийн өвөр булаг ББСБ нь зээлийн төлбөр гаргуулах зорилгоор М.Сонинцэцэгийн оршин суугаа газрыг тогтоолгох, эрэн сурвалжлуулахыг хүсэж буйгаа шүүх хуралдаанд тайлбарлаж байна.

 

Хариуцагчаар оролцвол зохих этгээд болох М.Сонинцэцэгийн оршин суугаа газар тодорхойгүй болох нь хүсэлт гаргагчийн тайлбар, Чингэлтэй дүүргийн 9 дүгээр хорооны Засаг даргын тодорхойлолтоор тогтоогдож байна.  Иймд хүсэлтийг хүлээн авч, М.Сонинцэцэгийг эрэн сурвалжлах үндэстэй байна гэж үзлээ.

 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.1, 116, 118, 133 дугаар зүйлийн 133.1.9-д заасныг тус тус удирдлага болгон ТОГТООХ нь:

 

1. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.3-т зааснаар регистрийн ЧИ68012805 дугаартай, Машлайгийн Сонинцэцэгийг эрэн сурвалжилсугай.

 

1. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.4-т заасны дагуу регистрийн ЧИ68012805 дугаартай, Машлайгийн Сонинцэцэгийг эрэн сурвалжлах, түүний оршин суугаа газрыг тогтоох ажиллагааг хийж, энэ тухай хүсэлт гаргагч Мөстийн өвөр булаг ББСБ-д мэдэгдэхийг Чингэлтэй дүүргийн цагдаагийн хэлтэст даалгасугай.

 

1. Улсын тэмдэгтийн хураамжийн тухай 7 дугаар зүйлийн 7.1.2, Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 60 дугаар зүйлийн 60.1-д заасны дагуу хүсэлт гаргагчаас улсын тэмдэгтийн хураамжид төлсөн 70,200 төгрөгийг улсын төсвийн орлогод хэвээр үлдээсүгэй.

 

1. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 119.4, 119.7-д зааснаар шүүхийн шийдвэр танилцуулан сонсгомогц хүчин төгөлдөр болох бөгөөд шүүх хуралдаанд оролцогч тал шүүхэд хүрэлцэн ирж шийдвэрийг гардан авах үүрэгтэй. Гардан аваагүй нь хуульд заасан журмын дагуу давж заалдах гомдол гаргах хугацааг тоолоход саад болохгүйг дурдсугай.

 

1. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар нэхэмжлэгч, түүний төлөөлөгч, өмгөөлөгч, шийдвэрийг гардан авсан өдрөөс хойш 14 хоногийн дотор Нийслэлийн иргэний хэргийн давж заалдах шатны шүүхэд  давж заалдах гомдол гаргах эрхтэйг дурдсугай.

 

 

•      ШҮҮГЧ                                                Ц.АЛТАНЦЭЦЭГ