Нэхэмжлэгчийн татгалзлыг баталж,

 хэргийг хэрэгсэхгүй болгох тухай

           

Баянгол дүүргийн Иргэний хэргийн анхан шатны шүүхийн шүүгч Ж.Кульдана би,

Нэхэмжлэгч: Чингэлтэй дүүрэг, Бага тойруу-3/9 тоотод байрлах “Жи Мобайл” ХХК,

           Хариуцагч: Баянгол дүүрэг, 5 дугаар хороо, 10 хороолол, Энхтайваны өргөн чөлөө, ТЭМ 105 байр, 77 тоотод оршин суух, Цогтсайхан овогт Гэндэнсүрэнгийн Сүрэнжав /РД:РЭ85100327/,

210.000 төгрөг гаргуулахыг шаардсан нэхэмжлэлийг 2016 оны 06 дугаар сарын 16-ны өдөр хүлээн авч хянаад

 

ТОДОРХОЙЛОХ нь:

 

Нэхэмжлэгч “Жи Мобайл” ХХК шүүхэд гаргасан нэхэмжлэлдээ: Г.Сүрэнжав нь “Жи Мобайл” ХХК-тай 2015 оны 03 дугаар сарын 25-ны өдөр төхөөрөмж зээлээр худалдах, худалдан авах гэрээ байгуулсан. Уг гэрээний дагуу 240000 төгрөгийн үнэтэй төхөөрөмж авч, урьдчилгаанд 20000 төгрөг өгч, 12 сарын хугацаатай сар бүр 20000 төгрөгөөр төлж дуусгах нөхцөлтэйгээр худалдан авсан. Г.Сүрэнжав нь одоо 140000 төгрөгийн төхөөрөмжийн үлдэгдэл төлбөртөй байгаа. Иймд Г.Сүрэнжаваас төхөөрөмжийн үлдэгдэл төлбөр 140000 төгрөг, гэрээнд заасны дагуу алданги 70000 төгрөг, нийт 210000 төгрөгийг гаргуулан өгч, компанийг хохиролгүй болгож өгнө үү гэжээ.

 

Нэхэмжлэгч “Жи Мобайл” ХХК-ийн итгэмжлэгдсэн төлөөлөгч Б.Отгонтуяа шүүхэд гаргасан хүсэлтдээ: Хариуцагч Г.Сүрэнжав нь төхөөрөмжийн үнэ 140.000 төгрөгийг 2016 оны 06 дугаар сарын 23-ны өдөр төлж барагдуулсан тул “Жи Мобайл” ХХК нь алдангид нэхэмжилсэн 70.000 төгрөгийн шаардлагаасаа татгалзаж байна. Иймд нэхэмжлэгчийн татгалзлыг баталж, хэргийг хялбаршуулсан журмаар шийдвэрлэж өгнө үү гэжээ.

 

ҮНДЭСЛЭХ  нь:

 

Нэхэмжлэгч “Жи Мобайл” ХХК нь хариуцагч Г.Сүрэнжавт холбогдуулан төхөөрөмжийн үлдэгдэл төлбөрт 210.000 төгрөг гаргуулахыг шаардсан нэхэмжлэлийг гаргажээ.

Хэрэг хянан шийдвэрлэх ажиллагааны явцад хариуцагч Г.Сүрэнжав нь нэхэмжлэлийн шаардлагаас 140.000 төгрөгийг 2016 оны 06 дугаар сарын 23-ны өдөр төлж барагдуулсан учир хариуцагч Г.Сүрэнжавт холбогдуулан гаргасан 210.000 төгрөг гаргуулах тухай нэхэмжлэлээсээ татгалзаж байгаа тухай хүсэлтийг гаргасан байна.

Нэхэмжлэгчийн татгалзал нь зохигчдын эрх ашиг болон хуульд харшлахгүй тул хэргийг хэрэгсэхгүй болгох нь зүйтэй.

Хэргийг хялбаршуулсан журмаар шийдвэрлэж байгаатай холбогдуулан нэхэмжлэгчээс улсын тэмдэгтийн хураамжид төлсөн 6950 төгрөгийн 3475 төгрөгийг Баянгол дүүргийн Татварын хэлтсийн 2602002965 тоот данснаас буцаан гаргуулж нэхэмжлэгч “Жи Мобайл” ХХК-д олгож шийдвэрлэв.

 

Иргэний хэрэг шүүхэд хянан шийдвэрлэх тухай хуулийн 74, 75, 123 дугаар зүйлийн 123.1. дэх хэсэгт заасныг тус тус удирдлага болгон

 

ЗАХИРАМЖЛАХ нь:

 

1. Нэхэмжлэгч “Жи Мобайл” ХХК нь хариуцагч Г.Сүрэнжавт холбогдуулан гаргасан 210.000 төгрөг гаргуулах тухай нэхэмжлэлээсээ татгалзсаныг баталж, хэргийг хэрэгсэхгүй болгосугай.

 

           2. Иргэний хэрэг шүүхэд хянан шийдвэрлэх тухай хуулийн 59 дүгээр зүйлийн 59.4. дэх хэсэгт заасны дагуу нэхэмжлэгчээс улсын тэмдэгтийн хураамжид урьдчилан төлсөн 6950 төгрөгийн 50 хувь болох 3475 төгрөгийг улсын орлогод хэвээр үлдээж, үлдэх 50 хувь буюу 3475 төгрөгийг Баянгол дүүргийн Татварын хэлтсийн 2602002965 тоот данснаас буцаан гаргуулж нэхэмжлэгч “Жи Мобайл” ХХК-д олгосугай.   

 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4. дэх хэсэгт зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг тайлбарласугай.

 

 

 

 

 

                                    ШҮҮГЧ                                        Ж.КУЛЬДАНА