Хариуцагчийн зөвшөөрлийг баталж,

хэргийг хэрэгсэхгүй болгох тухай

 

 

Хэргийн индекс: 135/2016/01216/И

 

Дархан-Уул аймаг дахь сум дундын Иргэний хэргийн анхан шатны шүүхийн шүүх хуралдааныг шүүгч Д.Алтантуяа даргалж, тус шүүхийн хурлын танхимд хийсэн шүүх хуралдаанаар

 

Нэхэмжлэгч: Улаанбаатар хот, Баянгол дүүрэг, 12 дугаар хороо, ****** дугаар бичил хороолол, ****** тоот хаягт байрлах, ******* тоот улсын бүртгэлийн дугаартай, ******* тоот регистрийн дугаартай ******* ******* ******* ХХК-ийн нэхэмжлэлтэй

 

Хариуцагч: Дархан-Уул аймаг, Дархан сумын ******дугаар баг, ******  дүгээр хороо, ******  тоотод оршин суух, регистрийн *******, ******* ******* овогт *******ын д холбогдох

 

456.000 төгрөг гаргуулахыг хүссэн нэхэмжлэлийг хүлээн авч 2016 оны 08 дугаар сарын 29-ний өдөр иргэний хэрэг үүсгэн хянан хэлэлцэв.

 

Шүүх хуралдаанд: хариуцагчийн итгэмжлэгдсэн төлөөлөгч Д.Оюунчимэг, шүүх хуралдааны нарийн бичгийн дарга Г.Дашдаваа нар оролцов.

 

ТОДОРХОЙЛОХ нь:

 

Нэхэмжлэгч ******* ******* ******* ХХК нь шүүхэд ирүүлсэн нэхэмжлэлдээ:

******* ******* ******* ХХК нь иргэн О.тай 2015 оны 11 дүгээр сарын 12-ны өдөр зээлийн болон барьцааны 10 дугаартай  барьцаат зээлийн гэрээ байгуулж, 500.000 төгрөгийг 30 хоногийн хугацаатай, 1 сарын 10 хувийн хүүтэй зээлдүүлж, зээлдэгч О. нь өдөрт 19.000 төгрөг төлж байхаар тохиролцсон. Гэрээний 3 дугаар зүйлд заасны дагуу зээлдэгч О. нь 2015 оны 12 дугаар сарын 12-ны өдөр үндсэн зээл 500.000 төгрөг, түүний хүү 51.000 төгрөг, нийт 551.000 төгрөгийг зээлдүүлэгчид төлөх үүрэг хүлээсэн боловч зээлдэгч О. нь үндсэн зээл болон түүний хүүгийн үлдэгдэл 304.000 төгрөгийг төлөөгүй өнөөдрийг хүрсэн. Байгууллагын зүгээс зээлдэгч О.г зээлээ төлөхийг удаа дараа шаардсан боловч элдэв шалтаг тоочиж, гэрээний үүргээ биелүүлэхгүй байгууллагын хохироосоор байгаа тул хариуцагч О.гаас үндсэн зээл болон хүүгийн үлдэгдэл 304.000 төгрөг, алданги 152.000 төгрөг, нийт 456.000 төгрөг гаргуулж өгнө үү гэжээ.

 

Хариуцагчийн итгэмжлэгдсэн төлөөлөгч шүүх хуралдаанд гаргасан тайлбартаа:

******* ******* ******* ХХК-ийн нэхэмжлэлтэй хариуцагч О.д холбогдуулан гаргасан нэхэмжлэлийн шаардлагыг шүүх хуралдааны явцад хүлээн зөвшөөрч тайлбар гаргалаа гэв.

ҮНДЭСЛЭХ нь:

 

******* ******* ******* ХХК-ийн нэхэмжлэлтэй, хариуцагч О.д холбогдох 456.000 төгрөг гаргуулах тухай иргэний хэргийг шүүх хуралдаанаар хянан хэлэлцэх явцад хариуцагчийн итгэмжлэгдсэн төлөөлөгч Д.Оюунчимэг нь нэхэмжлэлийн шаардлага болох 456.000 төгрөгийг төлж барагдуулна гэж зөвшөөрсөн нь Иргэний хуульд нийцсэн, гуравдагч этгээдийн эрх ашгийг хөндөөгүй байх тул хариуцагч нарын зөвшөөрлийг баталж, хэргийг хэрэгсэхгүй болгох нь зүйтэй.

 

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн 123.1-д заасныг удирдлага болгон ТОГТООХ нь:

 

1. Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5-д  зааснаар ******* ******* ******* ХХК-ийн нэхэмжлэлтэй, хариуцагч О.д холбогдох 456.000 төгрөг гаргуулахыг хүссэн нэхэмжлэлийн шаардлагатай иргэний хэрэгт хариуцагчийн итгэмжлэгдсэн төлөөлөгчийн “...456.000 төгрөгийг шүүх хуралдааны явцад хүлээн зөвшөөрч байна...” гэх зөвшөөрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.6-д зааснаар нэхэмжлэгчийн улсын тэмдэгтийн хураамжид төлсөн 14.330 төгрөгийг төрийн сангийн орлогод хэвээр үлдээж, хариуцагч О.гаас улсын тэмдэгтийн хураамжид 14.330 төгрөг гаргуулж нэхэмжлэгч ******* ******* ******* ХХК-д олгосугай.

 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар хэргийг хялбаршуулсан журмаар хянан шийдвэрлэсэн тул зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргахгүйг дурдсугай.

 

 

 

 

 

            ДАРГАЛАГЧ ШҮҮГЧ                                             Д.АЛТАНТУЯА