МОНГОЛ УЛСЫН НЭРИЙН ӨМНӨӨС

 

 

Хэргийн индекс: 135/2016/001001/и

 

 

Дархан-Уул аймаг дахь Сум дундын Иргэний хэргийн анхан шатны шүүхийн шүүгч З.Тунгалагмаа даргалж, тус шүүхийн танхимд хийсэн шүүх хуралдаанаар

 

Хүсэлт гаргагч: Дархан-Уул аймаг, Дархан сум, ******* баг, ******* ******* ******* улсын байгууллагын байр, ** давхарт байрлах, В*** Банк Бус Санхүүгийн Байгууллага /утас ***/-ын хүсэлттэй

 

 “С.Н***г эрэн сурвалжлуулах тухай ” иргэний хэргийг хянан хэлэлцэв.

 

 Шүүх хуралдаанд: Хүсэлт гаргагчийн итгэмжлэгдсэн төлөөлөгч Э.Х***, шүүх хуралдааны нарийн бичгийн дарга Б.Эрдэнэцогт нар оролцов.

                                                   ТОДОРХОЙЛОХ  нь:

 

 Хүсэлт гаргагч В*** ББСБ шүүхэд гаргасан нэхэмжлэлдээ болон хүсэлт гаргагчийн итгэмжлэгдсэн төлөөлөгч Э.Х***шүүх хуралдаанд гаргасан тайлбартаа:

   “... Иргэн С.Н*** нь 2015 оны 01 дүгээр сарын 26-ны өдөр В*** ББСБ-ын Дархан салбараас *** тоот зээлийн гэрээ байгуулан 2,405,000 төгрөгийн зээлийг бизнесийн зориулалтаар 18 сарын хугацаатай сарын 2,8 хувийн хүүтэй зээл авсан. Зээлийн графикт заасны дагуу зээлээ төлөхгүй алга болсон. 2,405,000 төгрөгийн төлбөрийн өртэй байна. Өмнө ***дугаар баг, ** дугаар хороолол, ** байрны ***тоотод нөхөр Н.Э***/***, утас **/-ын хамт оршин суудаг байсан. Одоо хаана байгаа нь тодорхойгүй байгаа.

Иймд эрэн сурвалжилж өгнө үү.” гэв

 

Шүүх хуралдаанаар хүсэлт гаргагчийн хүсэлт болон хавтаст хэрэгт авагдсан бусад бичгийн нотлох баримтуудыг шинжлэн судлаад

                ҮНДЭСЛЭХ  нь:

 

Иргэний эрх зүйн харилцаанд хариуцагчаар оролцвол зохих этгээд болох С.Н*** /регистрийн дугаар ***, утас ***/ нь одоо хаана байгаа нь мэдэгдэхгүй, оршин суугаа хаяг нь тодорхойгүй болох нь хүсэлт гаргагчийн шүүхэд гаргасан хүсэлт зэргээр тогтоогдож байна.

 

Иймд иргэний хэрэг шүүхэд  хянан шийдвэрлэх тухай хуулийн 155 дугаар зүйлийн 155.1, 155.2-т заасны дагуу гаргасан хүсэлт гаргагч В*** ББСБ-ын гаргасан С.Н*** /регистрийн дугаар ***, утас ***/-г эрэн сурвалжлуулах тухай хүсэлтийг хангаж шийдвэрлэх үндэслэлтэй байна.

 

Монгол Улсын Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.1, 116, 118 дугаар зүйлд заасныг удирдлага болгон ТОГТООХ  нь :

 

1. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.3-т зааснаар С.Н*** /регистрийн дугаар **, утас **/-г эрэн сурвалжилсугай.

 

2. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.4-д зааснаар С.Н*** /регистрийн дугаар ***, утас ***/-г эрэн сурвалжлах, оршин суугаа газрыг тогтоохыг Дархан-Уул аймгийн Цагдаагийн газарт даалгасугай.

 

3. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.2-т зааснаар нэхэмжлэгчээс улсын тэмдэгтийн хураамжид төлсөн 70,200 /далан мянга хоёр зуу/ төгрөгийг Төрийн сангийн орлогод хэвээр үлдээсүгэй. 

 

   4. С.Н*** /регистрийн дугаар МБ58030122, утас 99689378/-ийн хаяг болон хаана байгааг нь тодруулсаны эцэст хүсэлт гаргагч В*** Банк Бус Санхүүгийн Байгууллага /утас ***/-т утас болон хаягаар нь мэдэгдэхийг Дархан-Уул аймгийн Цагдаагийн газарт даалгасугай. 

 

 5. Иргэний хэрэг шүүхэд хянан шийдвэрлэх тухай хуулийн  119 дүгээр зүйлийн 119.2-т зааснаар энэ шийдвэр танилцуулан сонсгомогц хүчинтэй болох бөгөөд мөн хуулийн 120 дугаар зүйлийн 120.2-т зааснаар зохигч, тэдгээрийн төлөөлөгч буюу өмгөөлөгч шийдвэрийг эс зөвшөөрвөл гардан авснаас хойш 14 хоногийн дотор Дархан-Уул аймгийн Иргэний хэргийн Давж заалдах шатны шүүхэд гомдол гаргах эрхтэйг дурдсугай.

 

 

 

 

          ДАРГАЛАГЧ ШҮҮГЧ                                           З.ТУНГАЛАГМАА