Хялбаршуулсан журмаар хэрэг хянан шийдвэрлэх тухай

 

Багахангай, Налайх дүүргийн Иргэний хэргийн анхан шатны шүүхийн шүүгч Н.Баярсүрэн  би

Нэхэмжлэгч: Чингэлтэй дүүрэг, 1 дүгээр хороо, Бага тойруу 3/9 тоот “Жи мобайл” ХХК /РД:5055873/-ийн

Хариуцагч: Налайх дүүргийн 2 дугаар хороо, Нарлагийн 15 дугаар гудамж 01 тоотод оршин суух, Тайж олхонууд овгийн Самбуу-Ёндонгийн Цэцэгмаа /РД:УЕ60112520/-д холбогдох

Зээлээр худалдах, худалдан авах гэрээний үүргийн биелэлт 60.000 төгрөг гаргуулахыг шаардсан нэхэмжлэлийг 2016 оны 8 дугаар сарын 18-ны өдөр хүлээн авч, 2016 оны 8 дугаар сарын 25-ны өдөр иргэний хэрэг үүсгээд ТОДОРХОЙЛОХ нь:

Нэхэмжлэгч “Жи мобайл” ХХК шүүхэд гаргасан нэхэмжлэлдээ: С.Цэцэгмаа нь 2015 оны 5 дугаар сарын 13-ны өдөр манай компанитай төхөөрөмж зээлээр худалдах, худалдан авах гэрээ байгуулж, 240.000 төгрөгийн үнэ бүхий NP-10 төхөөрөмжийг 12 сарын хугацаатай, урьдчилгаа 20.000 төгрөгийг төлж, үлдэгдэл мөнгийг сар бүр хуваарийн дагуу 20.000 төгрөгөөр төлж дуусгах нөхцөлтэйгээр худалдан авсан. Иймд С.Цэцэгмаагаас төхөөрөмжийн үлдэгдэл төлбөр 40.000 төгрөг, алданги 20.000 төгрөг, нийт 60.000 төгрөгийг гаргуулж өгнө үү гэжээ.

Хэрэг хянан шийдвэрлэх ажиллагааны явцад нэхэмжлэгчийн итгэмжлэгдсэн төлөөлөгч М.Мөнхсувд шүүхэд гаргасан тайлбартаа: С.Цэцэгмаагаас төхөөрөмжийн үнэ 60.000 төгрөг нэхэмжилсэн нэхэмжлэлийг шүүхэд гаргасан ба үүнээс хариуцагч С.Цэцэгмаа үндсэн төлбөр 40.000 төгрөгийг төлж барагдуулсан тул алданги 20.000 төгрөгөөс татгалзаж байна.Иймд  хэргийг хялбаршуулсан журмаар шийдвэрлэж өгнө үү гэжээ. 

Хариуцагч С.Цэцэгмаа шүүхэд гаргасан хариу тайлбартаа: Би NP10 төхөөрөмжийн үндсэн төлбөр 40.000 төгрөгийг төлж барагдуулсан. Алданги 20.000 төгрөгөөс чөлөөлж өгнө үү гэжээ.

Шүүх энэ хэрэгт  иргэний хэрэг шүүхэд хянан шийдвэрлэх тухай хуульд заасан журмын дагуу цугларсан бичмэл нотлох баримтууд болон зохигчдын тайлбар зэргийг шинжлэн судлаад ҮНДЭСЛЭХ нь:

“Жи мобайл” ХХК нь хариуцагч С.Цэцэгмаагаас зээлээр худалдах, худалдан авах гэрээний үүргийн биелэлт 40.000 төгрөг, алданги 20.000 төгрөг нийт 60.000 төгрөг гаргуулахыг шаардсан боловч хэрэг хянан шийдвэрлэх ажиллагааны явцад хариуцагч С.Цэцэгмаа үндсэн төлбөр 40.000 төгрөгийг төлсөн үндэслэлээр нэхэмжлэгчийн итгэмжлэгдсэн төлөөлөгч М.Мөнхсувд алданги 20.000 төгрөгөөс татгалзжээ.

Хариуцагч С.Цэцэгмаа NP10 төхөөрөмжийн үлдэгдэл төлбөр 40.000 төгрөгийг 2016 оны 9 дүгээр сарын 19-ний өдөр төлсөн нь зохигчдын тайлбар, мөнгө төлсөн баримт /хх-18/-аар тогтоогдсон тул хэрэг хянан шийдвэрлэх ажиллагааг дуусгавар болгож хариуцагч нэхэмжлэлийн шаардлагыг биелүүлснийг баталж хэргийг хэрэгсэхгүй болгох үндэслэлтэй гэж үзлээ.

Хялбаршуулсан журмаар хэргийг шийдвэрлэж байгаатай холбогдуулан улсын тэмдэгтийн хураамжийн хэмжээг тал хувиар бууруулж тогтоон нэхэмжлэгчийн улсын тэмдэгтийн хураамжид төлсөн 4.550 төгрөгийн тал хувь болох 2.275 төгрөгийг улсын төсвийн орлогоос, үлдэх 2.275 төгрөгийг хариуцагч С.Цэцэгмаагаас  тус тус гаргуулж нэхэмжлэгчид олгож шийдвэрлэв. 

Монгол Улсын Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 75,123 дугаар зүйлийн 123.1-д заасныг удирдлага болгон ЗАХИРАМЖЛАХ нь:

1. “Жи мобайл” ХХК-ийн нэхэмжлэлтэй Тайж олхонууд овгийн Самбуу-Ёндонгийн Цэцэгмаагаас холбогдох зээлээр худалдах, худалдан авах гэрээний үүргийн биелэлт 40.000 /дөчин мянга/ төгрөг гаргуулах нэхэмжлэлийн шаардлагыг хариуцагч С.Цэцэгмаа  биелүүлснийг баталж хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн  74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчээс улсын тэмдэгтийн хураамжид төлсөн 4.550 /дөрвөн мянга таван зуун тавь/ төгрөгийн тал хувь болох 2.275 /хоёр мянга хоёр зуун далан тав/ төгрөгийг улсын төсвийн орлогоос, үлдэх 2.275 /хоёр мянга хоёр зуун далан тав/ төгрөгийг  хариуцагч С.Цэцэгмаагаас  гаргуулж нэхэмжлэгч “Жи мобайл” ХХК-нд олгосугай.

3. Иргэний  хэрэг  шүүхэд хянан шийдвэрлэх тухай хуулийн 74  дүгээр зүйлийн 74.4-д зааснаар энэхүү шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг заасугай.

4. Иргэний хэрэг шүүхэд хянан шийдвэрлэх тухай  хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.      

 

ШҮҮГЧ                                         Н.БАЯРСҮРЭН