2019         08              23                                          2019/ШЦТ/247                               

 

                             МОНГОЛ УЛСЫН НЭРИЙН ӨМНӨӨС

 

 

Төв аймаг дахь Сум дундын Эрүүгийн хэргийн анхан шатны шүүхийн эрүүгийн хэргийн шүүх хуралдааныг тус шүүхийн шүүгч Ю.Энхмаа даргалж,

-нарийн бичгийн дарга Э.Билгүүн,

-улсын яллагчаар Б.Энхболд

           -шүүгдэгч У.Г нарыг оролцуулан тус шүүхийн шүүх хуралдааны танхимд нээлттэй хийсэн эрүүгийн хэргийн шүүх хуралдаанаар,

Төв аймгийн Прокурорын газраас Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар яллах дүгнэлт үйлдэж хялбаршуулснаар хянан шийдвэрлүүлэхээр ирүүлсэн Ш овгийн У.Г-т холбогдох 1934006210305 дугаартай эрүүгийн хэргийг 2019 оны 08 дугаар сарын 21-ний өдөр хүлээн авснаар хянан хэлэлцэв.  

           Шүүгдэгчийн биеийн байцаалт:

Монгол Улсын иргэн, 1974 оны 10 дугаар сарын 10-ны өдөр Завхан аймгийн Тосонцэнгэл суманд төрсөн, 45 настай, эрэгтэй, дээд боловсролтой, барилгын инженер мэргэжилтэй, хувиараа барилгын засал хийдэг, ам бүл 4, эхнэр, 2 хүүхдийн хамт Улаанбаатар хот, Баянгол дүүрэг, 6 дугаар хороо, 10-р хороолол, АОС 56г байр 4 тоотод оршин суух, улсаас авсан гавьяа шагнал, урьд ял шийтгэлгүй, бие эрүүл, ухаан мэдрэл бүрэн, хэрэг хариуцах чадвартай гэх, Ш овгийн У.Г /РД:___74101030/

Холбогдсон хэргийн талаар:

Шүүгдэгч Яллагдагч У.Г нь 2019 оны 07 дугаар сарын 19-ний өдөр Төв аймгийн Зуунмод сумын номт 1 дүгээр багийн нутагт Мэргэжлийн хяналтын газрын ажилчдын байрны барилга дээр “байрны тог янзалсангүй” гэх шалтгаанаар Г.Пунцагдоржтой маргалдаж улмаар түүний эрүүл мэндэд нуруунд шарх, зулгаралт, зөөлөн эдийн няцрал бүхий хөнгөн хохирол учруулсан гэмт хэргийг үйлдсэн гэмт хэрэгт холбогджээ. /яллах дүгнэлтэд дурдсанаар/

ТОДОРХОЙЛОХ нь:

                 Шүүгдэгч У.Г-ийн хэргээ хүлээн мэдүүлсэн мэдүүлэг нь хохирогч, гэрч нарын мэдүүлэг болон бусад нотлох баримтуудаар давхар нотлогдон тогтоогдсон тул түүний мэдүүлгийг яллах талын нотлох баримтад тооцсон.

Шүүгдэгч У.Г нь 2019 оны 07 дугаар сарын 19-ний өдөр Төв аймгийн Зуунмод сумын номт 1 дүгээр багийн нутагт Мэргэжлийн хяналтын газрын ажилчдын байрны барилга дээр “байрны тог янзалсангүй” гэх шалтгаанаар Г.Пунцагдоржтой маргалдаж улмаар түүний эрүүл мэндэд нуруунд шарх, зулгаралт, зөөлөн эдийн няцрал бүхий хөнгөн хохирол учруулсан гэмт хэргийг үйлдсэн болох нь: 

• Хохирогч Г.Пунцагдоржийн мөрдөн байцаалтын шатанд мэдүүлсэн: “..цайндаа явчхаад хашаандаа ороод ирэхэд Гантөмөр байрны тог янзалсангүй гээд урт төмрөөр миний нуруу руу цохисон. ..намайг У.Г төмрөөр цохиж нуруу хэсэг хөндүүр болоод хавдчихсан байсан. Тэгээд би “Мэд Травма” эмнэлэгт очиж цээжний зураг авахуулсан. Одоо миний бие зүгээр..” гэх мэдүүлэг /хх-ийн 15 тал/,
• “..тогноос болоод ажилчдын багаж шатчихлаа гээд Ганаа гэх залуу уголник төмрөөр нуруу руу цохисон тул гомдолтой байна. /би тэр байранд цахилгааны монтаж хийж байгаа юм/.. ..нуруу хавдсан, хөдөлхөд, амьсгаа авахад эвгүй байна..” /хх-ийн 16 тал/,
• Гэрч А.Бадралын мөрдөн байцаалтын шатанд мэдүүлсэн: “..Г.Пунцагдорж руу “чи муу пизда минь цахилгаанчин мөн юм уу үгүй юм уу, чамаас болж миний хамаг багаж шатчихлаа гээд газарт байгаа урт төмрийг аваад шууд Пунцагдоржийг чиглэж ирээд нуруун тус газар нэг цохисон. Тэгээд би салгаад тэр эрэгтэй хүнийг цааш холдуулаад ажлынхаа байр руу орчихоод шууд найз Пунцагдоржийн хамт цагдаагийн байгууллага дээр ирж мэдэгдсэн..” гэх мэдүүлэг /хх-ийн 19-20 тал/,
• Шүүгдэгч У.Г-ийн мөрдөн байцаалтын шатанд яллагдагчаар мэдүүлсэн: “..би Пунцагдоржийн урдаас очоод “Пизда минь чи яагаад нэг орцны тогийг холбоод,  нэгийг нь яагаад холбоогүй юм бэ гэж хэлтэл би танай талбайн цахилгаанчин биш өөрсдөө холбо гэж хэлсэн. Тэгэхээр нь би “чи яахаараа ингэж уур хүргэж байдаг юм бэ” гэж хэлээд хажууд байсан төмрөө рөө цохичхоод төмрөө бариад холдоод явчихсан...” гэх мэдүүлэг /хх-ийн 32 тал/,
• Төв аймаг шүүхийн шинжилгээний албаны №503 дугаартай “..Г.Пунцагдоржийн биед нуруунд шарх, зулгаралт, зөөлөн эдийн няцралт гэмтэл тогтоогдлоо. Дээрх гэмтэл нь хэрэг болсон гэх цаг хугацаанд үүссэн байх боломжтой байна. Дээрх гэмтэл нь хатуу мохоо зүйлийн нэг удаагийн үйлчлэлээр үүсгэгдэнэ. Шүүх эмнэлгийн гэмтлийн зэрэг тогтоох журмын 2.4.1-т зааснаар эрүүл мэндийг түр хугацаагаар сарниулах тул гэмтлийн хөнгөн зэрэгт хамаарна" гэх дүгнэлт /хх-ийн 23-24 тал/
• Зөрчлийн талаар амаар болон холбоо, мэдээллийн хэрэгслээр гаргасан гомдол, мэдээллийг хүлээн авсан тухай  /хх-ийн 6 тал/
• Эд зүйл, баримт бичгийг хураан авсан тухай тэмдэглэл /хх-ийн 7-8 тал/,
• Гэрэл зургийн үзүүлэлтүүд /хх-ийн 9-10 тал/
• Шүүгдэгч У.Г, хохирогч Г.Пунцагдорж нарын хэргийг хялбаршуулсан журмаар шийдвэрлүүлэх тухай хүсэлтийг хангасан прокурорын тогтоолууд /хх-ийн 54-55 тал/ зэрэг нотлох баримтуудаар нотлогдож байна.

            Мөрдөн шалгах ажиллагааны явцад болон шүүхийн хэлэлцүүлэгт шүүгдэгч У.Г нь гэмт хэрэг үйлдсэн гэм буруугаа хүлээн зөвшөөрсөн байна.

      Төв аймгийн Прокурорын газраас шүүгдэгч У.Г-ийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар эрүүгийн хэрэг үүсгэж, яллагдагчаар татах тогтоол үйлдэж, ял сонсгож, яллах дүгнэлт үйлдэж ирүүлсэн хуулийн зүйл, хэсэг, заалт шүүгдэгчийн гэм буруутай үйлдэлд тохирсон байна.

         Мөрдөн шалгах ажиллагааны явцад У.Г нь Эрүүгийн хэрэг хянан шийдвэрлэх тухай хуулийн 17.1 дүгээр зүйлийн 1 дэх хэсэгт хэргээ хялбаршуулсан журмаар хянан шийдвэрлүүлэх хүсэлт гаргасныг прокурор хүлээн авч хэрэгт хялбаршуулсан журмаар ажиллагаа явуулж, хэргийг хялбаршуулснаар хянан шийдвэрлүүлэхээр шүүхэд ирүүлсэн нь үндэслэлтэй байна.

 

Эрүүгийн хэрэг хянан шийдвэрлэх тухай хуулийн 17.5 дугаар зүйлд зааснаар хялбаршуулсан журмаар хянан шийдвэрлэх журмын дагуу Эрүүгийн хэрэг хянан шийдвэрлэх тухай хуулийн 17.5 дугаар зүйлийн 8 дахь хэсэгт зааснаар прокурор Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 650 нэгжээр буюу 650.000 төгрөгөөр торгох ял оногдуулах санал гаргаж шүүхэд шилжүүлсэн байна.

             Эрүүгийн хэрэг хянан шийдвэрлэх тухай хуулийн 17.4 дүгээр зүйлийн 4 дэх хэсэгт заасан шүүгдэгч гэмт хэрэг үйлдсэн нь нотлогдсон, гэмт хэрэг үйлдсэн гэм буруугаа сайн дураараа хүлээн зөвшөөрч, прокурорын сонгосон ялыг хүлээн зөвшөөрч, хүлээлгэх эрүүгийн хариуцлагыг зөвшөөрсөн, гэмт хэрэг үйлдсэн гэм буруугаа хүлээн зөвшөөрсний улмаас үүсэх хууль зүйн үр дагаврыг ойлгосон хуульд заасан нөхцөл байдлыг хангасан байх тул шүүх шүүгдэгч У.Г-т холбогдох хэргийг хялбаршуулсан журмаар хянан шийдвэрлэж,  

             Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэг үйлдсэн гэм буруутайд тооцож, анх удаа гэмт хэрэг үйлдсэн, гэмт хэргийн улмаас учирсан хохирлыг нөхөн төлсөн, гэм буруугаа хүлээн зөвшөөрсөн, гэмт хэрэг гарах болсон шалтгаант нөхцөл зэрэг хувийн байдлыг харгалзан шүүгдэгч У.Г-ийг 550 нэгжтэй тэнцэх хэмжээний буюу 550.000 төгрөгөөр торгож, Эрүүгийн хуулийн ерөнхий ангийн 5.3 дугаар зүйлийн 5 дахь хэсэгт заасныг баримтлан шүүгдэгч У.Г-ийн торгох ялыг Шүүхийн шийдвэр гүйцэтгэх тухай хуулийн 160 дугаар зүйлийн 160.1 дэх хэсэгт заасан хугацаанд биелүүлээгүй бол шүүх биелэгдээгүй торгох ялын арван таван нэгжтэй тэнцэх хэмжээний буюу 15.000 /арван таван мянга/ төгрөгийг нэг хоногоор тооцож хорих ялаар солихыг шүүгдэгч У.Г-т сануулав.

 

           Эрүүгийн хуульд заасан хүндрүүлэх нөхцөл байдал тогтоогдоогүй болно.

 

           Шүүхийн хэлэлцүүлэгт хохирогч Г.Пунцагдорж нь “гомдол саналгүй, нэхэмжлэх зүйлгүй” гэсэн байх тул энэ шүүх хуралдаанаар хэлэлцэх гэм хорын асуудал байхгүй байна.

            Эрүүгийн 1934006210305 дугаартай хэрэгт битүүмжлэгдсэн эд хөрөнгөгүй, шүүгдэгч У.Г нь цагдан хоригдсон хоноггүй, бусдад төлөх төлбөргүй болохыг,

            хэрэгт эд мөрийн баримтаар хураагдан ирсэн 1 метр урттай, шавар шохой мэт зүйлээр бохирлогдсон төмөр 1 ширхгийг Төв аймаг дахь Шүүхийн тамгын газарт даалгахыг тус тус дурдах нь зүйтэй байна. 

 

            Монгол Улсын Шүүхийн тухай хуулийн 31 дүгээр зүйлийн 1, 31 дүгээр зүйлийн 3.1, Эрүүгийн хэрэг хянан шийдвэрлэх тухай хуулийн 17.5, 36.2, 36.6, 36.7, 36.8, 36.10, 37.1 дүгээр зүйлийн 2, 38.2 дугаар зүйлийн 1 дэх хэсэгт заасныг тус тус удирдлага болгон                                               

 

ТОГТООХ нь:

 

1. Шүүгдэгч У.Г-ийг бусдын эрүүл мэндэд хөнгөн хохирол учруулсан гэмт хэргийг үйлдсэн гэм буруутайд тооцсугай.  

 

1. Шүүгдэгч У.Г-ийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар таван зуун тавин нэгж буюу 550.000 /таван зуун тавин мянган/ төгрөгөөр торгох ялаар шийтгэсүгэй.

 

1. Шүүгдэгч У.Г-т оногдуулсан торгох ялын биелэлтэд хяналт тавьж ажиллахыг харьяа нутаг дэвсгэрийн Шүүхийн шийдвэр гүйцэтгэх байгууллагад даалгасугай.

 

1. Эрүүгийн хуулийн ерөнхий ангийн 5.3 дугаар зүйлийн 5 дахь хэсэгт заасныг баримтлан шүүгдэгч У.Г-ийг торгох ялыг Шүүхийн шийдвэр гүйцэтгэх тухай хуулийн 160 дугаар зүйлийн 160.1 дэх хэсэгт заасан хугацаанд биелүүлээгүй бол шүүх биелэгдээгүй торгох ялын арван таван нэгжтэй тэнцэх хэмжээний буюу 15.000 /арван таван мянга/ төгрөгийг нэг хоногоор тооцож хорих ялаар солихыг мэдэгдсүгэй.

 

1. Хэрэгт битүүмжлэгдсэн эд хөрөнгөгүй, У.Г нь цагдан хоригдсон хоноггүй, бусдад төлөх төлбөргүйг тус тус дурдсугай.

 

1. Эрүүгийн хэрэг хянан шийдвэрлэх тухай хуулийн 21.5 дугаар зүйлийн 1 дэх хэсгийн 1.4-т заасныг баримтлан шийтгэх тогтоол хүчин төгөлдөр болмогц хэрэгт эд мөрийн баримтаар хураагдан ирсэн 1 метр урттай, шавар шохой мэт зүйлээр бохирлогдсон төмөр 1 ширхгийг Төв аймаг дахь Шүүхийн тамгын газарт даалгасугай.

 

1. Шийтгэх тогтоол хүчин төгөлдөр болтол шүүгдэгч У.Г-т авсан хувийн баталгаа гаргах таслан сэргийлэх арга хэмжээг хэвээр үргэлжлүүлсүгэй. 

 

1. Шүүхийн шийдвэр нь уншиж сонсгосноор хүчинтэй болохыг, уг шийдвэрийг уншиж сонсгосноос хойш 15 хоногийн дотор  шийтгэх тогтоолыг бүрэн эхээр, бичгээр үйлдэж улсын яллагч, шүүгдэгч, хохирогч, тэдгээрийн төлөөлөгч, өмгөөлөгчид гардуулахыг, дээрх хугацаанд шүүхийн шийдвэрийг гардаж аваагүй бол энэ хуулийн 11.9 дүгээр зүйлд заасны дагуу хүргүүлэхийг тус тус дурдсугай.

 

1. Шийтгэх тогтоол нь уншиж сонсгосноор хүчинтэй болох ба шүүгдэгч, хохирогч, тэдгээрийн өмгөөлөгч, улсын яллагч, дээд шатны прокурор анхан шатны шүүхийн шийтгэх тогтоолыг гардан авснаас хойш, эсхүл Эрүүгийн хэрэг хянан шийдвэрлэх тухай хуулийн 11.9 дүгээр зүйлд заасны дагуу хүргүүлснээс хойш 14 хоногийн дотор Төв аймгийн Эрүү, Иргэний хэргийн Давж заалдах шатны шүүхэд давж заалдах гомдол, эсэргүүцлээ шийдвэр гаргасан анхан шатны шүүхэд бичгээр гаргахыг дурдсугай.

 

1. Шийтгэх тогтоолд давж заалдах гомдол, эсэргүүцэл гаргасан бол шүүхийн шийдвэрийн биелэлтийг түдгэлзүүлж, тогтоол хүчин төгөлдөр болох хүртэл У.Г-ийг авсан хувийн баталгаа гаргах таслан сэргийлэх арга хэмжээг хэвээр үргэлжлүүлсүгэй.

 

 

 

 

ДАРГАЛАГЧ, ШҮҮГЧ                                     Ю.ЭНХМАА