Баянзүрх дүүргийн Эрүүгийн хэргийн анхан шатны шүүхийн шүүх хуралдааныг шүүгч Б.Ариунхишиг даргалж, шүүх хуралдааны нарийн бичгийн дарга М.Баярмаа, улсын яллагч М.Очбадрах, шүүгдэгч Б.Б нарыг оролцуулан тус шүүхийн хуралдааны танхимд нээлттэй хийсэн шүүх хуралдаанаар,

             Баянзүрх дүүргийн прокурорын газрын хяналтын прокурор М.Очбадрахаас Эрүүгийн хуулийн тусгай ангийн 17.8 дугаар зүйлийн 1 дэх хэсэгт заасан гэмт хэрэгт Х овогт Б Б холбогдуулан яллах дүгнэлт үйлдэж ирүүлсэн эрүүгийн 1906 03003 1459 дугаартай хэргийг 2019 оны 07 дугаар сарын 03-ны өдөр хүлээн авч хянан хэлэлцэв.     

            Шүүгдэгчийн биеийн байцаалт:

Монгол Улсын иргэн,

Холбогдсон хэргийн талаар: /Яллах дүгнэлтэд дурдсанаар/

            Яллагдагч Б.Б нь согтууруулах ундаа хэрэглэсэн үедээ 2019 оны 05 дугаар сарын 09-нөөс 10-нд шилжих шөнө Баянзүрх дүүргийн 5 дугаар хорооны нутаг дэвсгэрт үйл ажиллагаа явуулдаг “HD” караокегоор үйлчлүүлж байхдаа тус караокены эзэмшлийн самсунг загварын 55 инчийн зурагтын дэлгэц болон ширээний тавцанг цохиж, бусдын эд хөрөнгийг хууль бусаар гэмтээсний улмаас 1.189.960 төгрөгийн хохирол учруулсан хэрэгт холбогджээ.   

            Шүүхийн хэлэлцүүлэгт дараах нотлох баримтуудыг шинжлэн судлав. Үүнд:

Шүүхийн хэлэлцүүлэгт шүүгдэгч Б.Б мэдүүлэхдээ: “…Мөрдөн шалгах ажиллагаанд бүгдийг үнэн зөв мэдүүлсэн. Нэмж мэдүүлэх зүйлгүй.” гэв.    

Баянзүрх дүүргийн цагдаагийн хэлтэст гаргасан өргөдөл /хх-н 2/, мөрдөн шалгах ажиллагаанд хохирогчоор Б.Х мэдүүлэг авсан тэмдэглэл /хх-н 5-6/, мөрдөн шалгах ажиллагаанд гэрчээр Д.Д мэдүүлэг авсан тэмдэглэл /хх-н 10-12/, “Дамно” ХХК-ийн хөрөнгийн үнэлгээний тайлан /хх-н 14-15/, мөрдөн шалгах ажиллагаанд яллагдагчаар Б.Б ээс мэдүүлэг авсан тэмдэглэл /хх-н 21-24/, эрүүгийн хариуцлага хүлээж байсан эсэхийг шалгах хуудас, шийтгэх тогтоолын хуулбар /хх-н 43-49/, иргэний үнэмлэхийн лавлагаа /хх-н 42/ зэрэг болно.  

Шүүхийн хэлэлцүүлэгт шинжлэн судалсан дээрх нотлох баримтууд болон хэрэгт авагдсан бусад бичгийн нотлох баримтуудыг Эрүүгийн хэрэг хянан шийдвэрлэх тухай хуулийн 16.2 дугаар зүйлд заасан шаардлагыг зөрчсөн гэх ноцтой зөрчил тогтоогдоогүй байна гэж үзээд шүүх тал бүрээс нь бүрэн, бодитой хянасаны үндсэнд ТОДОРХОЙЛОХ нь:

            Баянзүрх дүүргийн прокурорын газрын хяналтын прокурор М.О шүүгдэгч Б.Б нь согтууруулах ундаа хэрэглэсэн үедээ 2019 оны 05 дугаар сарын 09-нөөс 10-нд шилжих шөнө Баянзүрх дүүргийн 5 дугаар хорооны нутаг дэвсгэрт үйл ажиллагаа явуулдаг “HD” караокегоор үйлчлүүлж байхдаа тус караокены эзэмшлийн самсунг загварын 55 инчийн зурагтын дэлгэц болон ширээний тавцанг цохиж, бусдын эд хөрөнгийг хууль бусаар гэмтээсний улмаас 1.189.960 төгрөгийн хохирол учруулсан гэх гэмт хэрэгт холбогдуулан яллах дүгнэлт үйлдэж шүүхэд ирүүлжээ.       

Шүүхээс шүүгдэгч Б.Б согтууруулах ундаа хэрэглэсэн үедээ 2019 оны 05 дугаар сарын 09-нөөс 10-нд шилжих шөнө Баянзүрх дүүргийн 5 дугаар хорооны нутаг дэвсгэрт үйл ажиллагаа явуулдаг “HD” караокегоор үйлчлүүлж байхдаа тус караокены эзэмшлийн самсунг загварын 55 инчийн зурагтын дэлгэц, ширээний тавцанг цохиж бусдын эд хөрөнгийг гэмтээж 1.189.960 төгрөгийн хохирол учруулсан болох нь дараах нотлох баримтуудаар нотлогдон тогтоогдож байна гэж үзэв. Үүнд:     

Мөрдөн шалгах ажиллагаанд хохирогч Б.Х өгсөн: “..." гэх мэдүүлэг /хх-н 5-6/,

Мөрдөн шалгах ажиллагаанд гэрч Д.Д өгсөн: "...Б тооцоогоо хийчихээд ширээндээ буцаж ирж сууж байгаад ямар нэгэн зүйл хэлэлгүйгээр гартаа барьж байсан стаканаар ширээ цохиход гарнаас нь цус гарсан. Ингээд Б бид хоёр гарах гээд текний орчим зогсож байтал Б тухай караокены хананд байсан зурагтыг гараараа цохиж хагалсан бөгөөд удалгүй цагдаа ирсэн. Б тухайн үед их согтсон байсан тул шалтгаангүйгээр тус караокены ширээ болон зурагтыг цохиж эвдсэн." гэх мэдүүлэг /хх-н 11-12/,

Мөрдөн шалгах ажиллагаанд яллагдагч Б.Б  өгсөн: "...Миний хувьд сонсгож байгаа зүйл анги болон үйлдсэн хэргээ хүлээн зөвшөөрч байна. Миний хувьд уг нь архи согтууруулах ундааны зүйл хэрэглээд байдаггүй юм. Би тухайн өдөр найз хүүхэнтэйгээ маргалдаад, түүнд гомдсондоо архи уусан. Ингээд сэтгэл санаа тавгүй байсан тул архи ууж согтсондоо караокены ширээ болон зурагтыг эвдсэн байна." гэх мэдүүлэг /хх-н 23-24/,

“Дамно" ХХК-ний 2019 оны 06 дугаар сарын 12-ны өдрийн Хөрөнгийн үнэлгээний тайлан /хх-н 14-15/ шүүхийн хэлэлцүүлэгт шүүгдэгч хэргээ хүлээн мэдүүлсэн мэдүүлэг зэрэг хэрэгт авагдсан бусад нотлох баримтуудаар хангалттай нотлогдон тогтоогдож байна гэж үзэв.   

Иймд шүүгдэгч Б.Б бусдын эд хөрөнгийг хууль бусаар устгасан, гэмтээсэн гэмт хэрэг үйлдсэн гэм буруутайд тооцож, Эрүүгийн хуулийн тусгай ангийн 17.8 дугаар зүйлийн 1 дэх хэсэгт зааснаар ял шийтгэл оногдуулах үндэслэлтэй байна гэж үзэв.  

Шүүхээс шүүгдэгч Б.Б ял шийтгэл оногдуулахдаа тохиолдлын шинжтэй нөхцөл байдлын улмаас анх удаа гэмт хэрэг үйлдсэнг ял хөнгөрүүлэх нөхцөлд, харин хүндрүүлэх нөхцөл байдал тогтоогдсонгүй гэж үзэв.  

Энэ гэмт хэргийн улмаас хохирогч Б.Х 1.189.960 төгрөгийн хохирол учирсан байх тул шүүгдэгчээс гаргуулж хохирогчид олгох нь зүйтэй гэж үзлээ.

Энэ хэрэгт эд мөрийн баримтаар хураагдан ирсэн зүйлгүй, битүүмжлэгдсэн ирсэн хөрөнгөгүй, шүүгдэгч нь цагдан хоригдсон хоноггүй болохыг тус тус дурдав.